1 KORENT 13

1If'iŋ'íhamin kíhaminiin kite kúŋgowulan ku, ni kite emalaka i, abe bare kámaŋi an kunooto t'eholam, anokooreenokoor kite íñje éyifu yeeemo ti kafiiŋan, man yooŋ ejiliŋ. 2If'iŋ'iyiŋan báhamin bite Atambatun, n'ínandin béenuusee bu, n'ímeyi doon areyi fe, n'ibaj káyilen keefame k'íyinie katofan ne ko kirij, abe bare kámaŋi an kunooto t'eholam, inooto doon tus. 3If'iŋ'ísik ebaj íima fe íruboor keebajut ku, abe n'ísik yooŋ eniam isaan yéesufee, abe bare kámaŋi an kunooto t'eholam, bondu iti bíñjeriŋam. 4An af'ámaŋi an, an ondu ámuña, ajakajak dómbokun, áhiñanaariit, ámakaariit, áyitooraariit; 5áhinaariit doon déefuñinanie, áyinooraariit uŋu hoone hu barebare, áyiŋataariit, ájokaariit an t'eholo. 6An af'ámaŋi an, hikawo hútoofaariit ti meejakut mu, bare uŋu hutoof tu múniyo mu. 7Kámaŋi an aŋ'áhin an u n'ámuñ tu doon areyi fe, n'áyilen abe n'ayakar ko kireyi fe, abe n'ájokumooro tu doon areyi fe. 8Kámaŋi áhabanaariit hikee. Kayiŋan ku tu huruwu hite Atambatun bibin kawasu, káhamin ku ti kíhaminiin kuway bibin yooŋ kawasu, káwufoor kite ésuk i kámeyi kite buroon bite Atambatun bibin karaan yooŋ. 9Múniyo hahiye úmeyiit buroon bireyi, abe báhamin bite Atambatun bíreyiiit b'úyiŋane fu. 10Bare béelile bu ifi bibin, béelilut bu n'uŋu bútowuto. 11Íñje añi u, iŋ'íhamin naane añi, n'iyinoor naane añi, n'ínandin yooŋ naane añi. Bare h'ibine hu íhin faaf, iwasawas buroon bite hiñiaate hu. 12Hahiye uŋ'újuk Atambatun naane ti kaajukooreey keejaaŋut, bare bibin birko, úne kajukio féet. Hahiye ímeyiit Atambatun ihaban, bare bibin birko, íñje kámeyio ihaban, naane akina humuumo ámeyiam i. 13Náami muroon míhaaji monde mibaa káyemi: káyilen ku, n'eyakar i, ni kámaŋi ku. Bare doon deehaŋe du tu muroon mondu deemo fu kámaŋi ku.

will be added

X\