1 Kōōriintō 10

1Tuupchēēnichuuch, āmāraa āpkootwook kir nyoo kii-ira nkōō wōloo mii :kuukotiinēchooch paani mii suur kwēēn kituupēy Muusa. Kiiriipootō :Iriin akwaaneek paani kiiyooku pooltō kutukootō akutilta :tōkōl araaray. 2Paani tiltooy :akwaaneek araarayoonēē akuriipootēy :pooltoonoonēē ku /kiikuutuuyō akwaaneek kilēkuu kir ākoongʼo nkōō Muusa kilēē paani tuuyēēch :kaapaatiisana kēēlēku ākoongʼo nkōō Kiriistō. 3Kyaam :akwaaneek tōkōl āmiisyoo Toomirmiir nyoo Tiliil 4akurēēy pērēēpō Toomirmiiryoonoonēē choo kipkoonēē raat nyēpō Toomirmiiryoonoonēē kimii tōkōl kupēētootēy. Aku raatyaanoonēē ku Kiriistō. 5Mpō ntā kiilēē nyoonēē, ku maapāypāchi :Iriin pichoochēē chaa chaangʼ āmu maatiirō keey inyeentee. Kurook nyuun :pichoochēē nkōō suur kwēēn. 6Ngʼaleechoochēē tōkōl nyuun ki-iriisyō kuunēētēēch kilē mēērookēē kēēpkootēy ngʼal chaa raacheen, kilēē paani kiipkootēy :pichoochēē, 7ntā akutunchi kaanaamōōn kilēē paani kikutunchinii :pichoochēē walak. Mwoorēy :siruut chēpō Iriin kilē, "Kyaam :piich tuum nyoo /kukutunchinii kaanaamōōn, kurēēsyō aku-ir takal." 8Amaakany nyuun kee-ira takal kilēē paani kii-irēy :piich walak nkōō pichoochēē sikurook pērēētuu ākoongʼo :piich choo ki-itēy ēlupuus tiptēm nkōō sōmōk. 9Amaatyam Kiptaayaan kilēē paani ki-ir :piich walak nkōō pichoochēē sikurook :akwaaneek āmu kiisur :kipaangʼōōy. 10Amaangʼunyngʼuuny kilēē paani kingʼunyngʼuunchō :piich walak sikuukeet akwaaneek tōkōl :malayka. 11Tukuuchoochēē tōkōl ki-iriisyō nkōō wōloo mii :pichoochēē ku koonēētuut nkōō :achaan. /Kiikusirweech sikēē-istoorēē keey wōloo mii tukuuchoochēē, āmu kumāngʼiisyēy nkōō pērēētuus choo kaakuriik kuuwoonyō ngʼwēnyu. 12Ku nēē pkōōtēy nyuun chiich kilē kiiloot nkōō ngʼālyoontoo Iriin, ku maraat kuriip keey simēēputi ngʼōōki. 13Kaatyama aka tōkōl nyoo chōōnchinook ku karkeey nkōō nyoo chōōnchinii chiich aka tōkōl. Āmuukēy ātiirēē keey Iriin āmu mākānyēy /keetyamaak kisiirtō yoo āmuukēy. Ku nēē /kuutyamaak, ku ngʼuutwook :inyeentee oor wōloo āmuukēy achirilee kāātyāmuutēchoochēē. 14Kunyuun oo, choorweeyiichuuch choo āchāmēy, ā-istoorēē keey akutunchinii kaanaamōōn. 15Āngʼāloolwook kilēē piich choo kiikusayta; ārōōtii keey nyuun ākwoonēēk kiyi āmwooraa. 16Nee kureera kikoompa nyēpō Kiptaayaan kēēmii kēērāmtooy kērēti chēpō Kiriistō. Ntā nēē kupuutilēy makatyaan, kēērāmtooy pōōrpō Kiriistō. 