Matthew 1

1Abraham Ccapaw, David Ccapaw Jesu Kri a thokeinaw ciihan ccauh. 2Abraham nynh Isaak a saah, te Isaak nynh Jakob a saah, te Jakob nynh Judah te a uno`ae a saah. 3Te Judah nynh a zu Tamar kyate Farez te Zerah a saah, te Farez nynh Hezron a saah, Hezron nynh Ram a saah. 4Te Ram nynh Amminadab a saah, te Amminadab nynh Nahshon a saah, te Nahshon nynh Salmon a saah. 5Te Salmon nynh a zu Rahab kyate Boaz a saah, te Boaz nynh Ruth kyate Obed a saah, te Obed nynh Jessi a saah. 6Te Jessi nynh siapharan David a saah, te siapharan David nynh Uriah zu lang phe a tang vae paw nopinung kyate Solomon a saah. 7Te Solomon nynh Rehoboam a saah, te Rehoboam nynh Abija a saah, te Abija nynh Asa a saah. 8Te Asa nynh Jehoshafat a saah, te Jehoshafat nynh Jehoram a saah, te Jehoram nynh Uzziah a saah. 9Te Uzziah nynh Jotham a saah, te Jotham nynh Ahaz a saah, te Ahaz nynh Hezekiah a saah. 10Te Hezekiah nynh Manasseh a saah, te Manasseh nynh Amon a saah, te Amon nynh Josiah a saah. 11Te Josiah nynh Jekoniah te a uno`ae kha a saah. Tuh ccyh loukaw khe nynh Jew`ae kha Babilon lang a cciakhae`ae. 12Te minmin kha Babilon lang a cciakhae`ae koute Jekoniah nynh Shealtiel a saah, Shealtiel nynh Zerubbabel a saah. 13Te Zerubbabel nynh Abiud a saah, te Abiud nynh Eliakim a saah, te Eliakim nynh Azor a saah. 14Te Azor nynh Zadok a saah, te Zadok nynh Akhim a saah, te Akhim nynh Eliud a saah. 15Te Eliud nynh Eliazar a saah, te Eliazar nynh Matthan a saah, te Matthan nynh Jakob a saah. 16Te Jakob nynh Meri a vawpaw Josef a saah, tuh-e nung kyate nynh Kri acikuh paw Jesu tuh a pui. 17Tukeiccu Abraham kyate David kyacia she balyn tuh she haw laepali, te David kyate Babilon lang see lang cciakhaenaw kyacia she haw laepali, te Babilon lang see lang cciakhaenaw kyate Kri kyacia she haw laepali acih. 18Atu Jesu Kri puinaw tuh hynhte nynh athua: A nung Meri tuh Josef zu lang hawpah`ae zah minmin pynkheihlan a umkheih`ae maw khe, aning tuh Thyaa Muisaw ccaaw a poi. 19Te a vawpaw Josef tuh adingpaw ccungccaw athua thyhhawte kha-e nung kha zapi malang maethyasah lan ry khyh zah amaw kha aphi te zya mya lan a tuaku. 20Thuasalama hynh-e uccaw`ae kong a tua lyakhe, dotua, a maan kya Bawipaw vaaw ccungccapaw nynh a kya yn langkuh zah, “David ccapaw Josef, na zu Meri kha namaw kalan hoeiku lanpaw rih nan, pawccecize a kya a poi paw ccaaw kha Thyaa Muisaw kya-e nynh thua. 21Te aning nynh Ccapaw lukheit yn saah cih zah Jesu cite a min na phu cih, pawccecize aning nynh a ccungccaw`ae kha mih seinaw`ae kyate a khum cih`ae,” a cipya. 22Bawipaw nynh profeh kyate a hopaw accing nawlan nynh atu hynh-e balyn tuh acyikuh. Tuh-e a hopaw tuh: 23“Dotua, liaccady nynh ccaaw a poi cih zah Ccapaw a saah cih, te minmin nynh a min kha Immanuel cite a phu cih`ae,” tuh-e asuilan tuh, “Pachia kaening ryte a um,” cipaw nynh thua a ci. 24Oute Josef tuh inaw kyate tho zah Bawipaw kya-e vaaw ccungccapaw nynh a hopya hawte cyih zah a kalan a zu kha a hoeiku. 25Te a ccatawccaaw phe a pui cia kha-e nung kha ikhae khyh, te Josef nynh a min kha Jesu cite a phu.


Copyrighted Material
Learn More

will be added

X\