2 Pēētērō 1

1Aneen Siimnyōn Pēētērō nyoo ā-irchinii Yēēsu Kiriistō pāyit akaaneen kāāyooytooyiintēēnyiin. Āsirwookwaan choo kyoonyōōru kaarana nyaa karaam kitya kilēē achaan /akiikeecham /keetiliilook kupunuunō Yēēsu Kiriistō nyoo Iriintēēnyoon aku Sāruuniintēēnyoon. 2Kuupēēruurook :Iriin kitya ānyōōruu kaalya, nēē ātāsēy taay āsōwuuy inyeentee nkōō Yēēsu Kiptaayaantēēnyoon. 3Kiikōōnēēch :Iriin kir aka tōkōl nkōō kaamuukeenyiin sikēētēpii kilēē wōloo mārtooy :inyeentee. Kiimuukēy kēētēpi kilēē nyoonēē, āmu kiinkēt inyeentee nyoo kiikuurēēch keeramtee ōōwintanyiin ākōō kāroomnyēēnyiin. 4Nkōō kaamuukaanoonēē ku kiikukōōnēēch :Iriin tukun choo kāroomēēn kitya choo kiiyoomiisēēch, sikēēnyōōruu sopoon nyēpō Toomirmiiryeenyiin akeechirila rāyiityoo ngʼwēny nyoo āpuuy :makuut chaa raacheen. 5Kunyuun, aroo wōloo āmuuktooy ātāsi kaarana kāroomin, ātāsi kāroomin ngʼoroomnyō, 6ātāsi ngʼoroomnyō riipotoo keey, ātāsi riipotoo keey murtaar, ātāsi murtaar kōōnunātoo keey, 7ātāsi kōōnunātoo keey choomnyoot nyoo āchāmēy choo ātuupcho, ātāsi choomnyoonoonēē choomnyoot nyoo āchāmēy piich tōkōl. 8Nēē ātingʼēy ngʼaleechu kuyam, āpāyiisyēēchinii Iriin nkōō oor nyaa karaam kitya ākookiilyō nkōō ngʼoroomnyoo Kiptaayaantēēnyoon Yēēsu Kiriistō. 9Piich choo mātingʼēy ngʼaleechu, ku kōryootēēn āmēēnkēt kiyoo mārēy :Iriin ākiikuruutyēērō kilē /kikēē-uuntoochi ngʼōōkiikwaak. 10Kunyuun oo, choo kituupchō, atyama wōloo āmuuktooy a-ir kiyoo ngʼuutuuy kilē kiikukuurook :Iriin ālēkuu chaachiich. Nēē a-ir kilēē nyoonēē, ku moopētsōōt mpō āsip ākoongʼo, 11/akēētookook achuuta Kaa Kiptaayaantēēnyoon Yēēsu Kiriistō nyoo Sāruuniin, wōloo āpoomāngʼēy ākōy. 12Āpkootwook ngʼaleechu, mpō nēē ānkēt :akwaan, akyookiilchi ngʼālyoontoo man nyoo kyoonyōōru. 13Ārōōtēy kilē karaam āngʼuutwook ngʼaleechu, kutoosāpēy, 14āmu ānkēt kilē āmētooy pōōri kilēēkit, kilēē paani kiingʼuutwoon :Kiptaayaantēēnyoon Yēēsu Kiriistō. 15Ātyāmēy nkōō kaamuukeenyuun āngʼuutwook ngʼaleechu, soopkootēy pērēētuus tōkōl mpō nēē kaameer. 16Kii nēē kimwoorwook akipō chōōnētoo :Kiptaayaantēēnyoon Yēēsu Kiriistō ākōō kaamuukaa Iriin, ku maakumwoorunēēnook ātiintoon chēpō chiirana, āmu kiikeeroo ōōwintanyiin. 17Kiitōrōōr :Paapa Iriin inyeentee aku-ir ku-ōōwiit, paani kiimwoorēy kilē, "Inyēēn wēēriinyuun nyoo āchāmēy ākoopāypāchinii." 18Kiikuteer :achaan kuut kuchōōnēē im kēēmii ākōō inyeentee tulwoonoonēē tiliil. 19Kunyuun, kiirānēy ngʼal choo kiimwoorēy :ōōrkooyiipō Iriin. Karaam āyāpchii iit ōōrkooyichoochēē, āmu lēē taayit nyoo lārēy nkōō tuurin ākōy kuurir :kōōrēē akutooku :kookeelyaantaa kutākwoorō kuulopooyook. 20Mārēy āsōwuu kir nyoo ōōw. Nyoonēē ku nyi: māsōwuunēē :chiich kāāpkootuutēchiich kiyoo ngʼuutuuy :ngʼaleepō ōōrkooyiipō Iriin mu siruut 21āmu, kiimāmwooruuy :ōōrkooyiichoochēē ngʼaleekwaak kipaat, aku kingʼuutinii :Toomirmiir nyoo Tiliil kimwooru ngʼaleepō Iriin.

will be added

X\