2 PƖƐR 1

1A mãa Sɩmʋ̃ Pɩɛr, na ɩ a Yeezu Kɩrɩta tõ-tone nɩ a ʋ nɩ-tona a, mãa n'ʋ sɛbr a bɛlɩ dem na páw a Naaŋmɩn-sawfʋ ʋ vɩɛl man a tɩ dem a. A tɩ Naaŋmɩn nɩ a tɩ Faarɛ Yeezu Kɩrɩta mɩnʋ zũú n'a bɛ páw a Naaŋmɩn-sawfʋ ŋa. 2A Naaŋmɩn maalʋ nɩ a ƴã-ɓaarʋ a ta nyɩ yaga za, a Naaŋmɩn nɩ a Yeezu tɩ Sore bãwfʋ zũú. 3A ʋ naaŋmɩnʋ fãw zũú, a Sore kʋ̀ tɩ nɩ bom za a na sɛw kɛ́ tɩ tɛr tʋ̃ɔ vʋʋrɛ nyɔ-vʋʋr-vla ɛ ƴãwnɛ a Naaŋmɩn a. Ʋ ɩ na tɩ bãw a Sob nɛ na ƴãw tɩ pʋɔ a ʋl mɩŋa yúor-vɩɛlʋ-danʋ pʋɔ, ɛ tɛr a ʋ fãw ʋ na tone nɩ ton-vɩɛlɩ a. 4A ʋ yúor-vɩɛlʋ-danʋ nɩ a ʋ fãw ƴãw, tɩ páw nɩ a bome na vɩɛl bɛ tɛr tɔ, ʋ na dãw ƴãw nʋɔr kɛ́ tɩ na páw na a. Ɛ a bʋ̃-vɩɛlɩ a ŋa ɩ na nyɩ pʋɔ a naaŋmɩnʋ pʋɔ ɛ yi zaa a faalʋ pʋɔ, a faalʋ a tɛ̀rá vʋla na guole a tẽ-daa zu a. 5Alɛ n'a mɩ̀ cãa lɛ so, nyɩ ƴãw a nyɩ fãw za tɛr ɩ vɩɛlʋ ƴãw pʋɔ a nyɩ Naaŋmɩn-saw-deb ƴãw, ɛ tɛr Naaŋmɩn bãwfʋ sɩza ƴãw pʋɔ a vɩɛlʋ ƴãw; 6nyɩ tɛr tʋɔra-nyɔwfʋ ƴãw pʋɔ a Naaŋmɩn bãwfʋ ƴãw, nyɩ tɛr a kanyir ƴãw pʋɔ a tʋɔra-nyɔwfʋ ƴãw, ɛ ƴãwnɛ a Naaŋmɩn ƴãw pʋɔ a kanyir ƴãw; 7nyɩ nɔnɛ taa mɛ̃ yɛbr a, ƴãw pʋɔ a Naaŋmɩn ƴãwfʋ ƴãw, ɛ pãa baa tɛr a nɔ̃wfʋ ƴãw pʋɔ a yɛbr nɔw-taa ƴãw. 8Nyɩmɛ wa tɛr a ɩ-vɩɛlɩ a ŋa za a, a na ɩ na nyɩ tʋlɛ ɛ bãwnɛ a tɩ Sore Yeezu Kɩrɩta dɔwlɛ. 9Sob nɛ za na bɛ tɛr a a, ɩ n zɔ̃w na bɔblɛ a: ʋ yiir a kɛ́ bɛ pɛw nɩ a ʋ dãwdãw yel-bebe dɛwr bɛr. 10Alɛ n'a so yɛbr ɩ, nyɩ lɛ bãw ƴãw fãw ɩ a bʋɔlʋ a Naaŋmɩn na bʋɔlɩ nyɩ, ɛ kaa ir nyɩ a, ʋ kpɛmɛ dɔwlɩ, lɛ n'a nyɩ bɛ be za nãà faa lo ɩ. 11Ɛ lɛ n'a nyɩ na kpɛ a tɩ Sore nɩ a tɩ Faarɛ Yeezu Kɩrɩta naalʋ na be kʋra lɛ a pʋɔ, mɔlɛ mɔlɛ lɛ. 12Alɛ n'a so ɩ̃ bɔbr k'ɩ̃ɩ lɛ sɩ̃wnɛ a nyɩ tɩɛrʋ a yele a ŋa ƴãw kʋra lɛ, nyɩ na saa bãw a, ɛ tɛr a yel-mɩŋa bɛ na yel kʋ̀ nyɩ a kpɛ̃w za a. 13Ɩ̃ na dɛ cãa a tẽw ŋa zu a, ɩ̃ tɩɛrɛ na k'aa sɛw na k'ɩ̃ɩ cãa kpaalɛ nyɩ a yele a ŋa ƴãw, kɛ̀ nyɩ cɩ a ƴãw. 14Ɩ̃ bãwnɩ a na, a ɩ̃ kulu pɩɛl a, mɛ̃ a lɛ a tɩ Sore Yeezu Kɩrɩta na ɩ ɩ̃ bãw a. 15Ɛ cɛ ɩ̃ na ƴãw nɩ fãw kɛ̀ mãa bɛ wa ka be a, nyɩɩm tʋ̃ɔ tɛr a ɩ̃ wulu a ŋa kʋra lɛ nɩ ziir za, taa wa yiire a bɛrɛ ɩ. 16A tɩ Sore Yeezu Kɩrɩta kpɛnʋ nɩ a ʋ lɛb-waa tɩ na ɩ nyɩ bãw a, suolu bɛ n'a tɩ suoli vla za kʋ̀ nyɩ ɛ. Tɩ nyɛ̃ nɩ a ʋ yúor-vɩɛlʋ-danʋ za nɩ mimir sɩza. 17Ʋ tɩ sɩrɩ na nyɛ̃ ƴãwfʋ nɩ yúor-vɩɛlʋ-danʋ a Naaŋmɩn Sãà zie, a lɛn daar kɔkɔr na tɩ yi a Naaŋmɩn vɩɛlʋ za zie yere a: «A ɩ̃ bi-nɔna n'ɩ a ŋa, ɩ̃ pʋɔ za pɛlɩ nɩ a ʋ ƴãw.» 18A kɔkɔr ŋa na tɩ ƴɛrɛ yire a salom zu a, tɩɩm mɩŋa wõ ʋ nɩ a lɛn daar tɩmɛ nɩ a ʋl na tɩ be a tãw sõw zu a. 19Ɛ lɛ waar, tɩ nyɛ̃ na k'aa Naaŋmɩn-ƴɛr-manbɛ ƴɛrʋ sɩrɩ na tɛr fãw, ɛ́ nyɩ tɛr ɩ yel-mɩŋa nyɩ na saw cɛlɛ a ƴɛrʋ a ŋa zie a. Nyɩ de a, a ɩ mɛ̃ fɩ̃tɩlɛ na caalɛ lige pʋɔ a, ɛ gu a zi-vɩɛ-ŋmar-bir nãà wa pur a nyɩ socie pʋɔ a. 20Nyɩ páw bãwnɩ a vla za: nɩsaal za kʋ̃ tʋ̃ɔ bãw ír a Naaŋmɩn-ƴɛr-manbɛ ƴɛrʋ pɛr na be a Sɛb-sõw pʋɔ a, ʋ yõ ɩ. 21Bʋ̃ʋ n'ʋ vɛ̃, Naaŋmɩn-ƴɛr-manɛ ƴɛrʋ kãw za bɛ dãw yi nɩsaal yõ na bɔbr a zie ɩ, Vʋʋrʋ Sõw n'ʋ tɩ ƴãw nɩbɛ ƴɛr a Naaŋmɩn yúor ƴãw.

will be added

X\