1 Kōōriintō 14

1Āchoomnyēē nyuun akaawas kōōnuunēy chēpō Toomirmiir aku kusiir tōkōl awas āngʼālooltoochi Iriin. 2Āmwooraa kilēē nyoonēē āmu chiich aka tōkōl nyoo ngʼāloolēy nkōō kuut nyoo mēēnkēt, kumāngʼāloolchinii piich :chiichoonēē, mii kungʼāloolchinii Iriin. Moomii :chiich nyoo muukēy kuunkēt kir nyoo mii kumwoorēy :chiichoonēē. Nēē ngʼāloolēy kilēē nyoonēē, kumii kungʼāloolēē ngʼal choo ungʼootēēn kupunuunō Toomirmiir nyoo Tiliil. 3Ku chiich aka tōkōl nyuun nyoo ngʼālooltoochinii Iriin, kuukiilēy akuukooykooyēy piich. 4Chiich nyoo ngʼāloolēy nkōō kuut nyoo mēēnkēt, kumii kuukiilēy keey inyeentee ākityōōn. Ku nyoo ngʼālooltoochinii Iriin kumii kuukiilēy kaaniisaani kātuuyō. 5Āmāraa kilē ntā angʼalaal :akwaan tōkōl nkōō kuutuwāy choo moonkēt, aku kusiir nyoonēē, āmāraa kilē ntā āngʼālooltoochi :tōkōl Iriin. Karaam nēē ngʼālooltoochi :chiich Iriin kusiir nēē ngʼalaal nkōō kuut nyoo mēēnkēt ākōy kipaat nēē /kumwooru kiyoo kāngʼāloolēē nkōō kuut nyoo mēēnkēt sikuukiil :ngʼaleechoochēē kaaniisee. 6Kunyuun oo, tuupchēēnichuuch, nēē āchōōn wōloo āmii, akaangʼalaal :aneen nkōō kuut nyoo moonkēt :akwaan ku moomii kir nyoo toorētēy ākōy āngʼoongʼwook ngʼaleechoochēē ntā a-iraak āsōwu kir nyoo ungʼaat, ntā āngʼālooltoochi Iriin ntā aneetaak. 7Apkaata kee akipō tukun choo lēē mpō kuurēēruun ntā ku pukantiin. Nēē meemuuk :chiich kusōwu kilē tuum nee nyoo mii kutuumēy piich oo, kuumuukēy kuuranta ānō? 8Ntā nēē māchēr :koonti chārāt nyoo kisōwuuy, ku ngʼoo nyoo chēpēy keey tākiwō pooryoot? 9Lēē nyuun nyoonēē nkōō wōloo āmiikwaan. Nēē angʼalaal :akwaan ngʼal choo /mākuunkēt /kuumuukēē kilē nee /kēēsōwu kir nyoo āmii āmwoorēy. Pētinii ngʼalēēkwook woowēēs. 10Tookunoot kilē mii :kuutuwēy chaa chaangʼ ngʼwēny tōkōl, aku nee /kungʼalaal, ku moomii nyoo mātingʼēy :kir nyoo mwoorēy. 11Ntā nēē koo moomuukaa āsōwu kir nyoo mwoorēy :chiitō aka āmu kangʼalaal kuut nyoo moonkēt :aneen, ālēkuuyaa toon nkōō inyeentee kilēku inyeentee toon nkōō aneen. 12Lēē nyoonēē mpō nkōō wōloo āmiikwaan. Kulēē paani āwāsēēkwaan kōōnuunēy chēpō Toomirmiir, ku maraat awas choo kiilēy kaaniisa. 13Ku maraat nyuun kusooyēy :chiich nyoo ngʼāloolēē kuut nyoo mēēnkēt kilē kuumuuk :inyeentee kuwālu kiyoo mwoorēy. 14Āmu nēē asaa :aneen nkōō kuut nyoo moonkēt ku toomirmiiryeenyuun :nyoonēē sooyēy aku moopāyiisyēērēē kaapkootuutēchuuch. 15Ā-iraa nee nyuun? Āsooyaa āpāyiisyēērēē toomirmiir aku āsooyaa mpō āpāyiisyēērēē kaapkootuutēchuuch. Ātuumaa āpāyiisyēērēē toomirmiir aku ātuumaa mpō āpāyiisyēērēē kaapkootuutēchuuch. 16Nēē āloosuuy Iriin nkōō toomirmiir oo, ku mwoortooy ānō :chiich aka nyoo chōōnēē saangʼ kilē, 'Lēē nyoonēē,' nēē mēēnkēt kiyoo āmiikwaan āmwoorēy? 17Āmuukēēkwaan āmii āloosuuy Iriin nkōō oor nyaa karaam, aku mātēēkēy nyuun chiitō aka soowuutēchoochēē. 18Āmwoochinaa Iriin kōōnkēy āmu āngʼāloolaa kuutuway choo moonkēt :aneen kusiir akwaan tōkōl. 19Ku nēē āmiiyaa nyuun kaaniisa ku kaykay amwa ngʼal choo lēē muut choo tēērēy piich saaneet akwaaneek kusiir angʼalaal ngʼal chaa chaangʼ nkōō kuutuway choo /mākiinkēt. 