Mati"o 11

1=Dh/e Yesu =ya y"en 'paanbhodhe -nu 'wo =n/e -an -nu "o bha =gu"e' -nu 'g/c/c- do "o ga =pl/e 'wo bh"e -an -dh"e -s"u -bha, 'y"o go -dh/e bh"e -a -bha, 'y"o dho "o bha m/e -nu =daan' -wo waa- -Zlan -wo p"o -s"u -an 'ka p"odh/e -nu -bha 's/e bh"e -a -ta. 2Zan Batis"o -y"o -to -kanso 'k/c/cdh"o, '"o yu"o '"o Klito 'dh"o -a k"e -na bh"e -ya -ta/c -ma. =Dh/e =ya k"e 'dh"o, 'y"o "o bha =gu"e' -nu 'bhaa b/c, 3k"o -waan Yesu =dh/e/e' 'kp/c =n/e/e: “"U m/e '"o 'yi- d/ca =n/e -y"o -dho nu bh"e -a 'ka, 'iin yi -dho -ya m/e gb/e 'bhaa -g/c ee?” 4Yesu -ya -daa -k"e -an -g/c 'y"o- p"o: “-Ka 'dho, p"e -nu 'ka -an -wun ma '"o 'ka 'yan -kp"en -a -bha 'n"o bh"e, 'ka- -wun =bl/e/e'- Zan -dh"e =n/e/e: 5'Y"enngtiim/e -nu -wo -dh/e y"o -na, -g/enlom/e -nu -wo 'ta -s"u -na, =wee =yuam/e -nu bun =ya k"e 'sl"o"osl"o, 'totam/e -nu -wo 'wun ma -na, gam/e -nu -wo 'go -na ga 'g"u, '"o 'yenam/e -nu =wa 'wunta/cs"e ma. 6=Zu"ogludhi -y"o k"e m/e yaa 'dho "o bo -zo -y"o n -ma -s"u 'ka bh"e -a -g/c!” 7=Dh/e '"o Zan -bha =gu"e' -nu =wa zi"o =wa 'dho, '"o Yesu -y"o 'wun '"o -gban Zan -bha '"o- =bl/e/e m/e gbung -nu 'wo -k"e m"u bh"e -an -dh"e, '"o- p"o: “-M"e 'ka dho -a -ga =dhia 'y"enng =taa =/e? 'L"u 'n"e '"o =tuun' -na 't"e"e =kwaa' y"o -m"u -a? (-Y"o -k"e n 'g"u =n/e 'yaa -m"u). 8=Dh/e '"o 'dh"o, -m"e '"o 'ka dho -a -ga =dhia =/e? G/c/cn- do '"o s/c -s"e 'dh"o -a -bha y"o -m"u -a? 'K/e/e y"o =ga '"o m/e -nu 'wo s/c -s"e k"e -na wo -bha bh"e 'sa, -wo -k"e -glud"e -nu -g/c k/c/c -dh/e -nu -bha. 9=/E/e, -m"e '"o 'ka dho -a -ga =dhia 'sa? -Zlan -wodhi"olom/e do -m"u -a? A- -p"o ka -dh"e, =ii-, -a -de -a =bhl"e =y"o =va '"o -zi"o -Zlan -wodhi"olom/e -nu -ta. 10Bhii Zan -y"o m/e '"o -Zlan -bha 's"e"edh/e =b/e/en' -wo -y"o 'wun -gban -a -bha y"o -m"u -a 'ka =n/e/e: |i-Zlan -ya -p"o: -Dh/e -ga z"o, 'ma ma b/cm/e do b/c "u 'dhi"o k"o -yaan "u bha zian -gblooga -yu"o k"e.|d 11A- -p"o ka -dh"e 'wun gia- 'ka: M/e -nu 'wo bh/c 'kpongtaa z"o -a m/e '"o- -g/c dho =luu'- -yaan zi"e Zan Batis"o -ta 'yaa 'dh"o. 