1 Tiimōti 5

1Āmēē-ārāsi pooyoon nēē mii ingʼāloolchinii, ingʼāloolchinii kilēē paani ingʼāloolchinii āpoongʼuungʼ. Ingʼāloolchi wēēchin kilēē wēēchiikwook. 2Nēē chēēpyōōsōōy, i-āp aka tōkōl kilēē eeyeengʼuungʼ. Nēē tiipin, i-āp akwaaneek kilēē tiipiikwook akiitikoon nkōō oor nyoo tiliil. 3Makaat /kēēriip chēēpyōōsōōy choo lēē mōsōōk choo moomii piich choo riipēy. 4Ku nēē tingʼēy :cheepyooso nyoo lēē mōsōk laakōōy ntā ku kōōkōtiin, ku maraat :laakōōchoochēē kuuwar Iriin akuriip sikiikwaak, kuukōngʼwaangʼ ntā ku kōōkōngʼwaangʼ. Nēē-ir kilēē nyoonēē, kumii kurookuuy kiyoo /kiiku-irchi akwaaneek. Ngʼālyoon nyoonēē nyoo chāmēy :Iriin. 5Cheepyooso nyoo kiikungʼātu inyeentee ākityōōn, amoomii :chiich nyoo tākuriipēy, kitiirēē keey Iriin kipaat. Sooyēy pērēēt ākōō langʼa kuriirchinii Iriin. 6Ku cheepyooso nyoo lēē mōsōk nyoo kiicham tukun chēpō lala, ku kiikima :nyoonēē kusopoot. 7Makaat imwoochi piich chēpō Iriin ngʼaleechu, simāmwoorēy :chiich ngʼal chaa raacheen akipō akwaaneek. 8Chiich aka tōkōl nyoo mēētoorētēy tilyayiichiich aku nyēpō taay piich chēpō katangʼwaangʼ, ku kaakutay ngʼālyoontoo Iriin. Ra :chiichoonēē kusiir chiich nyoo toomō kuuran ngʼālyoontoo Iriin. 9/Sikēē-ititō cheepyooso nyoo lēē mōsōk pichu kuutoorētēy, ku maraat kutingʼēy kēnyiis tamanwook lo ku tas taay, amaawō kō aka. 10Makaat ku cheepyooso nyoo tookunoot nkōō pāyiisyōōn choo kāroomēēn kilēē mpō kuriip laakōōchiich nkōō oor nyaa karaam, kutaak too, kuutoorēt tuupchēēnik walak akuutoorēt piich choo :nyārilsōōt. Makaat nyuun kuukiil keey ku-ir tukun choo kāroomēēn. 11Mamakaat /kēē-ititō chēēpyōōsōōy choo lēē mōsōōk choo tākumēnkēēchō. Āmwooraa kilēē nyoonēē, āmu nēē pāyu akwaaneek mākuut chēpō pōōr, kumar kilē tākwoopān akumētō kuukiilchi keey pāyiisyoo Kiriistō. 12/Kēērwoochi nyuun akwaaneek āmu kiikupit kiyoo kiiyoomiis Iriin kilē irchinii. 13Kiicham :chēēpyōōsōōchoochēē kuuluumootō koorin kuupootootō saayitiisyakwaak. Mā nyoonēē kipaat, mwoorootēy seemseem kuuchuutootēy keey ngʼal choo mā pootō akungʼāloolootēy ngʼal choo mēērookēē /kēēmwoorēy. 14Kunyuun, āmwoochinaa chēēpyōōsōōy choo lēē mōsōōk choo tāku mēēnkēēchō /kēē-āp, kunam laakōōy akuriip kooriikwaak simānyōōru :Syeetaani pārooyin kungʼalaaleeneech nyaa ra. 15Āmwooraa kilēē nyoonēē āmu kiikuwāliisyō :walak kupa wōloo mii :Syeetaani akupa kutuup ngʼaleechiich. 16Ku nēē mii :piich choo kiikucham Iriin akutingʼēy nkōō kooriikwaak chēēpyōōsōōy choo lēē mōsōōk, ku mārēy kuutoorēt chēēpyōōsōōchoochēē nkōō oor aka tōkōl kumāmēti nyikiisinoonēē kaaniisa. Nēē kaaku-ir kilēē nyoonēē, kuutoorēt :kaaniisa mōsōōkik choo moomii chiich nyoo toorētēy. 17Makaat /kēēkoonyitēy /ākēētoorētēy kāāntōōy choo ntōrōōrchinii kaaniisa nyaa karaam, kitya ku choo āmtooy ngʼālyoon akuunēētēy. 18Āmwooraa kilēē nyoonēē, āmu mwoorēy :siruut kilē, "/Mākurēētēē sikiryō kwaam suus nēē kāsānēy tukun." Akumwoorēy mpō kuureer kilē, "Rookēē :chiich nyoo ka-ir pāyit kunyōōru kir." 19Ameeran ngʼālyoon nyoo /kākumwooru /keengʼalaala kāāntōōyiin nyaa ra, ākōy nēē kaakumwooru :sōwi choo lēē ārēēny ntā ku sōmōk kilē lēē nyoonēē. 20Nēē ir :chiich ngʼōōki, ikar koongʼ kutēērēy :piich, sikuuwāriisyō :chuuchō walak. 21Kunyuun oo, Tiimōti, āmwooruun nkōō taayuu Iriin ākōō nyēpō Yēēsu Kiriistō ākōō mpō nkōō taayuu malaykeen choo lēwēnootēēn, kilē ituup ngʼaleechoochēē nyoo mēēlēwēnēy chiich. Māmārēy icham piich walak kusiir walak. 22Amēēchōōchi ikonoor chiich ēēruunēkuuk paani /kulēwēnēy ku-ir pāyiisyoo Iriin, ameekany keenaamteen :ngʼōōki chēpō piich nēē ir piich ngʼōōki. Itēpō itiliil. 23Mēērēēy pēr kipaat, mārēy irēēy tiipaay tukutēēn akipō kōōrōōy pō moo nyoo iimiin ākēny. 24Mēēmuukēē ku-ungʼiisyō :ngʼōōkipō piich walak. Kisip /kēērōōtēy kilē weel kitoomō keepa /kēērwoochi. Ku chēpō walak, ku-ungʼootēēn ākōy pērēētuuni pō lēt kipa /kēērwoochinii. 25Nkōō oor nyoo lēē nyoonēē, kuusip kutookuuy :kāroomin nyēpō pāyiisyōōn chēpō piich walak. /Kungʼoongʼuuy mpō :choo tāku ungʼootēēn pērēētuu aka.

will be added

X\