1 KORENT 8

1Hahiyu útif ti bite efuwa yeesarahee i ti ñájiim ñu. T'eleetar yeenuun arienaan arireyi fe árimoomi doon tu bondu. Nu múniyo, bare kámeyi af'ákinineŋ an n'ayitooro; kámaŋi n'afin ákinineŋ kéeyilene ku ni kahaŋ kayanu ti káyilen ku. 2An af'ayinoor n'aane ámoomi doon, ámeyioorut naane an aware i kámeyi. 3Bare an éemaŋie u Atambatun, Atambatun ámoomio. 4Náami úyinooni fíya kateŋu efuwa yeesarahee ti ñájiim ñu? Úmoomi kaanuku: «Bájiim dóoniit fe t'etaam ye», abe: «Atambatun afeeneŋ taŋ abaje fu.» 5Múniyo abajeebaj t'etiir bufor bu ni t'etaam ye buroon úkaan b'ésuk i kajoke naane etambatun. 6T'úne bare Atambatun afeeneŋ taŋ abaje fu: o aamo fu Faaf u éewuwane u doon areyi fe, abe bija te o h'úemo fee buroŋ. Anahaan yooŋ afeeneŋ taŋ abaje fu: o aamo fu Yesu Kiris, éekinineŋe u doon fe nu dúwuwin, abe n'ákinineŋ yooŋ n'úroŋ. 7Bare ésuk íiit ereyi émeyie fu múniyo mondu. Bakaake kéeyilene ku kahaŋahaŋ kafunu ñájiim ñu kasooñen náami ifi kateŋ efuwa yeesarahee te ño, n'iŋi kaane esaraheesarah etambatun bakate nu múniyo. Káyilen kooniin kiyanut, abe ifi kateŋ yo, iŋi kayinoor ni kaane káhina doon deekuurut t'Atambatun. 8Dóoniit bare dite káhinu ti har dija fu kákinineŋ n'úloh Atambatun: uf'úteŋ efuwa yendu, iti híkasinan úne te o doon, ufut'úteŋ yooŋ, utu húwutiyen úne te o doon. 9Naane aamo i áriyinooni kateŋu doon deetoofuun fe, áriwasiyoor bare ti naane aa árihin, atum'aribin arineyan ti kaahoofoor keeemo ku káyilen kooniin kiyanut. 10An eebajut káyilen keeyane af'ajuki ti kateŋu efuwa yeesarahee ti bájiim, awe éemeyie u kaanuku á̱yinooni káhinu iyu, bondu fíya man bitiŋgo akina yooŋ eeteŋ efuwa yeesarahee ti bájiim? 11Iyu i kámeyi k'a̱ane ku awe á̱meyie n'iŋi kíkinineŋ an ondu eebajut u káyilen keeyane n'átowuto, abe bare Kiris aketaket uŋu hoone hu! 12Af'arihoofoor naane iyu ti bakanuun kéeyilene ku, abe n'áribuj káyilen kooniin keeyanut ku, ti Kiris humuumo t'arihoofoore fii. 13Iŋ'ite ho aamo fu efuwa y'iteŋe ef'ékinineŋ an éeyilene n'aney ti kaahoofoor, iroŋut hikee-kee kateŋu efuwa, kaanuku man itim'ibin ineyano ti kaahoofoor.

will be added

X\