TESALONIKE LƐIYE 2

1Nɛɛ, ba unrunw, Inɛw Baŋa emɛ Yesu Kirisito wɛɛgu gɔ sɔɔ sibɛ go lee, iyaa emɛ wo le bari ye yalu turu nɛ emɛ mɔrinyɛindo sibɛ go lee kanran, emɛ e bɛrɛ gɛɛunwɔin: 2Inɛ Ama titiyainɛ sɔɔ le digɛnu ma, waaju taganu ma, maa iyaa lɛtɛrɛ emɛ bɛrɛ goi ga gɛɛɲu sɔɔ le digɛnu, Inɛw Baŋa bai gɔ wiyaa dɔwaai giye, hakilɛ ebe ɔgiri bimiliyemɔnɔugi, iyaa kikinu manu le kanran biyɛnɔugi. 3Inɛ turu kanran bɛrɛ, ei bana inge lei kanran lelemɔnɔugi. Sabu, Ama le murutu kanranw gɔbe wiyaa dɔɔnɛ ye, iyaa Ama jaŋunɛ gɔ, inɛ suiyi dɛi bojaaɲu gɔi tagaranɛ ye, bai diyɛ kɔɔ dɔɔidolo. 4Ama jaŋunɛ kɔɔ, kijɛ amai gɛɛɲu, kijɛ demɛniyɛnmɔɲu puu le jajaiyɛdo. Unruin kijɛ kɔɔbe puu dɛi sigɛ bojodo. Wo unruin Amai giyaa ye, Ama Ginrun Diyɛ gɔ kɔlɔ nɛ baa yoi ye dɛinyɛndo. 5Waaru e le mu bee le, mu sɔɔ kɔɔbe e bɛrɛ tagaabɔn ga e naŋaai ma? 6Kɔɔ wooi nɛ, kijɛ kɔɔbe biyɛnɔu ga kijɛ tɛŋaa sɛɛ gɔ e kanɛ igii wɔi. Kunrin, Ama jaŋunɛ gɔ, waaru womɔ dɔwaai ye unruin tagarado. 7Mɔmɔɲu gɔnrɔn babaŋa gɔ, kanɛ baa birɛ birɛuwɔ. Kaa, inɛ kanɛ woi tɛŋaa sɛɛ gɔ, oju womɔ nɛ goolu ye, kijɛ wɛɛido gɔ biyɛidolo. 8Kɔɔ waaru le Ama jaŋunɛ gɔ tatagaradɛin. Inɛw Baŋa Yesu, aŋa uju unrunmɔ le woi dadaado, wɛɛgu unrunmɔ wijɛ diyɛ le woi susuyodo. 9Ama jaŋunɛ gɔ waaru wɛɛido, wo Setanu gɔnrɔn le wɛɛdo. Wo taanrinyɛn lee, sɛɛrɛ taanrinyɛnbe lee, yarabirɛ lee tɔgu dɛin dɛin inɛ lelemu le wɛɛdo. 10Wo, inɛw suiyoidɛin gɔbe, mɔɲu tɔgu dɛin dɛin puu le lelelemɔdo. Be Inɛw Baŋa sɔɔ naran bei yabado ga bee gɔi ibɛi biyɛ ga yabanɛ dɛi bei susuiyodo. 11Kɔɔ sabu dɛi, Ama, bemaa kakalu gɔ le gawa ga, lelemu paŋa sɛɛ be bɛrɛ tiiuwɔ. 12Kunrin inɛw Inɛw Baŋa naran sɔɔ gɔ le gawanɛ kanraan, teitai laa gɔ dɛi kinɛ ɛɛliyɛmɔw gɔbe, Ama be bɛrɛ jarugu duduurɔdo. 13Ba unrunw Inɛw Baŋa ibɛ gɔbe, emɛ kai e dɛi waaru wooi Amai birɛpoo emɛ tagaun jaain wɔɔ, sabu Ama Kikinu gɔnrɔn le ei Ama tɔgu dɛiin bojaaɲu gɔi digɛu, iyaa naran gɔ le gawaa e wɔɔ gɔ digɛu, yayabu gɔ dɛi Ama, tɔlɔgu gɔ le baa ei yɛmaabe. 14Sɔɔ kɔɔ dɛi, Kibɛru Ɛju e bɛrɛ emɛ tagu gɔ digɛu, Ama ei boonaabe. Wo, Inɛw Baŋa emɛ Yesu Kirisito dooro gɔ ebaa bɛɛ ga ei boonaabe. 15Kɔɔ gin’, ba unrunw e ɛɛn go iŋiyɛin. Iyaa, sɔɔ le ma, lɛtɛrɛ le ma, deeru e bɛrɛ emɛ deeru gɔbei ɛjii gɛliyɛi. 16Kunrin, Inɛw Baŋa emɛ Yesu Kirisito, kuu womɔ le, iyaa Ama emɛ Ba gɔ, emi ibɛɛ biyaa, nɛɛma womɔ le kinɛ kaalu sɔgɔjɛ lee, diyɛdɔn ɛju lee emi obu baŋa gɔ, 17kinɛ ebe be kaaliyɛmɔ, iyaa, birɛ ɛju wooi lee, sɔɔ ɛju wooi lee kanran ga e bɛrɛ paŋa be obomɔ.

will be added

X\