1 Kōōriintō 12

1Tuupchēēnichuuch, āmāraa āsōwuukwaan wōloo irtooy :Toomirmiir nyoo Tiliil pāyiisyeenyiin. 2Ānkēt akwaan kilē paani kitoomō aran akwaan Iriin, ku /kiikiikēēchuunnyook akutunchi kaanaamōōn, tukun choo māngʼāloolēy. 3Āmāraa nyuun āsōwu kilē moomii :chiich nyoo ngʼāloolēy nkōō Toomirmiir nyoo Tiliil nyoo mwoorēy kilē, "Panaat :Yēēsu." Āmoomii :chiich nyoo muukēy kumwa kilē, "Kiptaayaan :Yēēsu" nēē māngʼuuti :Toomirmiir nyoo Tiliil. 4Makarkeey :kōōnunēy chēpō :Toomirmiir nyoo Tiliil, aku Toomirmiiryoonoonēē nyuun kōōnuuy ku ākoongʼo. 5Makarkeey :pāyiisyōōnik chēpō Kiptaayaan, aku :Kiptaayaantaanoonēē nyuun kupāyiisyēēchinii ku ākoongʼo. 6Makarkeey :pāyiisyōōn, aku Iriin nyuun nyoo pāyiisyēērēē chiich aka tōkōl ku ākoongʼo. 7Ngʼoongʼchinii chiich :Toomirmiir nyoo Tiliil kir, /sikuutoorēt piich walak. 8Tēnii :Toomirmiiryoonyēēnyi chiich ngʼoroomnyō nyēpō kwōngʼuut, akuutē mpō chiitō aka kusōwu ngʼal choo ungʼootēēn. 9Kuutē mpō chiitō aka kunyōōru kaarana nyēpō kwōngʼuut. Ku chiitō aka, kuutē :Toomirmiiryoonoonēē kaamuuka nyoo soopēē piich. 10Tēnii :Toomirmiiryoonoonēē chiitō aka kaamuuka ku-ir ngʼal chēpō kwōngʼuut akuutē aka kaamuuka kungʼālooltoochi Iriin. Ku aka, kuutē kaamuuka nyoo sōwunēē kilē man Toomirmiir nyoo Tiliil nyi ngʼāloolēy ntā toomirmiir aka. Kuutē aka kungʼalaal kuut nyoo mēēnkēt, aku-ir aka kumwooru ngʼaleechu kāmwoorēy :nyiinō aka. 11Ākoongʼo kipaat Toomirmiir nyoo Tiliil nyi kōōnuuy kaamuuka nyoo /ku-irēē ngʼaleechoochēē tōkōl akuutēnii chiich aka tōkōl kaamuukaanoonēē kilēē wōloo mārtooy. 12Pōōrpō chiich ku kir ākoongʼo mpō ntā /kiikiituuyō kāmōōs chaa chaangʼ sikulēku pōōr ākoongʼo. Lēē nyoonēē nyuun mpō nkōō wōloo mii :Kiriistō. 13Āmwooraa kilēē nyoonēē āmu kiipaatiisaneech tōkōl :Toomirmiir ākoongʼo kēēlēku pōōr ākoongʼo, aku chiich nyoo lēē Yāwuutyoon ntā nyoo mā Yāwuutyoon ntā ku chiich nyoo lēē ōōtwookiin ntā ku nyoo pāyuuy keey, ku /kiikēēnyōōru :tōkōl Toomirmiiryoonoonēē sikukōōnēēch kaamuuka. 14Pōōr kutingʼēy kāmōōs chaa chaangʼ. 15Mpō ntā mwa :keel kilē, "Moopaaneen pōōr āmu mā aneen ēēr," ku tāku pō pōōr. 16Mpō ntā mwa :iit kilē, "Moopaaneen pōōr āmu mā aneen koongʼ," ku tāku pō pōōr. 17Ntā kii koongʼ :pōōrtō tōkōl oo, ntā /kutēērēē nee ngʼal? Ntā kii iitin :pōōrtō tōkōl oo, ntā /kuungʼwēē tukun kilē nee? 18Kilēē nyuun paani lēē, ku kiichēp :Iriin kāmōōs tōkōl nkōō pōōr kilēē wōloo kiimārtooy inyeentee kutēptō :aka tōkōl. 19Ntā kii kir ākoongʼo kāmōōsichoochēē tōkōl oo, ntā kiilēkuuy nee :pōōr? 20Kulēē wōloo lēē, chaangʼ :kāmōōs, aku ākoongʼo nyuun pōōrtō. 21Mēēmuukēy :koongʼ kumwoochi ēēruun kilē, "Moomārook," amēēmuukēy :mēt kumwoochi kēēlyēn kilē "Moomārook." 22Nku kāmōōs chēpō pōōr choo tāwārārēēn chu mākootēēn kitya. 23Ku kāmōōs chēpō pōōr choo kuupkootēy kilē mēēkoonyitoot ku choochēē chu mākootēēn /kēēkoonyit kitya. Ku kāmōōs chēpō pōōr choo mēērookēē kuurō :piich walak chu kiriipēēchaan kitya, 24aku mākiriipēēchaan kāmōōs walak kitya. Iriin inyeentee nyoo kiituuyō kāmōōsichoochēē pō pōōr aku-ir /kēēkoonyit kitya kāmōōsichoochēē mātookuuy. 25Ku mamakaat nyuun kuupēēsyō keey :kāmōōs chēpō pōōr āmu maraat kuutoorētēy keey. 26Nēē nyārilēy :kamasta ākoongʼo, kunyārilootēēn mpō :kāmōōsik chuuchō walak. Ntā nēē koonyitoot :kamasta ākoongʼo, kuukoonyitootēēn mpō kamastiinak chuuchō walak. 27Akwaan nyuun pōōrpō Kiriistō ākoopō :tōkōl inyeentee. 28Nkōō kaaniisa, ku kiikulēwēn :Iriin kupōk kāāyooytooyiik, nyēpō ārēēny kulēwēn ōōrkooy, nyēpō sōmōk kulēwēn koonēēt, nēē ityō akulēwēn choo irēy ngʼal chēpō kwōngʼuut nkōō choo tingʼēy kaamuuka kuusoop piich, kulēwēn choo muukēy kuutoorēt piich walak, choo tingʼēy kaamuuka kuuntōrōōrchi piich, kulēwēn walak kungʼalaal nkōō kuut nyoo mēēnkēt. 29Ara lēkuuy :tōkōl kāāyooytooy? Ntā lēkuuy :tōkōl ōōrkooy? Ntā lēkuuy :tōkōl koonēēt? Ntā irēy :tōkōl ngʼal chēpō kwōngʼuut? 30Ntā tingʼēy :tōkōl kaamuuka kuusoop piich? Ntā ngʼāloolēy :tōkōl nkōō kuut nyoo mēēnkēt? Ntā muukēy :tōkōl kumwooru kiyoo mwoorēy :kuutiinoonēē /mākuunkēt? 31Awasa nyuun kōōnuunēy choo ēēchēēn chēpō Toomirmiir, ākoomāraa āngʼuutwook oor nyaa karaam kusiir tōkōl.

will be added

X\