'K/e/e k"o m/e '"o m/e 'tee 'ka -Zlan -bha -glud"edh/e '"o dhang- 'g"u bh"e -a 'g"u, -y"o Zan -bha =va. 12'"O s"u 't"ong '"o Zan Batis"o -y"o -Zlan -wo =bl/e/e -a 'ka -a -bha, '"o y"o"e =d/e/e -bha, -Zlan -bha -glud"edh/e '"o dhang- -nu 'g"u, =ya k"e 'g"u -d/c -de -g/c 'gbee- -s"u -wun 'ka; bhii 'g"u -d/c -de -g/c 'gbee- -m/e =faanz"e =n/e 'y"o dho k"e -a -bha. 13-Zlan -wodhi"olom/e -nu 'saadh"o waa- t/cng -nu '"o Moiz"o -y"o -an nu kwa -dh"e bh"e, 'wun '"o -gban -Zlan -bha -glud"edh/e '"o bh"e -a -bha, -wa -bl/e/e '"o nu '"o y"o"e Zan Batis"o -bha 't"ong -bha. 14'"O =ya k"e =n/e, ka 'to -y"o n -ma, k"o -kaa -dh/e 'wun gia- =n/e/e: Zan -y"o Eli '"o- -bha nu -s"u -wun -y"o =bl/e/e -Zlan -bha 's"e"edh/e 'g"u bh"e -a 'ka. 15'"O =ya k"e =n/e ka 'wun ma -to -y"o -dh"o, k"o 'wun =n/e, -kaa -g/en ma bhoo-!” 16'"O Yesu -ya p"o: “D"o 'a dho =d/e/e =n/e -a 'g"u -m/e -nu -z/cn -a 'ka /e? -Wo -bh/c 'n"e 's/e/en- -nu 'wo -ya -s"u 'ka p"o- 'dh"e"edh"o -dh/e -nu -bha, '"o 'wo 'we -na wo 'ko 'pi"o -an -bha 17-a p"o -s"u 'ka =n/e/e: ‘Yi 'truu -nu -pi"o ka -dh"e, '"o kaa 'tan k"e, '"o 'yi ga -gbo b/c ka -bha '"o kaa -da 'yena 'g"u!’ 18-K/c do bh"e -a 'ka Zan -bha -k"edh"os"u 'g"u, yaa p"e =pl"e"ez"e gb/e -bh"o, 'iin yaa -dr/c/cn gb/e m"u, '"o m/e -nu -wa p"o: ‘-Zuu yaa -ya 'g"u!’ 19'"O ma M/egb"o 'a nu 'a p"e -nu -bh"o, 'a -dr/c/cn -nu m"u, '"o m/e -nu -wa p"o: ‘-Ka -dh/e -ga, g/c/cn- '"o =n/e -a -bha -zo -ta -a 'g"u -wun '"o t/c/c -bh"op"e -wun waa- -dr/c/cn m"u -s"u; -y"o 'nii- =s/cnng' 'kun -m/e -nu waa- k"ewunyaam/e -nu 'bham/e 'ka!’ 'K/e/e a- -p"o ka -dh"e =n/e/e: -Zlan -bha 'wunbhokoud/cdhe -y"o "o -de -z/cn kpengdh"o "o k"ep"e -nu 'g"u.” 20'"O Yesu -y"o y"o 'we -s"u 'g"u p"odh/e -nu '"o -dhidhaap"e =pl"e"ez"e =va -dh/e -k"e -an 'g"u bh"e -an 'g"u -m/e -nu -dh"e, '"o t/c/c waa wo =zu"o' =dhi"e'- -Zlan 'pi"o, '"o- p"o: 21“Kolaz/en -m/e -nu, 'wun 'yenaz"e -y"o -dho nu ka -ta; Betesaida -m/e -nu, 'wun 'yenaz"e -y"o -dho -lo ka -ta 'p"o! Bhii -dhidhaap"e -nu 'a -an k"e ka =pl"o"o 'ma bh"e, =ya k"e -bez"e =n/e, -y"o -k"e Tii -dh/e -bha 'iin Sid/cn -dh/e -bha -be, -wo -dho to m"u 'wo wo =zu"o' =dhi"e -Zlan 'pi"o. -Wo -dho =bh/c/c' 'kaaz"e -da wo -bha 'wo 'yoo -k"e wo -bha -bez"e k"o -waan -z/cn =n/e wo w"o -y"o -si"o -s"u 'ka wo -bha =s/c/cn yaa -nu -wun 'g"u. 22=Dh/e -k"e 'dh"o, a- -p"o ka -dh"e: -Zlan -bha zakanyi 'ka, Tii -dh/e waa- Sid/cn -dh/e -an -bha 'klobh/cdhe -y"o -dho k"e 'tee '"o =zi"e' ka -bha -ta. 23Kap/e/ena/cm"e -m/e -nu, ka -de 'p"o, -y"o ka -zo 'pi"o =n/e, ka -g/c -dho =luu'-, '"o y"o -a 'ka dhang- -bha -a? P"e dho k"e ka 'ka '"o t/c/c ka -g/c dho =y/c/c'- '"o dho -a 'ka =gl"o"otiaandh"o 'si"o 'g"u. Bhii =ya k"e =n/e -dhidhaap"e -nu 'wo -k"e ka =pl"o"o =n/e -wo -k"e Sod/cm"e -bez"e, k"o Sod/cm"e -m/e -nu 'wo bh"e -wo -dho k"e -dh"o d/c 'kwa- wo =d/e/e -yi '"o =n/e -a 'g"u. 24Ka -z"e 'p"o, ka n -wo -ma -s"e 'ka, a- -p"o ka -dh"e: -Zlan -bha zakanyi 'ka, p"e '"o -k"e Sod/cm"e 'ka bh"e -y"o 'tee.” 25Yesu -y"o -to -dh/e do bh"e -a 'g"u yi bh"e -a 'ka, '"o y"o =bh/ea' -s"u -bha '"o- p"o: “'Oo, n D"e, n D"em/e, '"o dhang- waa- 'kpongtaadh/e =k/c/cn, a "u zu"o -p"o, bhii p"e '"o -bin -s"u 'ka m/e 'kpaakpa -nu waa- p"ed/cm/e -nu -an -g/c bh"e '"u- -z/cn 'n"e 's/e/en- -nu -dh"e. 26=Ii-, n D"e, -y"o k"e -s"u 'ka 'dh"o, 'y"o t/c/c "u -zo 'kun -wun -m"u.” 27'Go m"u '"o- p"o 'z"u "o bha =gu"e' -nu -dh"e: “N D"e =ya p"e 'pl/e 'saadh"o -lo n kw/e/e. M/e gb/e 'yaa ma -Zlan Gb"o n d/c, -a 'ke yaa k"e n D"e -de 'ka. '"O m/e gb/e 'yaa n D"e d/c, -a 'ke yaa k"e ma -Zlan Gb"o waa- m/e -nu '"o 'a- 'pi"o, '"o 'wun -nu '"o 'wo bh"e 'a- -z/cn -an -dh"e -a 'ka. 28M/e -nu 'saadh"o '"o ka 'g"u =ya ga =kw/e/e- bun -s"u 'ka, -ka nu n 'pi"o; a -dho ka gbaa 't/e/e pa -s"u 'ka! 29-Ka ma t/cng -nu 'kun, 'ka ka =kwaa' ka -de -wun -z"u, 'a ka =daan' 'wund/cdhe 'ka, bhii ma 'wun =y"o -s"e, '"o n =zu"o' 'dho -saa. =Ya k"e 'dh"o, ka -dho ka 't/e/epas"u y"o. 30Ma t/cng 'a dho -a nu ka -dh"e 'kaan- -a bun bh"e -y"o 'f"ongf"o, '"o =kw/e/e- 'a dho -a nu ka -dh"e 'p"o 'y"o 'f"ongf"o.”

will be added

X\