20Tuupchēēnichuuch, āmoopkootēy ngʼal nkōō oor nyēpō laakwaanti. Nkōō ngʼal chēpō ngʼōōki, ku maraat ātēpiisyēē kilēē laakōōy choo mēēnkēt kir, ākoolēku nyuun piich choo kiikusayta nkōō kāāpkootuutēkwaak. 21Mwoorēy :Iriin nkōō siruut kilē, "Āngʼāloolchinii piichuuch kupunuunō piich choo ngʼāloolēy kuutuway choo mēēnkēt ākōō kupunuunō piich chēpō kōōrōōtin walak. Mpō ntā lēē nyoonēē, kumātēēroon :piichuuch." 22Nēē ngʼāloolēy :chiich kuutuway choo mēēnkēt, ku oor nyoonēē nyoo kungʼuutinēē kir piich choo toomō kuuran Iriin mā choo kiikuuran. Ntā nēē ngʼālooltoochinii :chiich Iriin, kipō :nyoonēē choo kiikuuran Iriin, mā choo toomō kuuran. 23Ku nēē tuuyēēchi nyuun kaaniisee ārii ākoongʼo akungʼalaala :chiich aka tōkōl kuut nyoo /mākiinkēt akupka :piich chēpō saangʼ ntā ku :piich choo toomō kuuran Iriin, māmwoorēy kilē kyoowoosiisyō? 24Ku nēē chō nyuun :chiich nyoo toomō kuuran Iriin ntā ku chiich nyēpō saangʼ yoo mii :piich choo ngʼālooltoochinii Iriin, ku tēērēē ngʼaleechoochēē tōkōl akusōwu kilē tingʼēy inyeentee rāyiityō. Nēē ityō, kucham kilē kiikuleel :inyeentee. 25Kutookuuy :tukun choo kii-ungʼōōt nkōō moonyiin. Kuuputi nyuun ngʼwēny akukutunchi Iriin kumwoorēy kilē, "Lēyyē, mii :Iriin kwēēnuungʼwoongʼ." 26Kunyuun oo, tuupchēēnichuuch, ara āmwooraa nee? Nēē ātuuyō ārii ākoongʼo, ku maraat kitingʼēy :chiich aka tōkōl kir nyoo āpchinii piich. Muukēy kutuumēy :aka, kuunēētiisyō :aka, kitingʼēy :aka ngʼoongʼuut, kungʼāloolēy aka kuut nyoo mēēnkēt, ku aka kuwālu kiyoo ngʼāloolēē :chiitō aka. Nēē ātingʼēy tukuuchoochēē tōkōl, ku maraat āpāyiisyēērēē ātoorētēē kaaniisa. 27Nēē ngʼalaala :chiich kuut nyoo /mākuunkēt ku maraat ku piich ārēēny ntā ku sōmōk nēē chaangʼiit. Mārēy kungʼalaal nyoo katuup keey akimii :chiich nyoo wāluuy ngʼaleechoochēē sikusōwu :piikō walak. 28Ntā nēē moomii :chiich nyoo muukēy kuwālu, kusiis :chiich nyoo kēēmii kungʼāloolēy sikungʼāloolchi keey nkōō Iriin. 29Akanya kungʼalaal :ōōrkooy choo lēē ārēēny ntā ku sōmōk kitēērchi :chuuchō walak kiyoo /mwoorēy. 30Ntā nēē nyōōru :chiich aka ngʼoongʼuut nyoo kātēpchinii keey ngʼwēny, ku maraat kusiis :chiich nyoo kāmii kungʼāloolēy. 31Muukēē kungʼalaal :ōōrkooyik ākoongʼo ākoongʼo /sikuuneeta :chiich aka tōkōl /akucheera. 32Nkēt :ōōrkooyoontoo Iriin nkōō toomirmiiryeenyiin saayitiis choo rookēē kungʼalaala, 33āmu māmārēy :Iriin riiri, mārēy kaalya. Kilēē wōloo lēē kaaniiseen tōkōl, 34kuurookēē kusiisyō :chēēpyōōsōōy paani mii tuuyoot. /Māmākootēēn kungʼāloolēy, mārēy nyuun kitingʼēy koonyit kilēē paani mwoorēy :ngʼātuut. 35Ntā nēē kāmārēy kusōwu ngʼālyoon, kupa kuteepa pooyiikwaak nkōō kēēstoonikwaak, āmu mā karaam kungʼalaal cheepyooso nkōō tuuyoot nyēpō kaaniisa. 36Āmārēy ateep kilē oo, kiichōōnēē :ngʼālyoontoo Iriin wōloo āmiikwaan? Ntā akwaan ākityōōn choo /kiikyoomwook? 37Nēē pkootēy :chiich kilē inyeentee ku ōōrkooyoontoo :Iriin ntā kuunkēt ngʼaleepō Toomirmiir, ku mārēy kusōwu kilē kiyoo āmii aneen āsirwook ku mākuut nyēpō Kiptaayaan. 38Chiich nyoo mēēkoonyitēy mākuutyooni, kuurookēē /mākiikoonyit mpō inyeentee. 39Kunyuun oo, tuupchēēnichuuch, awasa āngʼālooltoochii Iriin, amaareetee chiich kungʼalaala kuut nyoo mēēnkēt. 40Mārēy nyuun /kee-ir kir aka tōkōl nkōō oor nyoo rookēē akurootoot.

will be added

X\