3 YOHAN 1

1Letaraay uye kápurumul di anifaanau ati fujojaf bee di ápaalumool alegen Gayos, an imaŋumi di malegenam. 2Ápaalumom, ínje oomu di elawi wanoosani wan ukammi man ujaw fácul ban nubaj éju, nimammanj búyeget burondoŋ poop. 3Mati nimaayoomaayoor máamak nan kutiaay kuriiba bukaaku kúriiŋulomi man kúyiisenom malegenam mati eroŋey yooliil, nan man jommi di kariibenak kati malegenam. 4Ínje ibajut kásuumaay kawuuje ejam mati kuñoolom bukooku ejaw di malegenam. 5Ápaalumom, au afiumaay di wan ommi di ekaaney bee di kutiyaay kuriiba, wajawumi ugor nan kujaaburuŋ. 6Koo kúyiisenumi mati kamaŋak kooli di bújonlenab bati fujojaf. Au noote ekaan túu man urambeniil di ejaay yooliil ñátum di buruŋ baate ésuum Atijamit. 7Mati koo bukooku di kajaaburuŋak di burokab bati Apakenaau Áamakau bayabut karambenookaramben di kúyinenutumi. 8Moo kammi wulaal di kúko’olaal nootaale karamben bukanak nan kukila mambi ukaanaal kurokooriil di malegen. 9Babaj wan iciikumi bee di kati fujojaf, bare Dioteref amaŋemi karungen fúko’ool di bukoo, amaŋut furimom jáng. 10Moo kammi nampi ibilumi, pambi’ireguul búrom wan ammi di wo. Kakajenak kati kareesom ñátum di jatemaj ban pipi reututo. Akila ámaŋeriit kawalen kutiaak kuriibaak, ban náfiren kamaŋemi kawalen kutiaak kuriibaak ban nacesooriil di fujojaf. 11Ápaalumom, takumbi uriiben di waafaw wajakutaw, bare mbi uriiben di waafaw wajakaaw. Anoosani akaanemi wajakumi oo ati Atijamit, bare akaanemi wajakutaw oo letajuk Atijamit jáng. 12Demetirio nababaj káyiisen kátiene kápurumul di anoosani, di poop malegenam di fúkoumo. Ínje poop níyiisenyiisen fúko’om bee di oo, ban numammanj mati káyiisenak kúmboom malegen. 13Nibabaj wajuupoe wan ibaje bee éciikuli, bare woo eetut bee eciikuwo di kayit. 14Nisosof mati leepiyo panijukuul, ban panusankenaal di bujuudoorab. 15Kásuumaay kóomi di muyuul. Kupaali poop kúsaafuli. Nusaafom kupaali búrom.

will be added

X\