2 SAAŊ 1

1Íñje faaf u íkiñjinuun fee awe Anaare u a Atambatun ajifane u, ni bakañii. Ítumbatumba ímaŋiuun. Íñjeiit unoonam ímaŋiuun fu, bare ni kéemeyie ku fe múniyo mu. 2Írimaŋiuunmaŋi ábuki múniyo mu mondu t'úne, abe mo káyemi t'úne hiraanu. 3Atambatun Faaf u, ni Yesu Kiris Añi ite Faaf u kaja kásoniyan úne, ni kayubiyen úne, abe ni kawun úne káasuumaay, úne keekine ku tu múniyo mu abe n'úmaŋioori. 4Hikawam hutoofatoof dómbokun h'ijuke hu kaanuku bakaake ti bakañii kakinakin tu múniyo mu naane t'eluwa yi Faaf u asaane i úne esoke du. 5Abe hahiyu, bonde b'ilaw fu n'awe, awe Anaare u: úmaŋioori. Éluwaiit éyeni y'ikiñji fee. Eluwa yende úsaaneesaan yo huta hu ti kájabina ku. 6Kámaŋi aamo fu kájeŋgin buluwa bite Atambatun. Abe eluwa y'arijame i huta hu ti kájabina ku yeemo fu árimaŋioori. 7Ejuusa keehooje bokondu t'etaam i. Kaane nu múniyoiit, Yesu Kiris abinut áyemi húŋgowulan. Bakan naane bokondu ejuusa, enatoora yite Kiris. 8Náami arinaŋ toko kikawuun, doon d'ariroke du itim dibin dútowutouun, man n'arisiibanee afamee. 9An fe eejokut ti bi Kiris aliikene bu úne, abe n'aŋ'atofanan bo, an ondu anooto n'Atambatun. An eejoke ti bi Yesu Kiris aliikene bu úne, an ondu ondu ni Faaf u, ondu yooŋ n'Añi u. 10An af'abin t'aruun abe n'aliikenuun beewayee nu bonde, atum'ariwanano t'enuuf t'aruun, atum'áritumb yooŋ arisaafo. 11Ábuki an eesaafo u, ariboora ne o tu buroon beejakut bu bamb'áhin. 12Ibajabaj beehooje bite kasokuuun, bare ijukerajuker n'eene it'ikiñj bo ti kaawiit. Ímaŋamaŋi bibin t'aruun iinoŋk íihamin n'aruun, man katoofu kite k'úne ni kireeŋ. 13Biñi bite Atii a Atambatun ajifane u kasaafi.

will be added

X\