17Kulēē paani ākoongʼo :makatyaantaanoonēē, keechaan kir ākoongʼo, mpō ntā kichaangʼ :achaan, āmu kirāmtoochaan makatyaantaanoonēē ākoongʼo. 18Aroo, kee, piich chēpō Israayeel. Piich choo irēy kōrōs, ku-irēy :kōrōōsēēchoochēē kilēku kir ākoongʼo? 19Nēē nyi āmwooraa kēny? Āmii āmwoorēy kilē kaanaamōōn ku kir? Ntā kōrōsēēchu /ku-irchinii ku kir? 20Acha! Mā lēē nyoonēē. Āmwooraa kilē kōrōs tōkōl choo irēy :piich choo toomō kutiirō keey Iriin, ku irchinii toomirmiirēy chaa raacheen mā-irchinii Iriin. Moomāraa aramtee kir nkōō toomirmiirēy chaa raacheen. 21Mēēmuukēē ārēēsyēēree kikoompoo Kiptaayaan nkōō nyēpō toomirmiirēy chaa raacheen. Mēēmuukēē ā-āmēy tuum nyēpō Kiptaayaan ākoo-āmēy tuum nyēpō toomirmiirēy chaa raacheen. 22Ara, nēē kumiichaan kēē-irēy kilēē nyoonēē sōō kēē-irēy Kiptaayaan kunareek? Kutingʼēy :achaan sōō kaamuuka kusiir Kiptaayaan? 23Muukēy :chiich nkōō akwaan kumwa kilē, "/Kuchāmwēēch kee-ira kir aka tōkōl." Āmwoorwook nyuun kilē mā karaam :kir aka tōkōl amēētoorētēy piich :kir aka tōkōl. 24Mēēwāsinootō keey kāroomin inyēēntēē ākityōōn, iwāsinootō piich walak. 25Chamaat a-ama pēēny aka tōkōl nyoo kaa-alee siirō, amaakany kuu-iimaak mēt kilē ālēē kōōnunēywoon nyoo /kākuutēnii kaanaamōōn, 26āmu mwoorēy :siruut kilē "Pō Iriin :ngʼwēnyu ākōō tukun tōkōl choo mii ngʼwēny." 27Nēē kuurook :chiich nyoo toomō kuuran Yēēsu kilē apee ā-āmiisyēē nkōō katanyiin ākoomārēy apee, apa. A-am kir aka tōkōl nyoo /kākukōōnook amaakany kuu-iimaak mēt kilē ara /kuchāmwook a-am. 28Ku nēē mwoorwook :chiich kilē, "Kōōnunēywoon nyi nyoo /kākuutē kaanaamōōn," ku maa-am akipō chiichi kāmwoorwook, āmu nēē a-am āmiisyoonoonēē, kuupkootēy :piich kilē ra. 29Ma akwaan :chu āpkootēy kilē ra, chiichi kāmwoorwook nyuun :nyi muukēy kuupkaat kilēē nyoonēē. Āmuukēy amwaa kilē, "Muukēy kilē nee :wōloo pkootitooy :chiich aka kukartaaneen nyoo atyaakaat? 30Nēē ā-āmiisyaa ku kāāmwoochi Iriin kōōnkēy oo, kilē nee sikungʼalaaleenaan :chiich kilē kaa-ir nyaa ra ākoomwoochi Iriin kōōnkēy?" 31Nēē ā-āmēy ntā nēē ārēēy, ntā nēē ā-irēy kir aka tōkōl, ku mārēy ā-irēy ākoonyitēy Iriin. 32Āmāngʼiisyēē nkōō oor nyoo mā-irēy chiich nyoo lēē Yāwuutyoon, ntā nyoo mā lēē Yāwuutyoon ntā ku kaaniisaa Iriin kuu-iim keey. 33A-ira kilēē wōloo ā-irtooyaa. Ātyāmaa apaypaay chiich aka tōkōl nkōō oor aka tōkōl. Āmwooraa kilēē nyoonēē āmu moomii āwāsinootēy keey kāroomin aku āwāsinaa piich chaa chaangʼ /sikēēsāru.

will be added

X\