LUKA 3

1Rɔmɛ ɔgɔnɛ diyɛ Tibɛre, ɔgɔ wo dɛinyin anranguju pɛli numɔrɔnsigɛye gɔ le, waaru Pɔnse Pilate, Judea sɛmɛginɛi bee le, Herɔde, Galile kuu nɛ waaru daanbe le, iyaa Herɔde bainɛ Pilipe, Iture gana lee, Tarakonite gana lee, waaru laamu wo kanraunbe le, Lisaniasu, Abilɛnɛ kuu nɛ waaru daanbe le, 2iyaa waaru Ama bɛrɛ sadagadɔɔnɔnɛ kuu baŋa birɛ nɛ Hanɛ lee, Kayipe lee tobɛin le, waaru wogɔ le tee, Jakari aini Jan, olusolo nɛ, Ama, sɔɔ unrunmɔ wo bɛrɛ obaabe. 3Jan kɔɔ gin’ Jurudɛn dibe le bɛrii gana daanbɛin wooi nɛ gɔŋɔlɔube. Wo inɛwin waaju kanraun, bemaa hakɛ yaabu kanrun bɛɛ ga, bana bemɛ dulomɔ ye, batise yoo gɛɛube. 4Wogɔ, inɛ Ama titiyainɛ Esayi dɔn nɛ sɔɔ tɔŋɔ ɔn le sɛgɛraai: “Olusolo nɛ inɛ turu mii goonaabe. Kijɛ wo gɛɛbe: ‘E Inɛw Baŋa oju gɔ yegerei. Oji womɔbe demu demu bojoi. 5Ɔmɔrɔn wooi jojoonɔdɛin. Kokoo wooi lee, dudumu wooi lee dumii bobojodɛin. Bɛdɛ yalu gɔni wɔɔ gɔ wooi, pilemaa ye demu demu bobojodɛin. Iyaa, oju kuɲu gɔbe wooi ɔnrɔnni bobojodɛin. 6Adama unrunw wooi, Ama yayabu gɔ ihiyedɛin.’” 7Inɛw mɔɔnu joo wo bɛrɛ wɛi ye, unrunbei batise kanranmɔubɛin gɔbe le, Jan kijɛ gi: «E yuguru kɔkɔju tɔgu gɔbe, Ama kinɛbanrun wɛɛido gɔ nɛ ebaa ɛli goo ga aa ei tinwinrun? 8Bana ebe duliyaai ga, birɛ ebe le tagarai. Iyaa, kinɛ ebe kɔlɔ nɛ Abarahamu e bai ga gɛɛnu biyɛnɔugi. Sabu mu e bɛrɛ tagauwɔn, Ama, tibu e iyejɛ ɔnbei bilemɛ ye, Abarahamu unrunwin bojo bɛbɛɛjɛ. 9Kanɛ baa, gulɔ tiun duu gɔ dɛŋɛido gɔ, yɛgaa wɔɔ. Tiun, ii ɛju naraanlɛ gɔbe puu kɛjɛ ye yaun nɛ kunɔdɛin.» 10Kɔɔ waaru le, mɔɔnu gɔ, nɛɛ kijɛ inge unrunbe kanraun dagaa ma Jan bɛrɛ selumi. 11Jan, aŋa bemɛ saa gi: «Inɛ aai kanran, arugoi lɛi sɛɛ ye, turu gɔ inɛ sɛlɛ baŋa bɛrɛ obo. Iyaa, inɛ kakayɔn sɛɛ gɔ, inɛ sɛlɛ le gamala.» 12Sɛgu yabanw gɔbe yaa, unrunbei batise kanranmɔ ga wiyaa, Jan bɛrɛ selumaa gin: «Jaŋudeerenɛ, emɛ, inge emɛ kanraun dagaa ma?» 13Wo aŋa bemɛ saa gi: «E bɛrɛ tɔɔrin dɛi sigɛ inɛw bemaa tujɔ kaara gɛɛnɔugi.» 14Sɔludasu unrunw gamuu yaa, wo bɛrɛ selumaa gin: «Emɛ yaa, nɛɛ inge emɛ kanraun jaan ma?» Jan aŋa bemɛ saa: «E inɛ turu nɛ kanran kɛɛlɛ, paŋa le ma, sɛɛrɛ kakalu le ma yabanɔugi. Kaa tujɔ ebe gɔ ei wo baamɔi.» 15Inɛw gɔbe diyɛ daanu le dɔmiyaan bɛin. Inɛ tuturu wooi, kinɛ ajubu womɔ nɛ Jain Ama Yabanɛ Diyɛ tii gɔi ma ga ajubaubɛin. 16Jan be le sɔwaa kijɛ gi: «Mu ei dii nɛ batise kanraunwɔn. Kaa inɛ mu dɛi sigɛ gɔnrɔn sɛɛ gɔ yawɛɛjɛ. Halu, taga womɔ suŋu kɔmɔlɔ ga, mu le jaanla. Inɛ wogɔ, wo Kikinu Pilu nɛ lee, yaun nɛ lee, ei batise kanrando. 