KƆRƐNTE PƆLƆ 5

1Nɛɛ, logoro ebe nɛ sala sɔɔ yɔɔ ga yalu puu nɛ ɛgɛmɔuwɔ. Sala wogɔ tunmɔ, halu inɛw Ama ininbe logoro nɛ iyemɔɔlɛ. Logoro ebe nɛ inɛ turu wo ba yaanran le diinyɛnjɛ ga mu ɛgaabɔn. 2Kɔɔ wooi nɛ, e kai kuu ulo le wɔi. Ai, kinɛ jiun diyɛ le bii ye, inɛ wogɔ kanrannɛ gɔi logoro ebe nɛ nana e goonɔu jaain wɔɔ. 3Halu mu goju sibɛ go e le wagee wɔun kanran, kikinu sibɛ go mu e le yɔɔun. Mu logoro ebe nɛ yatoun gin’ biyaa, kanɛ baa Inɛw Baŋa Yesu boi le inɛ sɔɔ mɔɲu kanrannɛ kɔɔ saliyɛ kiraatun. 4Waaru mɔrinyaan, kikinu sibɛ go e le mu wɔɔ gɔ le, Inɛw Baŋa emɛ Yesu gɔnrɔn gɔ e le bibiyɛdo. 5Kunrin, Inɛw Baŋa bai wɛɛido gɔ le kikinu womɔ yabaaɲu biyɛ ga, kanɛ goju womɔ Setanu numɔ nɛ kunu ye wo yamalamɔi. 6Kuu ebe unaa e wɔɔ gɔ, wogɔ jaanla. Bana gɛɛɲu gin’ ”Kijɛ buru pidemu gaila sai, punau lɔɔraaɲu gɔ puu ingelemɔjɛ” ga e inin ma? 7Kijɛ buru pidemu pɛi kɔɔ logoro ebe nɛ goonɔti ye, punau lɔɔru kana, kijɛ pidemu toloi biyɛi. Yɛnɛi, Taŋagalu janwan peju emɛ gɔ sɛnwaantin. Wogɔ Kirisitoi. Kɔɔ sabu dɛi, buru pidemu tolo gin’ e yaa naran go ɛjaa wɔi. 8Nɛɛ, kɔɔi biyaa ye, emɛ janwan emɛ kanranmɔi. Kaa kijɛ buru pidemu pɛi gɔ le janwan gɔ kanranmɔnɔugin. Tiyɛ gɔ kinɛ gɛun ma, mɔmɔɲu ma kijɛ buru pidemu gɔ le kanranmɔnɔugin. Kaa janwan gɔ, buru pidemu tolo le kanranmɔi. Wogɔ, kinɛ pilu lee, naran lee bei. 9Giru nɛ e bɛrɛ lɛtɛrɛ mu tii gɔ nɛ, ebaa inɛw salagunw le mɔrinyɛnnɔu ga mu sɔwaabɔn. 10Kaa mu aduna salagunw puu ma, aduna giru kakalagunw puu ma, kuu numɔ numɔw puu ma, ɔmɔlɔ bulonw puu ma sɔɔi sɔɔlun. Be puu le kabiyɛ gin ye, aduna naa gɔ nɛ e gooun jaain wɔɔ. 11Kaa e bɛrɛ kijɛ mu tɔŋu gɔ, ebaa inɛ turu unruin jaŋu ii gɛɛnu, sala nɛ too ma, giru kakalaginɛi ma, ɔmɔlɔ bulonɛi ma, duyɔ duyɔnɛi ma, kɔɲɔ nɔɔnɛi ma, kuu numɔ numɔnɛi ma biyaai ye, inɛ wogɔ le kabiyɛ gun. Inɛ kɔɔ tunmɔ le mɔrin ye, halu jaa kanran kayanɔugi. 12Bain inɛw, inɛw tubu tonɛ, saliyɛ kire ga, wogɔ sɔɔ mai laa. Ama saliyɛ bemɛ kiredo. Kaa inɛw ebe gɔbe, saliyɛ bemɛ e kireun jaanla ma? Kɔɔ biyaai ye, Ama Dɔn bana gɛɛjɛ le kɛukɛu: “Mɔɲu kanrannɛ gɔi logoro ebe nɛ nana goonɔi.”

will be added

X\