1 Kōōriintō 8

1Kanya, kee, āwālwook ngʼālyoon nyoo kyaateepaan akipō pēēny nyoo /kākuyēēnchi kaanaamōōn. Man kiinkēt :achaan tōkōl kilē kutingʼēy ngʼoroomnyō kilēē paani mwaaraat. Ku chiich nyuun nyoo rōōtēy kilē tingʼēy ngʼoroomnyō, kulāsēy keey. Ku nyoo chāmēy piich walak, kutēēkēy :nyoonēē piikō walak. 2Ku chiich nyoo āpēy keey kilē nkēt kir aka tōkōl, ku mēēnkēt kiyoonēē kilēē wōloo /kātākuunkētitooy. 3Ku chiich nyoo chāmēy Iriin, kuchāmēy :Iriin kilē nyaanyiin. 4Kutuup keey nyuun nkōō pēēny nyoo /kākuyēēnchi kaanaamōōn, āmwooraa kilē mā kir :tukuuchoochēē nkōō ngʼwēny. Moomii :Iriin aka, Iriin ku ākoongʼo. 5Mpō ntā chaangʼ :tukun parak ntā wōli pō ngʼwēny choo kutunchinii :piich, aku mārēy mpō :mōkōrō chaa chaangʼ /kēēkutunchi, 6kēēnkēt :achaan kilē :Iriin ākityōōn nyoo nyooluuy /kēēkutunchi. Nyoonēē ku Paapa nyoo kiitoowuuy kir aka tōkōl ākēēmāngʼiisyēy akipō inyeentee. Aku Kiptaayaan ākoongʼo nyoo yāmēy /kēēkutunchi. Nyoonēē ku Yēēsu Kiriistō nyoo kiitoowunēē keey :kir aka tōkōl /ākēēkōōnēēch sopoon kupunuunō inyeentee. 7Mēēnkēt nyuun :piich tōkōl ngʼaleechu pō man. Tākumiitō :piich chēpō Kiriistō walak kuupkootēy kilē nēē kwaam pēēny nyoo /kakuyeengʼ ku ālēē pō kaanaamōōn. Ku āmu kaapkootuut chēpō :pichoochēē ku kuskusō, kuupkootēy kilē ālēē ngʼōōki nēē kwaam pēēnyoonēē. 8Nēē kakwaam āmiisyō, ntā ku maakwaam, ku mēēlē irēēch kēēriichii Iriin. 9Āriip keey! Mpō ntā ātyookootēēn a-am pēēnyoonēē, maakany ku-iraak kaatyaakeengʼwoongʼ āpoot piich choo kuskusō :kaaraneengʼwaangʼ. 10Nēē mii :chiich nyaa kuskus :kaaraneenyiin akuurōōtēy ā-āmēēkwaan choo āngʼoroomō pēēnyoonēē /kākuyēēnchinii kaanaamōōn oo, mā-irēy :nyoonēē kwaam :inyeentee mpō pēēnyoonēē? 11Kunyuun, muukēy kupēt :tuupchēēnyoon nyēēnyi kiimēērchinii Kiriistō, akipō :ngʼoroomnyēēngʼwoongʼ. 12Nēē ālēēlchi choo ātuupchō nkōō araani, ākoomii āluluukēy kaaraneengʼwaangʼ nyaa kuskus, ku koolēēlchi Kiriistō. 13Ku nēē koo irēy nyuun :kir nyoo kwoomēy tuupchēēnik kupētyō, ku moo-āmaa pēēny kuureer simaa-ir tuupchēēnyoon kupēt.

will be added

X\