KAFEEÑAL KU 11

1Ake n'asaanam yariyoon ite kaliiku, yeeje kanokoor nu hunuk abe n'aanam: ---A̱ja a̱liik Enuuf ite Atambatun, n'ataabul ite wusarah wu, abe n'a̱fin kiŋki kásukaay toko Atambatun. 2Bare a̱was haanas hite hu tíyaŋ, atum'a̱liik ho, ábuki hisaaneesaan kéeyilenut ku. Boko bibin, abe n'iŋi kakakaroor hikinu heenabe hu kiim bakan bákasuba nu kúsuba. 3Íñje káboñina eseede íima bákasuba ku; boko bisiimo kisaaku, abe ni kayiŋan tu huruwu hite Atambatun kunak kondu keemo éñjune, ni síteemeer súsuba, ni bakan bákahaaji. 4Eseede yendu kasiiŋasiiŋo hágila Atemit ite etaam i. Boko kaamo fu ñúolifiye ñúsuba ñu, ni báanaŋum bite múrundoora músuba mu. 5An af'ámaŋiiin káhinu beejakut, sineemak kánuutina tu ñutumiin séesuf enatoora yeeniin. Iyu i an éemaŋiiin káhinu beejakut aware fu kayooliee. 6Kabajabaj sembe site kafeŋku bufor bu kaanuku etiir i etum'enub kiim kondu fe, boko ti kayiŋan ku báhamin bite Atambatun. Kabajabaj sembe site kahosan móhujo mu méeyemi halan, kabajabaj yooŋ sembe site káfiiten t'etaam i wútaañi wánowan kóyin keetoofiin ku. 7Ifi kátiban kaseede ku, éndakakureŋ kánuutina ti kaayeen kéesulie-sulie ku yéelohumiin. Yo bikaleiin, abe n'eŋ'eyooliin. 8Suhunuŋ sooniin káyemi t'efiñjan ite hikinu hómbokun hu t'Anahaan u abine du atibee t'ekuruwa i. Iŋi kalokolool hikinu hondu kaane ho Sodom man yooŋ Esipt. 9Bakan kánokan, ni bakate búsuk bánoban, ni bakate kíhaminiin kánokan, ni biheet bánoban káheelin tu suhunuŋ sooniin areeŋ kunak kíhaaji n'egenawala, abe iti kawas an eehok so. 10Bakate ku t'etaam i kasaŋgoor naane iŋ'ite eket ite bákasuba kondu. Boko katoofan, abe n'iŋi kawunoor buroon aŋarkeyi naane eyiŋana yite Atambatun bákasuba kondu kéelaamaniin ku iŋkut káyemi. 11Bare h'aamo hu kunak kíhaaji kondu n'egenawala i kihabanaa, búwejet bite buroŋ béenuutina t'Atambatun nu buyooso tu boko, abe ni karito kasiiŋo. Keejukiin ku fe ni kákoleyi dómbokun. 12Eyiŋana yite Atambatun bákasuba ku ni kajam kaaji kómbokun kéehaminna t'etiir bufor bu keeniin: «Árisirein beebe!» Ni kasiro ti kaafor keeja t'etiir bufor bu, enatoora yeeniin iŋi káheelin tu boko. 13Toko-toko yooŋ, náami etaam i eyoŋoŋanooraa ni sembe. Efej efeeneŋ ti seemo sumoŋu site hikinu hu n'ewelejo, abe bakan kaamo súñjune hutok nu súsuba ni kaket tu buyoŋoŋanooro bondu bite etaam i. Bakaaku keeroŋe ku ni kákoleyi dómbokun, abe ni kaane Atambatun eeemo u t'etiir bufor bu ahahahah. 14Kátaañi kúsooboriyan ku kihabanaa. Bare kíhaajiyan ku káreeŋina memee. 15Amalaka atoken u ni bákasuba n'asok ti káabiinu koone. Wuji wómbokun nu wúhamin t'etiir bufor bu weene: «Jáyi jite etaam i jinaŋee hahiye tu sumoŋu Atemit ite úne ni Kiris a ajifane u, abe híyiaate hondu hite hiraanu!» 16Bíhaaniin bu butuman ni bakabaakiir ku keeriikee ku ti siriikeey sooniin site híyiaate hu hágila Atambatun ni kaya kúyuutiin t'etaam, abe ni kasokorooro 17ti kaanu: «Uni bokondu ti kaanii eyeehen Atemit, Atambatun eehaŋe u ebaja sembe, awe eeemo u, awe yooŋ éeyemie u. Ábuki á̱hinahin ni sembe súuwe sómbokun su a̱asiiŋan Jáyi júuwe. 18Baabu biheet biyiŋatayiŋat yéeni t'awe, bare kayiŋat kúuwe kifina kireeŋ, abe kajoonan kite keekete ku kireeŋa. Kasiiban kite eroka íiwe eyiŋana i kireeŋa, ni kite bakan k'á̱kinie ku fe abe ni kájeŋgini, káyemi sifaaf man yooŋ biñi. Kábuju kite kiŋki kábuj etaam i kireeŋa!» 19Kahaban, enuuf ite Atambatun yeeemo i t'etiir bufor bu n'éfeŋgino, abe ekees yéewufoore i kaajamoor k'Atambatun áhine ku ni bakan koone n'ejukee t'enuuf yeene. Etiir i n'esib, n'awen toko, biranda bu nu busok, etaam i n'eyoŋoŋanooro, egalas yooŋ n'énubin.

will be added

X\