KAMANJENAK 14

1Nijukumi jisahaaj bajuume fatiyaay yati fúlankiinaf fati Sion! Joo di bukan kooni síwili ceme di bukan kugaba di kubakiir kabajumi kareesak koolijo di kati Ampaijo baciike di kúriiŋak kooliil. 2Nijammi kayel kápurumulo di bukinab bajakaab kaanoe nan kasuuŋut kati mumel falaf fáamakaf di poop nan emitey elakoe eyah upaja pajajaj pajajaj di eñofen. Inki poop nijammi kayel kanaame nan bukan kulakoe enag sisuusaiil. 3Di kúcimmi kácim kunkul di bújonlenab bati ejunkutey yati jáyiaj, di waroŋaaw watuukimi ubakiiraw, di kunifaanak. Bajut an aŋoolenumi ácim kácimak uku leejaat buku síwil cemaay di bukan kugaba di kubakiir kapakenimi di dúniyaay. 4Kúniinaak buku kúkaaneriit kanaare’etak, mati kumanjut kuseek. Di kuriibenumi Jisahaaj banoosani jije’e. Bukanak buku kupakenipaken di bukanak kati dúniyaay búrom nan búsimen búbuto bee di Atijamit di poop bee di Jisahaaj. 5An amanjutiil di kagaajoor ban poop tan mokene di kukila. 6Nilaañumi ijuk maleeka yiceen man yoom di éyit fatiyaay, man yooke furimaf fajakaaf bee karegen bukanak búrom kati dúniyaay uye, bee di mofoomof, fiiloofiil, kasankenookasanken, di bukanoobukan. 7Di ecibulomi man yommi, “Jílebien Atijamit ban di jisal mákalaam moola! Mati nanan nati kagamenak koola nírindiiŋ. Jíkuntaajen man jimiiceelaetool atuukumi fatiya di tentaam, falaf fáamakaf di síbula sati mumelam.” 8Maleeka yiceen egabunten di ériibenul, man yoone, “Elolo! Elolo Babilon yákalaami elolo! Ésukey ekila ekankaan man mofam búrom kúkali di bunuk bati kayenetak koola.” 9Maleeka yiceen éfeeginten yoo poop di eriibenumi sítiyaaras, di ecibulo man yoone, “Ampi amiiceelaetumi énukuruŋey yákooleniaay di ebaŋootey ekila, ban nabaj fúmanjumaf fooliyo di fúriiŋool mba di kañenool, 10an akila aate eraan wayiney yati kañuumulak kati Atijamit. Pánasuutukenumi sambunas di godoroŋ di bújonlenab bati simaleekaas sálirooraas di Jisahaaj. 11Fakooraf fati sambunas sásuutukeniimi fuyitoyito bee bándoorey. Kúyooloeriit fuk di balay, mati man kumiiceelaetumi énukuruŋey yákooleniaay di ebaŋootey yooliyo, ban di kubaj fúmanjumaf fati kareesuyo.” 12Mbi ure líŋen bukanak kati Atijamit man kumuuten kásuutukenak ban di kujuum líŋ, kasofumi kájaatikenak kati Atijamit ban kabajumi kafium di Yensa. 13Nijammi furim kápurumul di bukinab bajakaab man foone, “Ciik ure. Kaatumi enen síñunduiil káŋarum iñeme di burokab bati Atijamit, jakiijak!” “Éey malegen!” Búyegetab Bátienaab di buyiiŋumi. “Pankubaj kayoolo kásuume kápurumul di burokab booliil barioaab, mati bacaamab bati burokab booliil pankujawoor.” 14Nilaañ ijuk di bajumi furola fafiite, an ayesoore nan añiil ániine ati anau di fo, man aloopeni bompoŋ bati jáyiaj di fúkaaf foola, di poop naakene éjituma yayabe serere di kañenool. 15Maleeka yiceen di épurumul di fukobaf fáñiiaaf, mansi ewonk cibulo bee di umu ammi balakoe di furolaaf, “Ŋar éjitumai man ujit, mati nanan nati kajit nírindiiŋ. Mati kúwaagenak kúrindiiŋ ñaj baabe di dúniyaay.” 16Ñaa umu ammi balakoerab di furolaaf nasofumi éjitumaool man ajit dúniyaay búrom, dúniyaay búrom di ejitimi nan mulukiin. 17Maleeka yiceen di épurumul di fukobaf fáñiiaaf di bukinab bajakaab, ban yoo poop man yookene éjituma yayabe serere. 18Maleeka yiceen yaakenumi fujuumaf fati sambunas, di épurumulomi di fúsimenaf. Di maleekaay uyu di ewonkumi ecibulo aakenumi éjitumaay yayabaay serere, “Ŋar éjitumai man ujit, fútukusaf fati kureseŋak kati dúniyaay mati kaasaal.” 19Ñaa maleekaay di eŋarulomi éjitumaay man égaawul dúniyaay ban di ejit ejojenuko búrom, ban di éleebukoromi fuñaafenaf fáamakaf fati kañuumulak kati Atijamit. 20Di kureseŋak kutobojimi kunaluj di fuñaafenaf fammi di téeŋey yati ésukey yáamakey, fúsim futeyulo di fuñaafenaf wáriiŋe síkilomeetar siceme sífeegiir kabaakak, kásankiak koolibo símeetar sigaba.

will be added

X\