MATIU 1

1Yesu Kirisito tirɛ anranw boi gɔbe unwɔin: Yesu Kirisito, Isɛrɛlu ɔgɔnɛ diyɛ Dawide tɔgu nɛ goi. Dawide Abarahamu tɔgu nɛ goi. 2Abarahamu, Isakai narun, Isaka, Jakɔbui narun, Jakɔbu, Juda lee, wo suŋɔw leei narun, 3Juda, Perɛsu lee, Jera leei narun. Be na boi Tamarui. Perɛsu, Hɛsurɔin narun, Hɛsurɔn, Ramui narun, 4Ramu, Aminadabui narun, Aminadabu, Nasɔin narun, Nasɔn, Salumai narun, 5Saluma, Boasui narun. Boasu na boi Rahabui. Boasu, Obɛdui narun. Obɛdu na boi Rutui. Obɛdu, Jɛsei narun, 6Jɛse, Ɔgɔnɛ Dawide ba gɔ woi. Dawide, Salomɔi narun. Salomɔ na Uri yaanran pɛii. 7Salomɔ, Roboamui narun, Roboamu, Abiai narun, Abia, Asapui narun, 8Asapu, Josapatui narun, Josapatu, Joramui narun, Joramu, Osiasui narun, 9Osiasu, Yotamui narun, Yotamu, Ahajui narun, Ahaju, Esekiasui narun, 10Esekiasu, Manasei narun, Manase, Amɔi narun, Amɔ, Josiasui narun, 11Josiasu, Yɛkonia lee, wo suŋɔw leei narun. Isɛrɛlu unrunw Babilɔnɛ gana nɛ gunɔ be yai waaru gɔ woi. 12Nɛɛ, Isɛrɛlu unrunw, Babilɔnɛ gana nɛ gunɔ be yai onu nɛ, Yesu tirɛ anranw gɔbe unwɔin: Yɛkonia, Seyalatiɛlui narun, Seyalatiɛlu, Sorobabɛlui narun, 13Sorobabɛlu, Abiudui narun, Abiudu, Eliakimui narun, Eliakimu, Ajɔrui narun, 14Ajɔru, Sadɔkui narun, Sadɔku, Akimui narun, Akimu, Eliudui narun, 15Eliudu, Eleyajarui narun, Eleyajaru, Matain narun, Matan, Jakɔbui narun, 16Jakɔbu, Josɛpui narun. Josɛpu, Yesu na, Mari igɛ gɔ woi. Yesu, Ama Yabanɛ Diyɛ tii gɔ woi. 17Nɛɛ, Abarahamu nɛ goi ye, Dawide nɛ yai dɔɔ, tirɛ anranw pɛli naisigɛ toin. Iyaa, Dawide nɛ goi ye, Isɛrɛlu unrunw Babilɔnɛ gana nɛ gunɔ be yai nɛ yai dɔɔ, tirɛ anranw pɛli naisigɛ toin. Iyaa, gunɔ waaru gɔ nɛ goi ye, Ama Yabanɛ Diyɛ tii gɔ nɛ yai dɔɔ, tirɛ anranw pɛli naisigɛ toin. 18Nɛɛ, Yesu Kirisitoi bana narin sɔɔ unwɔ: Yesu na Mari, Josɛpu yaalai bee. Kaa, Josɛpu, Marii wo aamɔ nɛ, Mari Kikinu Pilu gɔnrɔn le bɛrɛ jeɲu. 19Josɛpu inɛ teitai bee. Wo Mari boi yanwan ga ibɛla bee. Kɔɔ dɛi, Mari, bɛrɛ biyaajɛ ga waaru wo iye le, wo baŋiyaan unrun sɔɔ gɔ ɛlu goonɔlu go Marii dadagado ga ajubaube. 20Kunrin ajubau wo wɔu, Inɛw Baŋa mɛlɛnkɛ turu yaŋawelu le wo bɛrɛ wiyaa, wo le ɔn gin’ gi: «Josɛpu, Dawide tiruwɛnɛ gɔ, Marii jeɲɛ ga liyɛnɔu. Sabu wo Kikinu Pilu gɔnrɔn le bɛrɛ jeɲaa wɔɔ. 21Mari, aini nanarando. Ii wogɔ wo ba unrunw gɔbei hakɛ bemɛ nɛ wo yabado. Kɔɔ dɛi, ii gɔ boi Yesu kunɔ.» 22Sɔɔ kɔɔ puu, inɛ Ama titiyainɛ aŋa nɛ Inɛw Baŋa Ama sɔɔ kunu ɔin kibemɔ dɛi bii: 23“Iyaa aala gɔ, bɛrɛ bɛi ye ii nanarando. Ii gɔ boi Emanuɛlu kunɔdɛin.” Emanuɛlu tiyɛ gɔ Ama emɛ le wɔɔ. 24Josɛpu, giri yemaa, Inɛw Baŋa mɛlɛnkɛ gɔ wo bɛrɛ bana gi gin’ kanraanbe. Wo Marii ginrun womɔ nɛ jeɲaa, kunaabe. 25Kaa, Mari, aini womɔ yai wo naraindo baa, Josɛpu wo le diinyɛnlu. Josɛpu, aini gɔ boi Yesu kunu.

will be added

X\