KAMANJENAK 19

1Mo’omu múpurutomi, nijammi waanomi nan furim fucibuloulo di jameeŋ yati bukan di bukinab bajakaab, “Haleluya, epakey, mawuŋam di kánkumak bee di Atijamit oololaal, 2mati kagamenak koola kankaan malegen di majoone. Nagamengamen aseekau ayenetaau áamakau asikenemi dúniyaay uye ñátum di kayenetak koola, ban Atijamit nagalengalen bee di oo mati man abujumi kurokaak koola.” 3Di kulaañumi kucibulo man kommi, “Haleluya, usalaal Atijamit! Fakooraf fúpurumulomi di ésukey fukoorumi di fuyitomi fatiya bee bándoorey.” 4Kunifaanak kabananey di kubakiirak di kulomi kúfima man kumiiceelaetumi Atijamit ammi balakoe ejunkutey yoola, waroŋaaw watuukimi woo poop moo mákonam, di aaney, “Amen! Haleluya, usalaal Atijamit!” 5Kápurumul di ejunkutey yati jáyiaj, furimaf di fúpurulomi fammi, “Usalaal Atijamit oololaal, kurokaak koola búrom, muyuul kákolioomi añiil anifaan.” 6Ñaa nijammi waanomi nan furimaf fati jameeŋey yáamak yati bukan kajuupoe, fukankaan nan busuuŋut bati falaf fáamakaf di kapaja káamak, di kacibulomi man foone, “Haleluya, usalaal Atijamit! Mati Akiiyaolaal Atijamit ati Kánkum, oo eenomi Áyiau! 7Umaayooraal di kateben man usalaalool mati mákalaam moola, mati fuyabaf fati Jisahaaj fúriiŋuloriiŋ, ban Ámajiraau ati Jo najonjooromi di fúko’ool. 8Nasenisen bakooŋ man akaano wañ walagen wafiite púl man uñiliñil” mati wañaw walegenaw úyiisenyiisen mukaanaam majoonam moola mati bukanak koola. 9Maleekaay di yoonammi, “Ciik ure. Panjak bee di bukanak kan kubemumi bee di káliimenak kati fuyabaf fati Jisahaaj.” Di ebenento di yoone, “Ure eenomi kurimak kalegenak kati Atijamit.” 10Nilommi di úkamunaw wooliyo bee kamiiceelaetuyo, bare di yoonammi, “Takumbi ukammo! Ínje poop apaali aroka ati Atijamit ceb nan au di kuti’i kuriibaak búrom káyiisenumi mati Yensa. Miiceelaet Atijamit!” Mati Búyegetab Bátienaab bukammi bukanak kati Atijamit man kúriiŋen malegenam man Yensa áyiisenumi. 11Nijukumi bukinab bajakaab man búwambuloe, jíyenten, epiling étumpaay! Oo ammi balakoe di yo kooneool Afiumaay ban Malegen. Mati nagamengamen joon ban najawejaw futiikaf. 12Kúcilak koola koonokoono nan bújeek bati sambun, ban naloopenloopen wompoŋ wati kúyi wajuupoe di fúkaaf foola. Babaj karees kákon kaciiki títi di oo, bare hani an aceen amanjut koo eenomi waa leejaat oo. 13Ateyenaau kaloa káamak nakaanoe kálumeni di fúsim, ban kareesak koola koo eenomi Furimaf fati Atijamit. 14Kutiikaak kati bukinab bajakaab, di kuriiboomi balakoe di sipiling sítumpaas di kukaanoemi wañ walegen waluulie wafiite. 15Jiliba jabaake jayabe tul di jípurumi di butumool, ñátum di joo pánaŋoolenumumi dúniyaay búrom. Panarungiil ñátum di egol yati mulap, ban panatobojiil analuj nan kureseŋ di fúñaafenuma fati kañuumulak káamakak kati Atijamit ati Kánkum. 16Di kaloaool káamakak koo di fuboŋool karees kákon kuciikiciik to, “Áyi ati kúyi di Akiiya ati kukiiya”. 17Nijukumi maleeka yiceen man ejuume di bala’ab, ban di ewonk ecibulo bee di bánaakayitaab bammi di fatiya búrom, man yoonubomi, “Jibil jijoj tákon bee mati káliimenak káamakak kati Atijamit, 18man jitokoñ kupeetak kati kúyi, kupeetak kati kurunga kutiika di kutiikaiil kati kánkum, kupeetak kati sipiling di kuteyenaak kooliso, kupeetak kati bukanak búrom, kumiiceel di kakaanutumi kumiiceel, añiil anifaan!” 19Ñaa nijukumi énukuruŋey yákooleniaay di kúyiak kati dúniyaay di kutiikaiil man kujonjoore bee katiiken ateyenaau ati epilingey ekila di katiiken di kutiikaool. 20Ban énukuruŋey ekila esofisof, yoo di aboñaau abuntaau kukuloorimi, ansi akaaneenumi wajamurerutimi di bújonlenab booliyo. Ñátum di wo nabuntumi bukanak búrom kabajumi fúmanjumaf fati énukuruŋey yákooleniaay ban dihi kumiiceelaet ebaŋootey yooliyo. Yoo di aboñaau abuntaau ooliyo di búrom maroŋe leebi di sambunas sájeekaas sanaamooremi godoroŋey. 21Kutiikaiil búromiil kubujimi ñátum jilibaaj jabaakaaj jápurumulomi di butumab bati anau alakomi kateyen epilingey étumpaay. Ñaa sígutumas búrom sati dúniyaay di silikuloorimi sipoñ teb.

will be added

X\