MATIU 28

1Nan funakaf fati kálebienak fubanumi, di waradabaw wati funakaf futooŋandaf fati funoomaf futooŋumi, Mariyaama ati Magadalen di Mariyaama aamu kujawumi bee ejuk fuyaakaf. 2Yaŋ too galab di bajumi káliliŋen káamak kati yentaam kabajoe, mati maleeka yati Akiiyaau yawaloulomi di bukinab bajakaab man ejawumi tiebakenumi fukoobaaf fácilimbenimi fulook bee di kapan kaaku ban di elakomi di fo tees. 3Búyesoorab booliyo bukankaan nan kaliboorak kati emitey, ban kaloaak kooliyo kútientien lec. 4Mati kupooyaak kápuyaak di kúkolimi máamak, manteer insi kuleleben di kulomi kúfima tentaamey lererer nan wiiŋ. 5Bare maleekaay di yommi kuseekak, “Takum jíkoli. Mati nimammanj mati muyuul Yensa joom di eñesey an kufaaŋeneenumi di ébaarey yati búpinab. 6Oo alee déere mati Atijamit náyitenulooyiten di kacetumi, nan man areguumi eeno. Jibil man jijuk dán biiŋab boola bufintoeenumi. 7Jijaw galab tijireg kuriibaool mati oo Atijamit náyitenulooyiten di kacetumi. Jijiker, oo bee ejaw ayabuul fácul bee Galili. Boo panjijukoomi. Moo nireguureg.” 8Di kúpurumi di fuyaakaf, kákoliak di kóro bare di kubajumi kásuumaak káamak, di kuteyumi bee ereg kuriibaool wabajomi. 9Yaŋ too galab Yensa di kuseek kukila di kúkamboorumi nammi, “Jisaafuul, kásuumaay!” Di kúlofuloomi kulomi kúfima ban di kusofumi úkamunool, man kumiiceelaetoomi. 10Yensa naaniimi, “Takum jíkoli. Jijaw tijireg kuriibaom kujaw bee Galili, pankutookom bo.” 11Nan kuseekak kulakomi ejaay di buruŋiil, kuceen di kutiikaak kupooyaak kápuyaak di kujawumi bee di ésukey yáamakey ban di kuregumi kúsimenaak kunifaanak kati Atijamit wanoosani búrom wabajoeenubomi. 12Nan kujojeenumi di Kúyahuudak kunifaanak di kumaloor furim fati malinlo kuban, di kusenumi kutiikaak sígodi síbuntooruma. 13Di kommi kutiikaak, “Jireg bukan mo’omu, ‘Kuriibaool di kúriiŋumi di titoorey yati fukaraay man kúkuutumi biiŋab boola wúli no’onu bámoorie.’ 14Furimaf ufe fulojaat di uwosaw wati anifaanau Ároomanau, wúli panoonool moo kaanut ñátum di kabetak kooluul, takum jibaj síwoonoor.” 15Kutiikaak kupooyaak di kuyabumi sígodaas man kukammi nan man kújaatikeniimi eeno. Hani bee mo jaat furimaf ufe fufetenifeten mo’omu banoosani di Kúyahuudak búrom. 16Kúriiŋenaak uñeney di ákon di kujawumi bee di fúlankiinaf di kapanak kati Galili fan Yensa ájaatikeneeniimi tikujaw beet. 17Nan kujukumi Yensa ceb, di kulomi kúfima man kumiiceelaetoomi. Bare bukaaku di kubajumi úyeget ugaba. 18Yensa najawumi man aaniimi, “Fujuumaf búrom fammi di bukinab bajakaab di dúniyaay fasenimi bee di ínje.” 19Moo kaane jijaw man jikaan bukanak búrom kati dúniyaay banoobani kuriibaom, ban di jítiiguleniil ñátum di kareesak kati Ampaau, di kati Añiilau, di kati Búyegetab Bátienaab. 20Ban di jiliikiteniil man kukaan wan íjaatikenuumi búrom. Jijiker, ínje oomu di muyuul nanoosani, bee mo fúbanumaf fati dúniyaay.”

will be added

X\