1 Kōōriintō 16

1Akipō rōōpiyō choo /kupāsēy /sikēētoorētō piich chēpō Iriin choo mii Chēērusālēēm, āmwoorwook kilē a-ir kilēē paani kyoomwoochi kaaniiseen chēpō kōōroo Kalatiya. 2Nkōō Chumāpiili aka tōkōl, ku maraat :chiich aka tōkōl nkōō akwaan kuutēnii kamas rōōpiyō walak chēpō tukun choo kānyōōru /sikēēsiintō, si nēē mii paani kaa-itu, ku /maakēēpāsēy rōōpiyō walak. 3Nēē mii paani kaa-itu, ālēwēn :akwaan piich choo āpchinii rōōpiyō piich chēpō Kiriistō choo mii Chēērusālēēm. Paani pēētii, āsirchinaa piich chēpō Chēērusālēēm parween /sikēēsōwu akwaaneek. 4Ntā nēē koo rookēē mpō āwaa, keepa tōkōl. 5Āchōōnēy āruutoowook paani koo-āruutoochi piich chēpō Makeetoonnya āmu āmii aneen āchēpēy keey āwō araa Makeetoonnya. 6Nkēt :ngʼoo, nēē muukēē pākēētēpiisyēē tōkōl pērēētuus choo ngʼērin, ntā ku ākōy kurook :pērēētuus chēpō kārtiityō si nēē ityō ātoorētoon nkōō paantanyuun wōloo koowō. 7Moomāraa kilē arootāāk kipaat ākoosiirtō. Ālēēlyaa ntā ātēpēē nkōō akwaan, nēē cham :Kiptaayaan. 8Āmārēy āpērēnō Ēpēēsō ākōy pērēētuu Pēēntēkōōsti, 9āmu kaakuyaata :araa oor nkōō wōli /kee-ir pāyit nyoo ōōw mpō ntā mii :piich chaa chaangʼ choo mii kukāraa koongʼ. 10Paani kāchō :Tiimōti wōloonēē, ku maraat ataak inyeentee nkōō oor nyaa karaam, āmu mii ku-irēy pāyiisyoo Kiptaayaan kilēē paani āmii :aneen ā-irēy. 11Amaakany nyuun kureengʼ :chiich aka tōkōl inyeentee. Paani wēētii, ku maraat āyoomiistō nkōō pāypooyō, sikuwaraka wōli āmiiyaa. Āmii ākānyoonuuy inyeentee kuchō nkōō tuupchēēnichooch. 12Akipō tuupchēēnnyoon, Āpōōlō, ku kyoomwoochaa inyeentee kuchō nkōō tuupchēēnik walak wōloonēē āmiikwaan. Kāmoomāraa inyeentee kilē kuchō paannyēēnyi, aku chōōnēy nyuun paani kānyōōru pārooyin. 13Āriip keey ākooryoongʼēē kaaranēēngʼwoongʼ. Ālēkuu nyākoon ākoonyōōru kaamuuka. 14A-ir kir aka tōkōl nkōō choomnyoot. 15Ānkēt akwaan kilē kii kaa Siteepaano choo kiisip kilēku piich choo kiinam ngʼālyoontoo Iriin mu Akaaya ākiikukōōnu keey ku-irchi piich chēpō Kiriistō pāyit. Kunyuun, āsoomook choo kituupchō kilē 16ākoonyit ngʼaleepō piich choo lēē chu nkōō mpō chēpō piich walak tōkōl choo irēy pāyit nkōō pichoochēē. 17Apaypay aneen aroo kilē kii-itu :Siteepaano, Portunaato ākōō Akayiiko wōli āmu kiitoorētaa akwaaneek kuukeeraak. 18Kiipaypaayan kilēē wōloo kiipāypooytooyook. Yāmēy /kēēkoonyitēy piich choo lēē choochēē. 19Tookwēēsook kaaniiseen chēpō kōōroo Eesya. Tookwēēsook kitya :mpō Akiila nkōō Prisiila nkōō kaarinaa Kiptaayaan. Tookwēēsook :kaaniisa nyoo tuuyēēchinii kaayoonēē. 20Tookwēēsook :tuupchēēnichooch tōkōl choo mii wōli, akaataakwees keey nkōō tookwēēsuut chēpō piich chēpō Kiriistō. 21Āsirwook :aneen Paawulō tookwēēsuutēchu nkōō ēēruunyuun. 22Nēē māchāmēy :chiich Kiptaayaan, kupanaat chiichoonēē. Kiptaayaantēēnyoon, chōōnō. 23Kuupēēruurook :Kiptaayaan Yēēsu. 24Āchāmook tōkōl kupunuunō kaarinaa :Yēēsu Kiriistō nyoo kipoochaan tōkōl. Lēē nyoonēē.

will be added

X\