1 Kōōriintō 9

1Maatyaakaat :aneen? Ma aneen kāāyooytooyiin? Mākyaarootaa Yēēsu Kiptaayaantēēnyoon koonyiichuuch? Mā akwaan chu kyoosōwu Kiptaayaan akipō pooryoot nyoo kyaam :aneen āpāyiisyēēchinaa Kiptaayaan? 2Mpō ntā mēērōōtēy :piich walak kilē aneen kāāyooytooyiin, kipō man nyuun kilē aneen kāāyooytooyiin nkōō wōloo āmiikwaan. Āmwooraa kilēē nyoonēē āmu ānkēt :akwaan man kilē aneen kāāyooytooyiin nyēpō Kiptaayaan. 3Ngʼaleechu choo āyēētēē keey nēē teepeenaan :piich walak ngʼal. 4Aneen sōō ākōō Parnapa choo mākutingʼēy man /kēēkōōnēēch āmiisyō ntā ku kir nyoo kurēēy akipō pāyit nyoo ku-irēy? 5Mākutingʼēēchaan man kēē-āpō chēēpyōōsōōy choo kiikuuran Iriin akeepeetaata tōkōl kilēē :kāāyooytooyiik walak ākōō wēēchiikwaak Kiptaayaan ākōō mpō :Pēētērō? 6Ntā koo :aneen ākōō Parnapa kipaat choo rookēē kee-ira pāyit sikēēnyōōru kir nyoo kwoomēy? 7Ara, mii :chiich nyoo lēē āskāriin nyoo mii pāyit nyoo muukēy kunamchi keey inyeentee rōōpiyō? Ntā mii mpō :chiich nyoo pālēy pareenyiin ama-am pareechoochēē? Ntā mii :chiich nyoo muukēy kuriip tany amālu chēēkō? 8Mēēlē āmii :aneen āmwoorēy ngʼaleechu ārōōtēy kilēē paani rōōtēy piich, nku mwoorēy :siruut chēpō Iriin kilēē nyoonēē. 9Siraat nkōō ngʼātuut choo kiitēnii :Iriin Muusa kilē, "/Mākurātēy eey kuut nēē irēy pāyit." Moomii :Iriin kungʼāloolēē eey kipaat nkōō yēēnyi, nku mii kungʼāloolēēnēēch mpō. 10Man /kiikusir ngʼālyoontoonoonēē akipō achaan, āmu nēē miitō :chiich kupāliisyēy ntā nēē mii kukāsiisyēy, ku-irēy kilēē nyoonēē sikunyōōru samat chēpō pareechoochēē. 11Ara nēē kaakeepayeenaak āmiisyō nyēpō sopoon oo, ku nyikisiit ākōōnēēch kir nyoo kuutoorētēē keey? 12Ku nēē koo tingʼēy :āmtooyiik walak man kunyōōru tukun nkōō wōloo āmiikwaan oo, ku mamakaat nyuun kēēnyōōruuchaan mpō kusiir? Maakupāyiisyēērēēchaan nyuun mantanoonēē. Nyoo kātālēē nyoonēē, ku kiikukiringʼ :achaan kir aka tōkōl tāmākukarta piich kuteer lōkōōy choo kāroomēēn akipō Kiriistō. 13Ānkēt akwaan man kilē nyōōrchinii :piich choo irēy pāyit Kōpō Iriin āmiisyō wōloonēē? Ntā moonkēt :akwaan kilē āmēy :piich choo pēēlēy kōrōs nkōō yoo pō kaapkōrōs nyēpō kōrōs kareeran chēpō tukuuchoochēē pēēlēy? 14Nkōō oor nyoo lēē nyoonēē, kiikumwooru :inyeentee Kiptaayaan kilē maraat piich choo āmtootēy lōkōōy choo kāroomēēn kuutoorēt :piich choo /kwoomchinii lōkōōyichoochēē. 15Ku moopāyiisyēēraa nyuun mantanoonēē aka tōkōl āmoomiiyaa āsirwook ngʼaleechu kilē sookōōnoon kir nyoo lēē nyoonēē. Ākāykēēyaa ama kusiir nēē kātoomwoorwook ākōōnoon kir. 16Paani ā-āmtooyaa lōkōōy choo kāroomēēn ku moomii kir nyoo ālāsēēyaa keey. Ā-āmtooyaa lōkōōyiichoochēē kāroomēēn āmu kiimwoorwoon :Iriin kilē a-amta. Āmiiyaa yaa ra nyaa tyaan kēny nēē maa-amtaa lōkōōyichoochēē kāroomēēn? 17Ntā kyookōōnwaa keey a-amtaata lōkōōy choo kāroomēēn nkōō makeenyuun aneentee, ntā rookēē /kēēkōōnaa kir nyoo yāmēy keey nkōō pāyit nyoo ā-iraa. Ku āmu kiilēwēnān nyuun :Iriin a-ir pāyiisyōōni, ku maraat a-amta lōkōōyichu kāroomēēn. 18Kir nee nyuun nyoo ānyōōruuyaa? Kir nyoo ānyōōruuyaa ku pāypooyō nyoo ā-āmtooyaa lōkōōy choo kāroomēēn āmoomii kir nyoo ārookēy. 19Moomii chiich aka tōkōl nyoo kōōnoon rōōpiyō akipō pāyiisyōōni ā-iraa. Kunyuun oo, āchāmaa āpāyiisyēēchi chiich aka tōkōl nyoo moomii kilē ngʼoo ngʼoo saa-ir :aneen piich chaa chaangʼ kucham Kiriistō. 20Paani āpāyiisyēy nkōō Yāwuutik, ātēpēē kilēē wōloo tēptooy :akwaaneek soo-isu akwaaneek kucham Kiriistō. Mpō ntā moomii ngʼwēnyuu ngʼātuut chēpō Muusa, ātēpēē nkōō Yāwuutichoochēē mii ngʼwēnyuu ngʼātuut kilēē yoo āmii :aneen ngʼwēnyuu ngʼātuutēchoochēē, soo-isu akwaaneek kupka wōloo mii :Kiriistō. 21Ku nēē āmii :aneen nkōō piich choo mā Yāwuutik, ātēpēē kilēē yoo mā :aneen Yāwuutyoon soo-isu akwaaneek kupka wōloo mii Kiriistō. Mpō ntā lēē nyoonēē, ku maatay aneen ngʼātuut chēpō Iriin, tootuupaa ngʼātuut chēpō :Kiriistō. 22Ku nkōō wōloo mii :piich choo kuskusēēn, akuskuus :aneen keey soo-isu akwaaneek kupka wōloo mii Kiriistō. Ku kaa-ir aneen keey akarkeeyiitu pichoochēē tōkōl soosāru walak nkōō oor aka tōkōl. 23Ā-iraa ngʼaleechu tōkōl akipō lōkōōy choo kāroomēēn soonyōōru pēēruur. 24Ānkēt akwaan kilē nēē mwēr :piich ku chiich ākoongʼo kipaat nyoo lēkuuy nyēpō taay nyoo nyōōruuy kuutwō. Ku maraat nyuun āmwērō soonyōōru kuutwō. 25Chiich aka tōkōl nyoo mārēy kileku nyēpō taay nkōō kiiripō, kumaraat kuchēp keey kukaraam. Irēy kilēē nyoonēē sikunyōōru kuutwō nyēpō kiiripō nyoo mātēpēē ākōy. Kēē-irēēchaan nyuun sikēēnyōōru kuutwō nyēpō ākōy. 26Moomiiyaa nyuun āripēy kilēē chiich nyoo mēēnkēt kir nyoo ripchinii āmoomii :aneen ālāptooy keey kilēēn. 27Āmii nyuun ākoomānēy keey ākoopāyu pōōrtanyuun /simākumaalan paani koo-āmchi piich walak.

will be added

X\