'Dh/ebhowunta 11

1=Dh/e =ya k"e 'p"o, 'wo -dh/e -nu -dan -a 'ka 'l"u 'n"e do nu n -dh"e '"o 'wo- p"o n -dh"e: “-Bh"o =luu'-, k"o -Zlan -bha 'k/c waa- -a -bha slabhodh/e bh"e, '"u -an dan -a 'ka; m/e -nu 'wo -Zlan gba -na -a -g/c k/c/c bh"e -an =dhong'-! 2'K/e/e -bh"o "u =kwaa' -Zlan -bha 'k/c 'kw/eandh/e plaandh/e -z"u; k"o =kun '"u- dan, bhii -y"o nu -s"u 'ka m/e 'waa -Zlan -bha m/e -nu 'ka -an -dh"e, k"o p"odh/e 'sl"o"osl"o '"o Zeluzal/em"e 'ka bh"e -waan -a =si"o'- 'su 'g/c/c- -yiisi"e "o ga =pl/e -bha. 3A -dho ma =goo- =pl/e '"o ga -ta -s/c 'dh"o -an -bha -an b/c k"o -waan -Zlan 'dhi -wo =bl/e/e'-, -dh/ekpa/cyi -vuu do "o -ta =pl/e waa- -dh/ekpa/cyi 'g/c/c- 'slado (1.260) -an 'ka.” 4=Goo- =pl/e 'wo bh"e 'wo t/c/c olivie -l"u =pl/e waa- =labang =pl/e 'wo d/c -s"u 'ka kwa D"em/e -Zlan '"o 'kpongtaa k"e -m/e 'ka -a 'dh"o. 5M/e =yaa- p"o 'y"o 'wun yaa k"e -an 'ka, 'si"o -y"o -go -an dhi"o '"o -an yaag"um/e 'g"u =si"o; -k/c bh"e =n/e '"o m/e -nu 'wo 'dho"e- 'wun yaa k"e -an 'ka 'wo dho gaa. 6-K/c -m/c 'wu"en- -s"u -y"o -an -g/c k"o -waan dhang- 'dhi ta, -y"o k"e 'dh"o k"o =kun '"o dha dho ban 't"ong 'wo dho -Zlan 'dhi -wo =bl/e/e -a 'ka bh"e -a 'ka; -k/c -m/c 'wu"en- -s"u -y"o -an -g/c k"o -waan 'yi -nu 'gla f/ei 'g"u. -K/c -m/c 'wu"en- -s"u -y"o -an -g/c 'p"o k"o -wo 'wun 'gbee- -nu w/c 'kpongtaadh/e -ta -k/c =suu'- 'oo =suu'- -ta =n/e -k/c '"o -dhi -a 'ka -an -dh"e -a 'dh"o. 7Yi 'wo 'dho"e- y"en wo -bha 'wun =bl/e/e' -s"u -bha, w"u '"o go -glu 'kpa 'dhi =va 'g"u bh"e -y"o -dho nu -an -g/c. 'Y"o to -a 'gbee- 'ka -an -ta; 'y"o -an z"e. 8-An =gl"o"o -dho to -kpinngga 'pi"o p"odh/e =va '"o 'wo -an D"em/e d/ca -gaatal"u -bha bh"e -a 'g"u. P"odh/e '"o bh"e =n/e 'wo- -ga zl"o"o =n/e Sod/cm"e 'iin =n/e Ezit"o -s/e -an 'dh"o. 9M/e -nu 'wo 's/eg/c 'saadh"o 'g"u, 'wo 'gunng 'saadh"o 'g"u, 'wo -wo =suu'- 'oo =suu'- p"o waa- 's/eg"um/e -nu 'saadh"o -wo -dho -an =gl"o"o -ga -dh/ekpa/cyi -yaaga waa- "o 'gbu 'ka '"o waa 'dho 'we -a -bha k"o -wo -an =gl"o"o -bin. 10'S/eg"um/e -nu =zu"o' 'glu dho dhi m/e =pl/e 'wo bh"e -an -bha ga -s"u -wun 'g"u. -Wo -dho =zu"ogludhi k"e, 'wo gba/c -nu b/c wo 'ko -nu -dh"e, bhii '"o t/c/c -Zlan 'dhiwop"om/e =pl/e 'wo bh"e k"o =wa 's/eg"um/e -nu d/c -gb/cudh"o. 11'K/e/e =dh/e -dh/ekpa/cyi -yaaga waa- "o 'gbu '"o bh"e =ya zi"o, '"o -k"edh"os"u 't"e"e 'y"o go -Zlan 'pi"o 'y"o -da -an 'g"u, '"o 'wo =luu 'wo d/c wo -g/en -ta. '"O 'su"o =va -y"o -da m/e -nu 'wo wo 'yan d/c -an -bha -an 'g"u. 12'"O -Zlan 'dhiwop"om/e =pl/e 'wo bh"e 'wo -wo do 'gbee- 'y"o go dhang- 'g"u -a ma =n/e/e: “-Ka -da z"o!” 