1 TOMOTI 4

1Búyegetab Bátienaab buregolaareg tíen mati di kunakak kúlamukaak bukaaku pankukaten bálamuk di wan ufiumaami, ban di kuriiben úyegetaw wabuntemi di kaliikitenak kápurumulomi di úgun. 2Kaliikitenak kaanomi mo’omu kápurumulomi di kugaajoora kabuntemi, kan úyegetiil ucetumi nan feer nuŋare unapen di wo. 3Bukanak kukila kuliikiteneliikiten bukan takum kuyaboor mba takum kuri muria muceen. Bare Atijamit atuukumi muria mukila mbi muri’i ñátum di esaley di yóro di kafiummi ban di kumanj malegenam. 4Mati wanoosani wan Atijamit atuukumi ujajak, bajut muria man ootaale elat. Wulaal mbi uyabaal mo di esaley Atijamit di yóro. 5Mati nampi ulakomi elawey ñátum di furimaf fati Atijamit, muriaay man mubil mútien bee di Atijamit. 6Uliikitenjaat kájaatikenak uke kupaali kuriibaak, pánuyiisen mati au amiiceel alegen ati Yensa Apakenaau Áamakau, nan an abaje fumanj fáriiŋe fati kurimak kati kafiumak di kati kaliikitenak kalegenoaak kan uriibenumi. 7Bare takum butumi bulako di eregey wati kayayapoorak. Urulen di kakurooro di eroŋi man éyiisen kálebien bee di Atijamit. 8Ukaanjaat kábolienak kati eniiley babaj fúkaw. Bare uliikenjaat ésigiri, moo mufaŋ man mubaje fúkaw di manoosani, mati lígilig bee mati eroŋey yati baabe di yábileuumi. 9Furimaf ufe fúrindiiŋ kafium, ban cenceeŋ man bukanak búrom kuyabufo. 10Wulaal bukooku di bugaal di burok báamak man ubajaal eroŋey uye, mati núgolungolum di Atijamit aroŋaau, an eenomi Apakenaau ati anoosani, bare bee di kafaŋumi man kufiume. 11Seniil kájaatikenak uke di poop kaliikitenak uke. 12An takum aheeleni mati au ápura. Mbi ukaan káyiisen kajake bee di kúyinenaak di basankeneri di bagorooreri, kamaŋak kooli, kafiumak kooli, di poop eroŋey yooli yabajutumi kabet. 13Bee nampi ilaañulomi, mbi tíenuul man jirulen di kaliikenak furimaf fati Atijamit fáculey yati bukanak kati fujojaf búrom, di poop káriiŋenak di kaliikiteniilak. 14Takum umoos kawulak kan ubajumi kápurumul di Búyegetab Bátienaab, kasenimi ñátum di kurimak káriiŋulomi bee di au nan kunifaanak kati fujojaf kurembenimi uñeniil. 15Usof ekaaney uru búrom, ban nusenooro fúkoi búrom bee di uru ran iregimiñaa, mbi anoosani ajuk ejaay yooli fácul. 16Káanum wan ukaanemi ban núkaanum wan uliikitenemi. Noote karulen di ekaaney yati uru ran íjaatikenimiñaa. Ukammojaat, panupakenooro fúkoi, di poop kammi di káyenteniak.

will be added

X\