1 Teesaloonika 5

1Choo kituupchō, māmārēy keesirwaak ngʼal chaa chaangʼ akipō pērēētuu nyoo chōōnēē :Kiptaayaan, āmu ānkēt :akwaan kilē chōōnēy :Kiptaayaan kilēē chōōriin nyoo chōōnēy langʼa. 3Nēē mwooruuy :piich kilē kaalya :kōōrēē, ku yoonēē yoo /kungʼāmēy pichoochēē. Pkoonchinii pichoochēē :ngʼalēēchoochēē kilē weel kilēē ngʼwoonin nyoo nyōōruuy :cheepyooso nyoo mārēy kutuum laakwa. Māchirilēy :chiich. 4Aku nyuun choo kituupchō moomiikwaan tuurin nyoo muukēy kunyōōrwook :pērēētuunoonēē ku moochēpootēēn. 5Āpookwaan tōkōl lēpooyin ākoopō pērēēt. Mākēēpō tuurin amaakēēpō langʼa. 6Nkanyi nyuun, māmārēy kēēruuyēē kilēē piich walak, aku mārēy kēēchikōnootēēn ākēēriipēy keey, 7āmu langʼa paani ruusōōt :piich, aku langʼa paani pōōkitsōōt :piich. 8Āmu kupoochaan lēpooyin, kumārēy nyuun kēēriipēy keey. Mārēy keelaaka kaarana ākōō choomnyoot kilēē kariipō pooryoot choo /kitēēkēē takat, akeelaak mpō koomoongʼunō nyēpō sāruunō kilēē loongʼoo pooryoot nyoo /kiiriipēē mēt. 9Maalēwēnēēch :Iriin kilē kinyōōrwēēch siitēēnyiin nyaa ngʼwaan, aku mārēy kilē sikusārwēēch kupunuunō :Kiptaayaan Yēēsu Kiriistō, 10nyoo kiima akipō achaan kilē takeepee kēēmāngʼiisyēē nkōō inyeentee paani kawaraka, nēē tākēēsāpsōōt, ntā ku nēē kaakēēmēērō. 11Kunyuun, mārēy āchēērēy keey ākootoorēt keey kilēē paani āmii ā-irēy. 12Choo kituupchō, kusoomook ākoonyit piich choo ntōrōōrwook. Kiilēy keey :pichu kuuntōrōōrwook akuukiilook nkōō araa Kiptaayaan. 13Ākoonyitō pichoochēē kitya ākaacham nkōō pāyit nyoo irēy. Ākootēpō nkōō kaalya. 14Kisoomook choo kituupchō kilē āpkoongʼ choo mātēpiisōōt kilēē wōloo maraat, ākiil choo nyōkōōrēēn, ātoorēt choo kuskusō, ākoomurtoochinii chiich aka tōkōl. 15Aroo kilē moomii :chiich nyoo rooytooy rāyiityō nkōō rāyiityō, aku atyama ā-irchi keey saayit aka tōkōl nyaa karaam ākwoonēēk nkōō ākwoonēēk, ākoo-irchi mpō :piich tōkōl nyaa karaam. 16Āpāypāyiituu pērēētuus tōkōl, 17āsooyēy saayitiis tōkōl, 18āmwoochinii Iriin kōōnkēy nkōō kir aka tōkōl. Ngʼālyoon :nyi nyoo mārwook :Iriin a-ir :choo āpō Yēēsu Kiriistō. 19Āmoomiis Toomirmiir nyoo Tiliil. 20Amaareengʼ ngʼaleepō ōōrkooy. 21Āchāmchāmēy tukun tōkōl, akaanam choo kāroomēēn, 22akaataya keey kir aka tōkōl nyēpō rāyiityō. 23Ku-iraak :Iriin nyoo kōōnuuy kaalya ātililiitu nkōō oor aka tōkōl. Kanya kuriip :inyeentee toomirmiiryēēngʼwoongʼ, sopoontāngʼwoongʼ, ākōō pōōrwēyiikwook nyoo moomii :lēēluut ākōy kuwaraka :Kiptaayaantēēnyoon Yēēsu Kiriistō. 24Irēy kilēē nyoonēē, āmu kiikukuurook inyeentee /ākēērānēy. 25Choo kituupchō, āsoowēēch. 26Ātookwēēswoon choo kituupchō walak tōkōl nkōō pāypooyō. 27Āsoomook nkōō kaamuukaa Kiptaayaan kilē āsōōmānchii parwaani choo kituupchō tōkōl. 28Kuupēēruurook :Kiptaayaan Yēēsu Kiriistō.

will be added

X\