KÚHIBURAK 6

1Wulaal ootaale ekat bálamuk kaliikitenak kútiyaarak mati Apakenaau Áamakau, bare nuja’aal bee di kaliikitenak káriiŋaak di kálaulak koololaal. Ootutaal enen fúlakenuma fuceen fati kátiiwoor kápurumul di burok bujand di fati eneney yati kafiumak koololaal di Atijamit. 2Wulaal ootutaal kalanlanken di kaliikitenak mati mukaanaam mati kátiigulenak, di karembenak kati uñenaw, mati káyitoulak di kacetumi, ban mati kagamenak kati bándoorey. 3Wo’owe woo nuja’aalemi bee ekaaney súumujaat di Atijamit. 4Bare leeŋoolen kaan man an aŋoolen álaañenul kakatumi kafiumak kooliil bálamuk man kútiiwoor kukat bálamuk majakutiil inki? Kalakoeenumi mawuŋam mati Atijamit kuban, ban di kujaken kawulak kati bukinab bajakaab, ban poop kuyabumi bucaab bati Búyegetab Bátienaab. 5Kujakenjaken majakam mati furimaf fati Atijamit di wánkumaw wati nanan nábileuumi, 6ban kulaañumi bálamuk di Atijamit. Leeŋoolen kaan man kútiiwoor kukat majakutam, mati buku kufaaŋenumi Añiilau ati Atijamit di ébaarey yati búpinab ban di kupuñenool di fáculey yati bukanak. 7Kalaak kan emitey elubenemi manteer kúsuum ewañ ban di kuliilen muriaay majake bee di kuwañaak. Kalaakak kukila koo Atijamit atoopenemi. 8Bare kaanjaat kalaakak koo kaliilenumi úlind di utanja ceb, koo kubajut fúkaw, koo pambienumi. Di múlamukaam, kalaakak pambikureemeni. 9Kúpaalumom, handeneen wúli man usankenemiñaa mo’omu, nubabaj kágolum mati muyul bukooku di fujuum fákoyume faate éŋaruluul epakey. 10Atijamit álaañeriit di an. Létajimurer burokab ban jikaaneenumi mba kamaŋak kan jíyiisenumi bee mati akila di epebey yan jipebumi kupaaluul kuriiba, nan man jikammi bee mo iñeme. 11Wúli numammaŋ man anoosani di muyuul mbi abaj fuuñ fati eliim di káyiisen bee mo di fúbanumaf, manteer waafaw wan jígolummi mbi ubil ukaan malegen. 12Wúli numammaŋ muyuul takumbi jílaamo, bare mbi joono nan káyinenumi di kamuutenumi, mbi jiyab wan Atijamit áligumi. 13Nan Atijamit áligeenumi Iburehima, mati abajut afaŋumi kákalaa di oo ampi ábaatumumi, ñaa nábaatumumi di fúko’ool, 14nammi, “Malegen paniwuluul kásuumaayak ñátum di eseni úwoloorum wajuupoe.” 15Iburehima nalako ekobey di kamuuten, nayayab wan Atijamit áligeenoomi. 16Malegen bukanak kúbaatumebaatum ñátum di kareesak kati afaŋiimi katebo di kúkoiil. Ban kabaatak kukila koo kubanemi siñoosooras. 17Ñaa nan Atijamit amaŋumi man áyiisen faŋ kátien mati wan áligumi bukanool woo léturuŋuli, ñaa nabenenumi di báligab ñátum di kabaatak. 18Atijamit násenolisen báligab boola di kabaatak koola. Ure rigabaar ríruŋulooreriit mati leeŋoolen kaan man Atijamit agaajoor. Moo kammi, wulaal kajawemi bee di oo di eñes kákolokoto, nootaale ebaj káliŋen kunkul, mati panuŋoolenaal usofaal báligab boola ñátum di fúgolum. 19Fúgolumaf ufe fukankaan nan éjuumenuma yati suutolaal. Fúgolumaf ufe fúlinliŋ ban di fútien faatumi kájeetumolaal man unokenaal ñátum di kaful káyini kati di bukinab bajakaab bee di síndeneey yati fukobaf fáñiiaaf fati Atijamit. 20Mati Yensa di fúko’ool ataatumi anoken dó, ban nabilumi akaan ásimena áamak ati bándoorey riiboor nan Melikisedek.

will be added

X\