1 Aneen :nyi Paawulō kimii ākōō Siila ākōō Tiimōti. Āsirwook kaaniisaa Teesaloonika nyoo ārānēy Paapa Iriin ākōō Kiptaayaan Yēēsu Kiriistō. Kuupēēruurook :Iriin akukōōnook kaalya. 2 Kumwoochinii Iriin kōōnkēy ākōy akipō akwaan tōkōl nēē kusoowook, 3 āmu kiipkootook nkōō pāyit nyoo ā-irēy ārānēy inyeentee ākootingʼēy chamat. Ākēēmwoochinii Iriin Paapa kōōnkēy kuureer, āmu āmurtoochinii ākookānyēy kuwaraka :Kiptaayaantēēnyoon Yēēsu Kiriistō. 4 Tuupchēēnichuuch, kuunkēt kilē kiikukwaraak :Iriin nyoo chāmook ālēkuu chaachiich, 5 āmu kii nēē ku-āmwook lōkōōy choo kāroomēēn ku mēēlē kii ngʼal kipaat, aku kiimii mpō kaamuuka nyēpō Toomirmiir nyoo Tiliil saachamkwaan kilē man ngʼaleechu kiikumwoorwook. Ānkēt :akwaan mpō wōloo kiikitēptoochaan paani kiikimii tōkōl. 6 Kyaacham ā-irchi Iriin pāyit kilēē :achaan. Kyaataak lōkōōyichoochēē nkōō pāypooyō nyēpō Toomirmiir nyoo Tiliil mpō ntā ki-iraak /kēē-usook. 7 Nkōō yoonēē nyuun ālēkuukwaan koonēētuut nkōō wōloo mii :piich tōkōl choo rānēy Yēēsu chēpō kōōroo Makeetoonnya ākōō Akaaya. 8 Mēēlē kii-it :lōkōōyikwook chēpō Kiptaayaan kōōroo Makeetoonnya ākōō Akaaya kipaat, aku kiiteer :ngʼwēnyu tōkōl wōloo ārāntooy Iriin. Kunyuun, moomii mpō :kir nyoo tākēēmwoorēy. 9 Ngʼāloolēē :pichoochēē tōkōl wōloo kyaachamta ngʼaleechooch, nkōō wōloo kyoowāliisyēērēē tukuuchoochēē kyookutunchinii akaatuup Iriin nyoo sopoot nyoonēē pō man. 10 Aku yoonēē ākānyēy wēēriinyiin kuwarakeera parak, nyoonēē ku Yēēsu nyoo kiingʼeeta :Iriin meerat. Inyeentee nyoo sāruunēēnēēch siitoo Iriin simāngʼwoonchēēch.
