ROM 16

1Ániin úne Febe aa arok bija ti bakate ku Saŋkire kéeyilene ku bibin t'aruun memee. Iwaso tu sumoŋuuun. 2Arijoko áwariee tu huruwu hite Anahaan u naane bakan kite Atambatun kaware i káhinoor. Abe n'áriyokunano t'esawula yánoyan fe y'ayino kabaju t'aruun, ábuki áyokunanayokunan bakan keehooje, bija yooŋ íñje fe. 3Arisaafam Pirisil n'Akilas keeemo ku burok uni bifeeneŋ ti Yesu Kiris. 4Kajaja ayak abin áami iŋi káheelin eket i kaanuku keeramam. Íñj'endu ti kaaniiin eyeehen, abe íñjeiit unoonam: keenooto ku Esuwif kareyi fe kéeyilene ku bokondu ti kaaniiin yooŋ eyeehen. 5Arisaafam yooŋ kéeyilene ku kiŋki kakuukanooro t'enuuf yeeniin. Arisaafam yooŋ áwiyam Epayenet, eeemo u átiyar u ti káyilen ku ti Kiris t'ésuk ite Asi. 6Arisaafam Mari éelaame aa tu burok bu bija t'aruun. 7Arisaafam ebukaam Andironikus nu Suniyas k'iribine ku irikulee t'afeeneŋ. Kajamajamo faa tu hupotoraate hooniin, abe boko kajabe kayoosaam hikarjenaate hu. 8Arisaafam áwiyam Ampiliyatus i írihine u t'afeeneŋ t'Anahaan u. 9Arisaafam Urbeŋ, eeemo u burok uni bifeeneŋ ti Kiris, n'áwiyam yooŋ Sitakis i ímaŋie-maŋie u. 10Arisaafam Apeles éewufoore u akuur but kaanuku áyilenayilen ti Kiris. Arisaafam yooŋ bakate ku t'Aristobul. 11Arisaafam abukaam Erojoŋ. Arisaafam bakate ku ti Naasiis kéeyilene ku t'Anahaan u. 12Arisaafam Tirifen ni Tírifoos kiŋki karok bija t'Anahaan u, n'ániinam Persid yooŋ i ímaŋie-maŋie u, éelaame aa tu burok bu bija t'Anahaan u. 13Arisaafam Rufus aa arok áwari aa bija t'Anahaan u, n'íñaayo yooŋ eejokam u naane añio. 14Arisaafam Aseŋkirit, ni Filegoŋ, n'Ermes, ni Paturobas, n'Ermas, ni kéeyilene ku fe keeemo ku nu boko. 15Arisaafam yooŋ Filolog, nu Súli, ni Neeree, n'ániino, n'Olempas, ni bakan kite Atambatun fe keeemo ku nu boko. 16Arisaafoor ti káfoonoor kite baatiaay. Kéeyilene ku fe ti Kiris kasaafuun. 17Kújakuwe, íñj'endu ti káwasiyanuun bonde: áriwasiyoor kiŋki kayeeñooran kéeyilene ku. Iŋi kahiilaniin ni báhamin booniin bondu bite biteñeko bu buroon b'ariliikenee bu. Arikambiin, 18ábuki bakan naane bokondu károkaariit bija ti Kiris Anahaan ite úne; iŋi karok bija ti kariin! Nu ñutum ñooniin ñeetoofe ñaa, ni báhamin booniin yooŋ bite kásoŋotiyan ku n'ifi kabuut kéeniyeit ku. 19Aruun bare, ésuk i fe émoomi kaanuku árijeŋginajeŋgin Anahaan u. Hikawam hutoofa dómbokun uŋu hoonuun hu. Bare ímaŋamaŋi áriwesinato aŋ'aribin árihin meejake mu, abe atum'arikol ni meejakut mu. 20Atambatun aa awun káasuumaay ku karebejaroor memee Setani tu wuwotuun. Anahaan ite úne Yesu aja ásoniyanuun! 21Timote ii irirok, n'ebukaam Lusiyus, ni Saason, nu Sosipater kasaafuun. 22Isaafuun yooŋ tu huruwu hite Anahaan u, íñje Térsiyus i Pool asaane u iikiñjo eleetar yende. 23Gáyiyus asaafuun. Te o t'iwanane fu íñje Pool, abe te o yooŋ ti kéeyilene ku fe t'ifi kakuukanooro. Erasit aa anaŋ sírirem site hikinu, n'ati úne Kartus kasaafuun. 25Úsokoroor Atambatun! Áyinooni káhinu káyilen koonuun keeyan naane busokee i ti Hirim Heetoofe hu hih'iwaare, heesoke hu bite bu Yesu Kiris. Hirim hondu húwufoorawufoor b'Atambatun ánuusaanie bu huta hu kóŋkeyin, 26bare hahiye wuwiit w'eyiŋana yite Atambatun kakiñje wu wúnuutanno ho t'ébaani i. Bondu bibajabaj naane t'Atambatun eeemo u buroŋ hiraanu afiye du asok. Siheet site t'etaam i fe sijama hirim hondu kaanuku man ni síyilen, abe ni síjeŋgin Atambatun. 27Atambatun eeemo u húwesina unoono aja ákini hiraanu kániku ku iŋi bi Yesu Kiris áhine bu! Amiin.

will be added

X\