1 Kōōriintō 11

1Atuupaan kilēē wōloo ātuuptooyaa Kiriistō. 2Ālooswook aneen āmu āpkootēy tukun tōkōl choo kyaaneetaak ākooriipēy koonēētuutēchoochēē. 3Āmāraa āsōwuukwaan kilē pāyuuy :murēnō cheepyooso, kupāyu :Kiriistō murēn. Ku nyoo pāyuuy Kiriistō ku Iriin. 4Nēē tuk :murēnō aka tōkōl mētinyiin paani mii kusooyēy ntā ku paani mii kungʼālooltoochinii Iriin, kungʼuutuuy kilē mēēkoonyitēy :muroonoonēē Kiriistō. 5Ku mpō cheepyooso nyuun aka tōkōl nyoo maatuk mētinyiin paani mii kusooyēy ntā ku paani mii kungʼālooltoochinii Iriin, ku maakoonyit poonteenyiin. Karkeey nyoonēē nkōō yoo kēēpuuk mētinyiin. 6Nēē mātukēy :cheepyooso mētinyiin kungʼuutu koonyit nkōō wōloo miitō :poonteenyiin ku kaykay kutil puutēk. Ku paani nyuun mā kir nyēpō koonyit nkōō wōloo mii :pooyoon nēē til :cheepyoooso puut, ku maraat kutuk mētinyiin. 7Mēērookēē kutuk :murēnō mētinyiin paani mii kusooyēy, āmu :murēn ku kārkēēyin nyēpō Iriin akuukoonyitēy Iriin. Ku cheepyooso, kuukoonyitēy :nyoonēē poonteenyiin. 8Kiimaa-irtaara :Iriin murēn cheepyooso, nku /kiku-irtaara cheepyooso murēn. 9Aku /kimaaku-ir murēn akipō cheepyooso, nku /kiku-ir cheepyooso akipō murēn. 10Makaat :cheepyooso kutuk mētinyiin sikungʼuutu kilē miitō ngʼwēnyuu saanteenyiin āmu mii :malaykeen kuurōōtēy. 11Mpō ntā lēē nyoonēē, ku wōloo maraat kumāngʼtooy piich chēpō Kiptaayaan ku kutiirō keey :cheepyooso poonteenyiin kutiirō keey :pooyoon cheepyooseenyiin. 12Āmwooraa kilēē nyoonēē āmu mpō ntā man kilē /kiku-irtaara cheepyooso nyēpō taay :murēn, ku man nyuun kilē murēn walak tōkōl ku kiinam :chēēpyōōsōōy aku kir aka tōkōl ku kii-irta :Iriin. 13Kunyuun, aroo :ākwoonēēk nēē karaam kusooyēy :cheepyooso amātukoot :mētinyiin. 14Moonkēt :akwaan kilē makaraam kitingʼēy :murēn puut choo koorēēn? 15Ntā moonkēt akwaan kilē nēē tingʼēy nyuun :cheepyooso puut choo koorēēn ku karaam? /Kikuutē puutēchoochēē sukutuk mētinyiin. 16Ku nēē mārēy nyuun :chiich aka tōkōl kukwiintaan akipō ngʼaleechu, ku mākutingʼēēchaan ngʼal choo lēē choochēē amātingʼēy mpō :kaaniiseen chēpō Iriin nkōō wōltō aka tōkōl. 17Moomii :aneen ālooswook nkōō ngʼaleechu āmāraa āmwoorwook, āmu kir nyoo āmiikwaan ā-irēy nkōō tuuyootinēēkwook ku kir nyaa ra nēē kātoo-irēy nyaa karaam. 18Ngʼālyoon nyēpō taay, ku kaateer :aneen kilē mootēērchiniikwaan keey nkōō tuuyootinēēkwook ākoopkootaa kilē man lēē nyoonēē. 19Āpkootaa nyuun kilē karaam paani koochuunchuunnyō sikutooku kilē mpō ngʼoo nkōō kwēēnuungʼwoongʼ choo tiliilēēn nkōō wōloo mii :Iriin. 20Paani kootuuyō, ku moomiikwaan ā-āmēy āmiisyoo Kiptaayaan, 21āmu paani āmiikwaan ā-āmiisyēy, kwoomēy :chiich āmiisyeenyiin inyeentee keey nyoo kātāchārēy nkōō piikō walak. Kupa nyuun :piich walak kumaatō kir kuut, ku pōōkitēy :walak. 22Nēē kātoo-irēy kilēē nyoonēē, ku kaykay kwoomiisyō :chiich nkōō katanyiin akurēēsyō. Nēē ātuulchinii keey āmiisyō kilēē nyoonēē ku āmiikwaan ārēēngʼēy kaaniisaa Iriin ākoomii āsāsēy piich choo mātingʼēy tukun. Ālēēchook nee nyuun? Ālooswook akipō kiyi? Acha! Mēēmuukēē mpō kiitēēn! 23Kyaaneetaak kiyoo kiimētwoon :Kiptaayaan kilē: Nkōō langʼatuuni /kiiku-āltooy Kiptaayaan, kinam makatyaan, 24aku paani kiikiikumwoochi Iriin kōōnkēy, kupuutil akilē, "Nyi ku pōōrtanyuun nyoo /kiitētooy akipō akwaan. A-ama saapkaateenaan." 25Ku paani kiikaakuuwaangʼ kwoomiisyēy, kunam kikoompee nyoo kiimii :tiipaay akilē, "Miis :nyi nyoo rēēl kupunuunō kērētiichuuch. Paani ārēēy, āmii āpkootēēnoon." 26Paani ā-āmēy makatyaantaani ntā ku paani ārēēy tiipaayiichu, āmii āmwoortooy meeraa Kiptaayaan ākōy pērēētuu nyoo wārākēē. 27Ku chiich aka tōkōl nyuun nyoo āmēy makatyaantaani ntā nyoo rēēy tiipaayiichu nkōō oor nyoo mā karaam, ku kaaku-ir ngʼōōki :chiichoonēē āmu mēērōōtēy kir nyoo ngʼuutuuy :pōōrpō Kiptaayaan nkōō kērētiichiich. 28Makaat kuusyaak keey :chiich kupōk si nēē ityō kwaam makatyaan ntā kura tiipaay. 29Āmwooraa kilēē nyoonēē, āmu chiich aka tōkōl nyoo āmēy makatyaan ntā kura tiipaay kutoomō kusōwu kir nyoo ngʼuutuuy :pōōrpō Kiptaayaan, kwoomēy aku rēēy kumārchinii keey kiirwook. 30Kiyoonēē nyi ki-iraak chaa chaangʼ ānyāwyēē, āmnyoonchō, ākoomēērō. 31Nēē kaakeesyaak nyuun keey ku /maakēērwookwēēch. 32Nēē rwookwēēch nyuun :Kiptaayaan, kumii /kuchuulēēch /simakungʼameech nkōō piich choo toomō kuuran ngʼālyoontoo Iriin. 33Kunyuun oo, choo kituupchō, nēē ātuuyō keey āmārēy a-am āmiisyō nyēpō Kiptaayaan ku maraat ākānyēy keey. 34Nēē āmēy chiich :piri, kuusip kwoomiisyō nkōō katanyiin kupōk, /simākuurwookwook paani kootuuyō keey. Ku ngʼaleek walak chu kāngʼātu āchōōnēy āsātēy choochēē paani kaa-itu.

will be added

X\