1 Kōōriintō 2

1Tuupchēēnichuuch, paani kyoochōōnaa wōloo āmiikwaan soochoo-āmwook lōkōōy chēpō man chēpō Iriin, ku kiimaachōōn āpāyiisyēērēē ngʼal choo nyikiisēēn amoo-āp :aneen keey im kilē angʼoroom. 2Āmwooraa kilēē nyoonēē, āmu kyaatil :aneen ākiilchi keey ngʼaleepō Yēēsu Kiriistō ākōō chēpō meereenyiin nkōō kimurtooyoon kipaat. 3Paani kyoochōōnaa wōli āmiikwaan, ku kimootingʼēy kaamuuka akyoowāriisyēy ākoopōōtānēy. 4Paani kyoonēētisyēy ākoo-āmtooy lōkōōy, ku mēēlē kyoopāyiisyēērēē ngʼoroomnyeenyuun ntā kyoosoorsooraa piich, wōloo nyuun kyoongʼuutunaa pāyiisyōōnik wōloo lēē :kaamuukaa Toomirmiir nyoo Tiliil. 5Kyaa-iraa kilēē nyoonēē sootiirēē keey kaamuuka nyēpō Iriin nyoo kātootiirēē keey ngʼoroomnyoo piich. 6Kingʼāloolēēchaan lōkōōy chēpō ngʼoroomnyō nkōō wōloo mii :piich choo kiikukiilyō kupoyiit Kiriistō. Amēēlē sōō, ngʼoroomnyō nyēpō piich chēpō ngʼwēny ntā ku nyēpō pāytooy chēpō pērēētuusyēchu choo mii kupētsōōt, 7acha, kungʼāloolēē chēpuut chēpō Iriin choo ki-ungʼootēēn. Ki-ungʼootēēn :chēpuutēchoochēē kutoomō /kēētoowu ngʼwēny, aku /kiikēēngʼoongʼwēēch nyuun aniinee sikuutōrōōrēēch. 8Moomii :chiich nkōō kāāntōōy chēpō ngʼwēny nyoo kiinkēt chēpuut chēpō Iriin. Ntā kiinkēt, ntā kiimāpārchinii kimurtooyoon Kiptaayaan nyēpō lēpkēēyō. 9Ki-iriisyō :ngʼaleechu nyuun kilēē paani mwoorēy :siruut chēpō Iriin kilē, "Lēyyē, moomii :koongʼ nyoo kiikuuro, moomii :iit nyoo kiikuteer, āmoomii :mēt nyoo kiinam ngʼal choo kiikuchēpchi :Iriin piich choo chāmēy inyeentee." 10Kingʼuutwēēch nyuun :Iriin ngʼaleechu kii-ungʼootēēn kupunuunō Toomirmiiryeenyiin. Syookēy :Toomirmiir nyoo Tiliil kir aka tōkōl mpō ntā tukun chēpō Iriin choo ungʼootēēn nyaa tyaan. 11Moomii :chiich aka tōkōl nyoo nkēt kāāpkootuut chēpō chiitō aka kungʼātu toomirmiiryoo chiichoonēē. Ku moomii nyuun mpō :chiich aka tōkōl nyoo nkēt wōloo lēē :Iriin kungʼātu Toomirmiiryeenyiin ākityōōn nyoo nkēt. 12Mā toomirmiir nyēpō kōōrooni nyoo kiikēēnyōōru. Toomirmiir nyoo kiikēēnyōōru ku Toomirmiir nyoo chōōnēē wōloo mii :Iriin sikēēsōwuu kiyoo kiikukōōnēēch :inyeentee nkōō choomnyeenyiin. 13Ngʼaleechwēēchu kumwoorēēchaan ku mēēlē ngʼal choo nēētēēch :piich walak nkōō ngʼoroomnyēēngʼwaangʼ, wōloo nyuun ngʼal choo nēētēēch :Toomirmiir nyoo Tiliil kungʼuutuuy ngʼal chēpō man nkōō wōloo mii :piich choo tingʼēy Toomirmiir nyoo Tiliil. 14Chiich nyoo mātingʼēy Toomirmiir nyoo Tiliil ku māchoomsōōt nkōō tukun choo pkoonēē wōloo mii :Toomirmiir nyoo Tiliil. Tēērēy ngʼaleechoochēē kilēē ngʼal chēpō sālwoonti amāsowuuy kiyoo mwoorēy, āmu Toomirmiir nyoo Tiliil :nyoo irēy /sikēēsōwu. 15Muukēy :chiich nyoo tingʼēy Toomirmiir nyoo Tiliil kuuro akusōwu wōloo lēē :kir aka tōkōl. Ku mēēmuukēy nyuun :chiich nyoo mātingʼēy Toomirmiir nyoo Tiliil kuuro akusōwu wōloo lēē :chiichoonēē, 16kilēē paani mwoorēy :siruut chēpō Iriin kilē, "Ngʼoo :nyoo nkēt wōloo lēē :kaapkootuut chēpō Iriin? Ngʼoo :nyoo muukēy kuutukoon inyeentee?" Kutingʼēēchaan nyuun kaapkootuut chēpō Kiriistō.

will be added

X\