2 KORINT 2

1Ínje nisosof mo’omu bee ílaañul takumbi ikaan man úyegetuul ugaal. 2Mati ikaanjaat úyegetuul ugaal, ai aate ekaan súumom? 3Moo kaane ínje niciciik letaraay ekila bee di muyuul, ínje imaŋut bee ebil bee di muyuul mbi jikaanom súumaatiom muyuul kan ceeŋumi man jísuumenom. Nibabaj kágolum di muyuul búrom, nimammanj mati kásuumaayak kúmboom kásuumaayak kooluul. 4Niciikuuciik di bugaal di mátaañi di éyu mukul, wan isofeenumi woo eenomi takumbi ikaanuul man jibaj mátaañi, bare mbi ikaanuul man jílaul man imaŋuumi eeno. 5Bare ampi anoosani arembenammi bugaal bee di aamu, akila agaalenut ínje bare kati fujojaf nagaalene wuuj. Ínje isankene mo’omu mati imaŋut bee kagaalen an. 6Reooreoor di mo’omu mati anau ume aanumi kajuupoe kati fujojaf kugamenoogamen ban di kúpurenool mati kakurak. 7Nanan une joote kabonketool ban di jiñabool búsusool, takumbi alaañ bálamuk mbi áŋoolenaati ajuum. 8Ínje nilawuulaw man jíyiisenool lanken kamaŋak kooluul tíen. 9Ínje niciikuuciik letaraay ekila mati nimammaŋ man ijuk buu joote ejuum líŋ di ekob wan íjaatikenuumi. 10An muyuul jibonketumi wan akammi, ínje poop panibonketool. Ban nampi ibonketoomi, wanoosani wan ceeŋumi panibonketuwo. Nikankaan mo ñátum di fujuumaf fati Apakenaau Áamakau bee mati wampi wajakuumi, 11takumbi kánkumak kati Seetaanaay kufaŋ man kugooyenolaal. Mati numanjaamanj waa Seetaanaay esofumi bee ekaan di wulaal. 12Nampi ijawulomi bee di ésukey yati Turaad man íriiŋen furimaf fajakaaf fati Apakenaau Áamakau, Akiiyaau nasenansen buruŋ báwambuloe. 13Bare uwosom ujunjuum mati atiolaal ariiba Tiito áriiŋulo’oorutubo kápurumul di muyuul. Ñaa nukatoorumi bukanak kati bo ban nijawumi bee di mofam mati Makedonia. 14Kasalak kooku di Atijamit! Atijamit ákaanolimi bukanak kasofimi koola ban nárungolimi ujawoor di karuukenak mati kaŋoolenak kati Apakenaau Áamakau. Atijamit poop nárambenoliramben man ufeten fumanjaf mati Apakenaau Áamakau bee banoosani. Fumanjaf fukila fukankaan nan kaput kati mumelam maputemi súum. 15Mati wúli nukankaan nan kaputak kásuumaak kan Apakenaau Áamakau asenumi bee di Atijamit. Kaputak uke kajukimi kunaamut bee di kaatumi epakey di poop kaatumi éjimey. 16Bee di kaatumi éjimey kaput kásuumut kúŋareuumi ecetey, bare bee di kaatumi epakey kaput kásuume kúŋareuumi eroŋey. 17Wúli ukaanut nan bukan kuceen kajuupoe káriiŋenemi furimaf fati Atijamit ban kukankaan múbajuma sígodi. Bare mati Atijamit násenolisen, wúli úriiŋenufomi di malegenam di fujuumaf fati Yensa Apakenaau Áamakau. Mati numammanj Atijamit áboñulolimi jícilool jooju di wúli.

will be added

X\