'Wo -da dhang- 'g"u, dha kp"o 'ka k"o -an yaag"um/e -nu -wo -an -ga -s"u 'g"u. 13-A 't"ong gia- bh"e -a 'ka 's/ezluundhe 'gbee- -y"o -k"e; '"o p"odh/e bh"e -a 'g"u -kan 'kou kp"o k"e 'g/c/c- do -naa bh"e '"o- 'pl/e -y"o -lo. '"O m/e -l"u -vuu 'slapl/e -wo ga 's/e -bha =zluun -s"u do bh"e -a =kwaa'. M/e -nu 'wo to, 'su"o -y"o -da -an 'g"u; 'wo y"o -Zlan 'y"o dhang- 'g"u -a 't/c -k"e =va -s"u -bha. 14'Yena -wun k"e =pl/e -naa =ya zi"o; ('k/e/e -ka ka -zo k"e ka -de 'pi"o!) -A k"e -yaaga -naa -dho nu. 15=Dh/e =ya k"e 'dh"o, '"o -Zlan -bha b/cm/e k"e 'slapl/e -naa -y"o 'truu -pi"o; '"o -wo -nu -wo -we 'gbee- 'ka dhang- 'g"u 'wo- p"o: “-Glud"edh/e k"e -s"u '"o 'kpongtaa z"o =n/e =ya 'to kwa D"em/e waa- Klito -an -bha 'ka zl"o"o. -Y"o -dho 'kpongtaadh/e =k/c/cn =to"ep"o 'ka!” 16'Y"o m/e ziizii 'g/c/c- =pl/e "o ga -yiisi"e 'wo -k"e =yaannu =s"u"e' wo -bha 'g/c -gbloo 'g"u -Zlan w"o 'dhi"o bh"e 'wo -gbl"u 's/ei, '"o 'wo -Zlan gba 17=wo"e' =n/e/e: “Yi D"em/e -Zlan 'piigbeez"e, bhi '"u -k"e -dh"o, '"u =tun -dh"o, yi "u zu"o -p"o "u -bha -k"e =va -s"u '"u- wo 'piigbeedh/e 'ka, '"u "u -bha -glud"edh/e -k"e bh"e -a -wun 'g"u. 18-D/c 'y"enng -s"u -y"o 's/eg"um/e -nu -pa; 'k/e/e -a yi =ya -lo k"o "u -bha -naazu"edhe bh"e -a 'pi"o -p"e -yaan k"e k"o gam/e -nu -bha za -yaan 'kan. -A yi =ya -lo k"o '"u"en- "u bha yu"ok"em/e -nu 'wo "u 'dhi -wo =bl/e/e waa- m/e -nu 't"o"udh"o 'wo "u -bha 'ka 'wo -su"o "u -dh"e -y"o m/e =va 'ka 'iin -y"o m/e 'tee 'ka '"u"en- m/e '"o -dh"o -a =saan' bho. M/e -nu 'wo 'kpongtaadh/e 'g"u =si"o bh"e, -a yi =ya -lo k"o '"u"en- -an 'g"u =si"o'- 'p"o.” 19=Dh/e =ya k"e 'p"o '"o -Zlan -bha 'k/c '"o dhang- 'g"u bh"e, '"o- 'dhi -y"o -po. '"O m/e -nu -wo -Zlan -bha t/cng =gb"e"u y"o -a -g/c k/c/c m"u. 'Y"o dha -bha 'yan b/c -s"u -nu, p"e -drinng -nu, dha -bha 'gbla -wo -nu, 's/e -bha =zluun -s"u waa- m"engga 'gbee- -bha -lo -s"u -wo -k"e.

will be added

X\