2 Pēētērō 3

1Chamanichuuch, parwaa ārēēny :nyēēnyi āsirwook. Kyaasirwaak parweenichu tōkōl āchēērook akaangʼeet kāāpkootuutēkwook tākuchuuliisyō kukaraam. 2Āmārēy tāmooruutyēērēē ngʼal choo kiimwoorēy :ōōrkooyiipō Iriin kēny ākōō ngʼātuutyoo Kiptaayaan aku Sāruuniin nyoo kiineetaak kāāyooytooyiik. 3Mārēy ānkēt kukaraam kilē pkooney :piich choo kiikupāyu :makuut chēpō pōōrwēyiikwaak nkōō pērēētuus chēpō lēt. Roorēchinook 4akimwoorēy kilē, "Kiiyoomiis Yēēsu, kilē wārākēē, ara mii ānō :kāāyoomiisoonoonēē? Nku kungʼeetee pērēētuusyēpō mpō kuukō ākōy aniinee kutākuuryoongʼoot :kir aka tōkōl kilēē paani kiilēē /kēē-irēy ngʼwēny." 5Irtooy keey :pichoochēē choo kiikuruutyēērō kilē kii-ir :Iriin kēny im ākōō ngʼwēny kupunuunō ngʼālyoontēēnyiin. Kiingʼēētuunō :kōōrēē pēr akuukwēēn pēr 6/ākiikuuwaangʼa piich choo kiipō kōōroonoonēē pō taay pēr nkōō pērēētuunoonēē kiipō chēēmurwoompēy. 7Riipēē :Iriin im ākōō ngʼwēny nyēpō paanyēēnyi ngʼālyoontēēnyiin ākōy pērēētuu nyoo /kuuwoongʼēē ma paani /kutilchinii kiirwook /akeewaangʼ piich choo mā pō Iriin. 8Chamanichuuch, mooruutyēērēē kilē nkōō wōloo mii :Iriin ku lēē pērēētuu ākoongʼo kēnyiis ēlup ākoongʼo aku lēē kēnyiisyō ēlup ākoongʼo pērēētuu ākoongʼo. 9Māsiistooy Iriin ki-ir kiyoo kiikuuyoomiis kilēē paani pkootēy :piich walak. Aku riirēē piich āmu māmārēy kilē kupēt :chiich mpō ākoongʼo, aku mārēy piich tōkōl kuwāliisyō nkōō ngʼōōkiikwaak. 10Aku chōōnēy :pērēētuu Kiptaayaan kilēē chōōriin. Pētēy :imu pērēētuunoonēē nkōō chērāt nyoo ōōw kipootō kookeel nkōō araawa, /akēēpēēlēy ngʼwēny ākōō tukun tōkōl choo mii :ngʼwēny. 11Ara nēē /kungʼāmēy tukuuchu tōkōl, kilēē nyoonēē oo, /kēēmārēy a-ir nee nyuun? Makaat ātēpi nkōō tiliilin ākootāpoonchi keey Iriin, 12ākānyēy ākoo-irēy kichooku pērēētuunoonēē pō Iriin. /Kipēēlēē ma /akeengʼam pērēētuunoonēē im aku root kilēku pēr :kookeel ākōō tukun walak tōkōl. 13Aku kukānyēēchaan kiyoo kiikuuyoomiis :Iriin: kipsēnkwēt nyoo rēēl ākōō ngʼwēny nyoo rēēl wōloo mii :man. 14Kunyuun oo chamanichuuch, nēē āmii ākānyēy pērēētuunoonēē, atyam nkōō oor aka tōkōl a-ir tukun choo tiliilēēn amātingʼēy tisya, sikunyōōrwook :Kiptaayaan ātingʼēy kaalya. 15Ānkēt :akwaan kilē riirēē :Iriin piich /tākēēsāru. Kiisirwaak kilēē nyoonēē mpō :tuupchēē Paawulō nyoo chamaat, kupāyiisyēērēē ngʼoroomnyō nyoo kiitēnii :Iriin. 16Mwoorēy :inyeentee ngʼal choo lēē chu nkōō parweenichiich tōkōl. Mii :ngʼala walak parweenichiich choo kōlkōlō /keesōwu. Kwoongʼkwoongʼēy ngʼaleechiich :piich choo lēē sālwēy ākōō choo mēēnkēt oor nyoo pēētii. Nyēērēē :pichu mpō siruutēpō Iriin walak aku irēy :nyoonēē kupētyō :akwaaneek. 17Kunyuun, akwaan chamanichuuch, āmu ānkēt ngʼaleechu, āriip keey, tāmēēchuunnyook :pichoochēē raacheen, kitooputyō. 18Ānāryēē nkōō chamatee ākōō ngʼoroomnyēē nyēpō Kiptaayaantēēnyoon nyoo Sāruuniintēēnyoon Yēēsu Kiriistō. Kutōrōriit :inyeentee ākōy nkōō ākōy. Lēē nyoonēē.

will be added

X\