1 Pēētērō 5

1Kunyuun oo, āmārēy acheeraak kāāntōōy chēpō piipō Kiriistō. Aneen mpō kāāntōōyiin, akyaaroo wōloo kiinyarilta :Kiriistō ākoonyōōruuy ākōō akwaan tōrōōrin nyoo kupa /kēēngʼoongʼuuy. Āmwoorwook kilē: 2Āriipō kēēchiir choo kiikukōōnook :Iriin. Āmooriip āmu kākuusiichook, aku āriipō āchāmēy kilēē paani mārēy :Iriin. Moolēku choo āchāmēy rōōpiyō, aku ā-irchii Iriin pāyit nkōō moo ākoongʼo. 3Amaareengʼ piich choo /kiikēēkōōnook āryoontō, aku ātēpii nkōō oor nyaa karaam tākuumuustook :pichoochēē. 4Aku nēē chō :Māsōwoontee nyoo ōōw /kēēkōōnook mālāk nyoo ōōw nyoo mēēluluukēē. 5Āmārēy acheeraak mpō akwaan naran: ākoonyitō kāāntōōy. Makaat āminingʼiitēy keey tōkōl, āmu mwoorēy :siruutēpō Iriin kilē, "Kārēy :Iriin nyoo lāsē keey, akuupēēruurēy nyoo āpēy keey ngʼwēny." 6Āminingʼiitii keey :Iriin nyēpō kaamuuka tōkōl, sikuutōrōōrook nkōō pērēētuu nyoo yamaat. 7Ā-āpchii kāā-iimutēkwook tōkōl Iriin, āmu riipook. 8Āriip keey akaachikan! Mii :puunyoontēēngʼwoongʼ Kipngʼōōkiyoon kuulēēpootēy aku pōōrōōrootēy kilēē ngʼētuny nyoo āmēy piri kuwāsēy chiich nyoo āmēy kuuwaangʼ. 9Ākiilō nkōō kaaraneengʼwoongʼ taakartee puunyoontoonoonēē, āmu ānkēt kilē mii mpō choo ātuupchō nkōō ngʼwēny tōkōl kupuntēērēē nyariluut choo lēē choochēē. 10Mpō nēē anyaril pērēētuus choo ngʼērin, kuchēērook :Iriin nyoo chāmook akiikuyoomiiswook tōrōōrintanyiin nyēpō ākōy nkōō Yēēsu Kiriistō tookiilō ākooryoonchō kukaraam. 11Pāytooy :inyeentee ākōy. Lēē nyoonēē. 12Āsirwook ngʼaleechu ngʼērin kupunuunō ēēruunēpō Siila, tuupchēē nyoo ārānēy. Koomārēy acheeraak ākoomwoorwook kilē ākiilyō nkōō chamataa Iriin nyēpō man. 13Tookwēēsook :piipō Kiriistō nkōō Papulōōn choo /kiikēēlēwēn kilēē akwaan akuutookwēēsook :mpō wēēriinyuun Maarkō. 14Ataakweesa keey :tōkōl nkōō choomnyoot. Ātēpiisyēē nkōō kaalya :akwaan tōkōl choo āpō Kiriistō.

will be added

X\