1 YOHAN 1

1Wúli núciikuluuciik mati furimaf fati Atijamit fabajoeenumi biñoo di fúcitumaf. Nujanjam fo ban nujujuk tá ñátum di kúciloli. Nujikerufomi ban nugorufomi ñátum di úñenoli mati Furimaf fati Eroŋey. 2Eroŋey uye érajuloliraj, nujujuk yo ban núyiisenuyo, nuregenuul mati eroŋey yati bándoorey, yalakoeenumi di Ampaau ban érajuloliraj. 3Wúli nuregenuuregen mati wan ujukumi di wan ujammi, mambi poop jibaj bapaalaay di wúli nan man wúli ubajumi bapaalaay di Ampaau di Añoolool Yensa Apakenaau Áamakau. 4Wúli nuciciik mo’ome mambi kásuumaayak koololaal kúliroor. 5Kurimak uke kan ujammi kápurumul di oo ban nuregenuufo, mati Atijamit mawuŋe ban di oo érim elee dó jáng. 6Uregaajaat mati wulaal nubajaabaj bapaalaay di oo ban ninsi nuja’aal di érimey, moo kagaajoor ban uletaal di malegenam. 7Bare ujawaajaat di mawuŋam, nan man akila ammi di mawuŋam, panubajooraal bapaalaay, ban fúsimaf fati Yensa Apakenaau Áamakau an emmi Añoolool fukaanolaakaan útienaal di majakutam búrom. 8Oonaajaat majakut mulet di wulaal, nubuntooroaabuntooro, ban malegenam mulet di wulaal. 9Ufelaajaat úyegetolaal man uregaal wan ukaanaami majakut, Atijamit oo afiumaay ban najoon, panabonket majakutolaal ban nakaanolaal útienaal di májoonaataam búrom. 10Uregaajaat mati ukaanutaal majakut, nukaanaalookaan alepoora, ban furimaf foola fulet di wulaal.

will be added

X\