1 Teesaloonika 4

1Choo kituupchō, ngʼālyoontēē aka :nyi: kiikuuneetaak wōloo /kutēptooy /sikeepaypaay Iriin aku lēē nyoonēē wōloo ātēptooy. Nkanyi, nyuun kimārēy kēēsoomook nkōō kaarinaa Kiptaayaantēēnyoon Yēēsu kilē, atasa taay a-ir kilēē nyoonēē kitya. 2Ānkēt :akwaan ngʼal choo kikēēngʼuutwook :achaan kupunuunō kaamuukaa Kiptaayaan Yēēsu. 3Mārwook :Iriin kilē ātililiitu amaa-ir takal. 4Mārēy kuunkēt :murēnō aka tōkōl nkōō akwaan wōloo tēptooy nkōō cheepyooseenyiin mu oor nyēpō tiliilin ākōō koonyit, 5mēēlē nkōō oor nyēpō mākuut chēpō pōōr kilēē piich choo mēēnkēt Iriin. 6Kutuup keey nkōō ngʼaleechu ku māmārēy nyuun kimii :chiich nyoo lēēlchinii tuupchēēnyiin. Kiisip kēēmwoorwook kilē tēnii :Iriin siitēt piich choo irēy tukun choo lēē choochēē. 7Kiimaakuurēēch :Iriin kilē kēēlēkuu kiptakaliis, aku mārēy kilē kēētēpii ātēp nyoo tiliil. 8Nkanyi nyuun choo kituupchō, nēē atay :akwaan koonēētuutēchu ku āmoolē kaatay chiich, aku kaatay Iriin nyoo kōōnook Toomirmiiryeenyiin. 9Akipō nyuun choomnyoot nyoo kichāmēy choo kituupchō, ku kiikuuneetaak :Iriin āchoomnyō. 10Ākoochāmēēkwaan :mpō choo kituupchō tōkōl choo mii kōōroo Makeetoonnya. Kunyuun, choo kituupchō, kusoomook kilē atasa taay āchoomnyēē kitya. 11Aroo kilē kootēpi nkōō kaalya, akaa-ir pāyiisyēēngʼwoongʼ ākityōōn ākoo-āmēy tukuupō kiirootikwook kilēē paani kiisip kēēmwoorwook. 12Si nēē ngʼat ku koonyitook mpō :piich choo mēērānēy Kiptaayaantēēnyoon amoomii :kir nyoo pētwook. 13Choo kituupchō, kumārēēchaan āsowuukwaan man akipō piich choo kiikumēērō simooriirsōōt kilēē piich choo mātingʼēy koomoongʼunō. 14Kuurānēy kilē kiima :Yēēsu akungʼeeta meerat. Kunyuun, kuurānēy mpō kilē ngʼēētēē meerat :Iriin piich choo kiikumēērō kilēē paani kiingʼēēta Yēēsu. 15Koonēētuutēpō Kiptaayaan :chu choo kumwoorwook: Achaan choo kusāpyootēēn nkōō pērēētuunoonēē chōōnēy :Kiptaayaan ku mēēlē kuuntōrōōrtēērēē choo kiikumēērō. 16Kuurtooy :malayka nyoo ōōw nkōō kuut nyēpō parak /akeekuut ryampuu Iriin. Yoonēē nyuun kuchōōnō :Kiptaayaan kipsēnkwēt. Ngʼēētsōōt :piipō Kiriistō choo kiikumēērō kupōk, 17nēē ityō, /keewaaytēēch choo tākēēsāpyootēēn nkōō pooltō keepa kēētuuyō nkōō Kiptaayaan nkōō parak. Kungʼeeta yoonēē nyuun kēēmii nkōō Kiptaayaan ākōy. 18Kunyuun oo, acheeree keey ngʼaleechu.

will be added

X\