2 Chowaana 1

1Aneen nyi pooyoon nyoo ōōw. Āmii āsiruun parwaani inyēēn cheepyooso nyoo ilēwēnoot ākōō laakōōkuuk. Āchāmook man, aku mā :aneen ākityōōn nyi āchāmook, chāmook :piich tōkōl choo chāmēy ngʼālyoon nyēpō man. 2Āmwooraa kilēē nyoonēē akipō ngʼālyoon nyēpō man nyoo kiikēēnyōōru. Kēētēptēē ngʼālyoontoonoonēē ākōy. 3Kuupēēruurēēch :Paapa Iriin ākōō Wēēriinyiin, Yēēsu Kiriistō, kuriireeneech aku-ireech kēēnyōōruu kaalya tākēēmāngʼiisyēē nkōō choomnyoot ākōō man. 4Apaypay :aneen āmu kyoonyōōru laakōōkuuk walak kutuupēy ngʼālyoon nyēpō man kilēē paani kiimwoorwēēch :Paapaan. 5Ku paanyēēnyi nyuun oo, cheepyoosooni, āmwooruun kilē āchoomnyēē. Mā ngʼātuut nyi nyoo rēēl, aku ngʼātuut nyoo kyoonkētikwaan kungʼeetee kēny. 6Choomnyoot ku nyi: Kee-ireechaan kiyoo kiikumwoorwēēch :Iriin. Kiimwooru inyeentee kilē maraat kēēmāngʼiisyēē nkōō choomnyoot kilēē paani kyoosip ateer :akwaan. 7Mii :piich chaa chaangʼ choo kii kungʼuurnaanaata mu ngʼwēny. Māchāmēy :pichoochēē kuuran kilē kiichō :Yēēsu Kiriistō ngʼwēny ku chiich. Chiich nyoo mwoorēy kilēē nyoonēē ku ngʼuuriin aku puunyoontoo Kiriistō. 8Āriipō keey nyuun mēēmēlmēēlook :pichoochēē tāmoopoot kiyoo kyoolāptoochi keey. Āriipō keey toonyōōru mālāk nyoo kiiyoomiiswook :Iriin. 9Chiich nyoo mātuupēy koonēētiisyoo Kiriistō akutāsinii ngʼaleechiich, ku mā pō Iriin. Aku nyoo katuup koonēētiisyoo Kiriistō, ku pō Paapa ākōō Wēēriinyiin. 10Nēēchō :chiich aka tōkōl tuuyēēngʼwoongʼ ameeneet man akipō Kiriistō, kumaataak nkōō koongʼwoongʼ. 11Āmu chiich aka tōkōl nyoo kataak chiichoonēē, kurāmtooy rāyiityēēnyiin. 12Kātootingʼēy ngʼal chaa chaangʼ choo kātoomāraa kilē asiruun, nkanyi moomāraa asiruuneeniin wiinō ākōō kartaasi. Kir nyoo āmāraa ku āruutoowook takeepa kee-ama lōkōōy takunyireech pāypooyō. 13Tookwēēsook laakōōpō chēētāngʼwoongʼ nyoo lēwēnoot.

will be added

X\