1 KORINT 13

1Iŋoolenjaat isanken, hani usankenaw wati bukan mba wati simaleeka, bare ibajutujaat kamaŋak, ínje nikankaan nan kayel kati balenseŋ ceb mba kayel kati etalaŋ. 2Ibajujaat kaŋoolenak kati bee káriiŋen furimaf fati Atijamit di wánkum, ban ílaulujaat di fumanjaf mati mayofoaam búrom mábileuumi. Ibajujaat kafium káamak káriiŋe man iŋoolen íkabul kúlankiin, bare ibajutujaat kamaŋ, ínje lee waaf. 3Isenujaat fubajaf fúmboom búrom bee di kaceeŋumi, ban nisen fúko’om man eniilom ereemeni bare ibajutujaat kamaŋ bajut ró hani waaf. 4Kamaŋak koo eenomi kamuuten di ejak. Kamaŋak lee búlat mba ká’aamakalenoor, 5mba kamaŋak lee mapooñ mba máyuo. Kamaŋak kújuumeriit rat wan kumaŋumi ceb. Kamaŋak kúñuumuleriit galab, kúsoferiit waaf di faruko. 6Kamaŋak súumenooreriit di wajakutaw, bare kúsuumenooresuumenoor di malegenam. 7Kamaŋak kúlaañurerut bálamuk, ban di kufium wahaw búrom, di kúgolum wahaw búrom, di kumuuten wahaw búrom. 8Kamaŋak kúbaneriit bee bándoorey. Bare káriiŋenak kati furimaf fati Atijamit pankuwuuj, kasankenak kati usanken uceen wálauleriiti koo pankuwuuj, fumanj poop foo panfuwuuj. 9Mati fumanjaf foololaal di káriiŋenak kati furimaf fati Atijamit doo búrom líroorut. 10Bare nampi wálirooraaw ubilumi, wáliroorutaw panujaw wuuj. 11Nan ínje ikammi añiil, nisankenesanken nan añiil, niwoonoorewoonoor nan añiil. Nan inifaanomi, nikatumi fañiilaetaf. 12Iñeme, malegen ejukey yoololaal ekankaan nan di éjuudooruma yárime, bare panujukooroaal tíen nampi ujuudooraami. Iñeme wan imanjumi woo kapan, ban pámbiuliroor búrom fáculey, nan man Atijamit amanjammi eeno iñeme. 13Waaf úfeegiir woo urinom: kafiumak, kágolumak di kamaŋak. Bare wafaŋumi man úkalaae búrom wo

will be added

X\