17Wo tɛɛliyɛ womɔ gɔ ɛjii sagara ga, kijɛ dɛnrɛn wɛyi womɔ numɔ le gɛli ye wɛɛdo. Wo dɛnrɛn ii gɔ guyɔ womɔ nɛ mɔmɔɔnɔdo. Kaa kɔkɔjɔun gɔ, wo yaun asuu yinwɛɛnlɛ gɔ nɛ tɛtɛgɛrɛdo.» 18Kɔɔ gin’ Jan, tinwinrun tɔgu dɛin dɛin waja le, inɛw bɛrɛ Kibɛru Ɛju gɔ tagaube. 19Kaa Sɛmɛginɛ Herɔde, wo bainɛ yaanran Herɔdiadei, wo jɛi gɔ dɛi Jan woi jarugaabe. Iyaa, Herɔde, sɔɔ mɔɲu joo wo kanrun gɔ dɛi yaa, woi jarugaabe. 20Herɔde, iyaa, sɔɔ kɔɔbe puu kuu nɛ baraa, Jain aa, kaju nɛ kunaabe. 21Inɛw gɔbe puu, waaru batise kanrin le, Yesu yaa, unruin batise kanranmaabe. Batise yowaa, Ama gɛɛun wo wɔu, alagala pinɛlaa, 22Kikinu Pilu, pelegele goju gin’ biyaa, Yesu kuu nɛ sugaa dɛinyaanbe. Alagala gowaa, mii ɛgɛmaabe, kijɛ gi: «Aini ibɛ ma gɔ ui. U le kinɛ ma ɛjii aa wɔɔ.» 23Yesu, waaru deeru womɔ birɛ wo tɔlu le, anranguju pɛtaanu gin’ sɛbe. Inɛw, woi Josɛpu ii ga sɛbɛin. Josɛpu wogɔ, Heli ii bee. Heli Matatu ii, 24Matatu Lewi ii, Lewi Mɛluki ii, Mɛluki Janayi ii, Janayi Josɛpu ii, Josɛpu Matatiasu ii, 25Matatiasu Amɔsu ii, Amɔsu Nahumu ii, Nahumu Ɛsuli ii, Ɛsuli Nagayi ii, Nagayi Maata ii, 26Maata Matatiasu ii, Matatiasu Semɛyin ii, Semɛyin Josɛku ii, Josɛku Joda ii, Joda Joananu ii, 27Joananu Resa ii, Resa Sorobabɛlu ii, Sorobabɛlu Seyalatiɛlu ii, Seyalatiɛlu Nɛri ii, Nɛri Mɛluki ii, 28Mɛluki Adi ii, Adi Kosamu ii, Kosamu Ɛlumadamu ii, Ɛlumadamu Ɛru ii, Ɛru Josue ii, 29Josue Eliejɛru ii, Eliejɛru Jorimu ii, Jorimu Matatu ii, Matatu Lewi ii, Lewi Simɛyɔn ii, 30Simɛyɔn Juda ii, Juda Josɛpu ii, Josɛpu Jonamu ii, Jonamu Eliakimu ii, Eliakimu Mɛleya ii, 31Mɛleya Mɛna ii, Mɛna Matata ii, Matata Natan ii, Natan Dawide ii, Dawide Jɛse ii, 32Jɛse Obɛdu ii, Obɛdu Boasu ii, Boasu Sala ii, Sala Nasɔn ii, Nasɔn Aminadabu ii, 33Aminadabu Adimini ii, Adimini Arini ii, Arini Hɛsurɔn ii, Hɛsurɔn Perɛsu ii, Perɛsu Juda ii, Juda Jakɔbu ii, 34Jakɔbu Isaka ii, Isaka Abarahamu ii, Abarahamu Tera ii, Tera Nahɔru ii, Nahɔru Sɛrugu ii, 35Sɛrugu Reu ii, Reu Pelɛgu ii, Pelɛgu Ebɛru ii, Ebɛru Sala ii, Sala Kayinamu ii, 36Kayinamu Arupasadu ii, Arupasadu Sɛmu ii, Sɛmu Nɔwe ii, Nɔwe Lemɛku ii, Lemɛku Matusalɛmu ii, 37Matusalɛmu Henɔku ii, Henɔku Yerɛdu ii, Yerɛdu Malaleyɛlu ii, Malaleyɛlu Kena ii, Kena Enɔse ii, 38Enɔse Sɛtu ii, Sɛtu Adama ii, Adamai Ama maŋu.

will be added

X\