Apocalipsis 22

1Aj pu'i tinaataseijrate aɨjna ɨ jatya'ana tɨ jetzen airaanye a'u tɨ a'utejvee ɨ ɨpuari tɨ jetzen acajca ɨ Dioj, ajta aɨjna ɨ Canya'a. Ajta aɨjna ɨ jaj tɨ mɨ'ɨye, tyamua'a pu naa tyu'umua'atɨ́. Naa pu ajta ti'itatza tɨj ɨ cristal. Ai pu aɨn pueen ɨ jaj ɨ tɨ cai a'anaj atyaxɨ'ɨsin. 2E'ita'a pu mɨ'ɨye ɨ caaye jetze tɨ aun a'atanínye'ij ɨ chajta'ana jetze. Ajta, cɨye atavaatɨma'acaa a'utɨ avastɨmee ɨ jaj, seica ayun pujme'en, ajta seica u jetze pujme'en. Ai pu aɨn pueen aɨjna ɨ cɨye ɨ maj cɨn ruuri mua'ara'ani. Tamuaamuata'a japuan hua'apua pu ara'ase ɨ tɨ cɨn taajcaj tɨj na'a seij maxcɨra'i jetze pɨti'irɨjcaa, aj pu'i ajta seica cɨn taca'an aɨjna ɨ cɨye. Ajta ɨ xamue'ira'an, ayaa pu ti'ivaɨre'e mej mi maɨjna cɨn huaujrujte'en aɨme ɨ mej seij chuejra'a japua e'ema'acan. 3Capu che'e aun seira'a a'ame ɨ ti'itɨ tɨ Dioj ayan tiraaxa'apɨ'ɨntare tɨ ayan pueijtzi tiraata'an silu au mu a'ujtya'a mua'aju'un ɨ Dioj jamuan, majta aɨme ɨ maj maun huachaatɨme maujna chajta'ana jamuan aɨjna ɨ Canya'a. Aɨ mu tyu'utaijta, majta aɨme ɨ mej ti'ivaɨre'e, aɨ mu rana'amicha'a mua'aju'un. 4Aɨ mu jemin seira'a mua'aju'un, ajta aj pu a'aseiira'a a'ame aj hua'acuaatze'e a'ij tɨ antyahuaa aɨjna. 5Capu che'e a'anaj huatyatɨca'ari aujna. Capu che'e ruxe'eva'a a'ame mej meyan tatzari cɨn huatyaujtatzavi'i na'ari ayan tɨ hua'utyatatzavi'in ɨ xɨcaj, a'ini aɨ pu tavastara'a tɨ ajta Dioj pueen, aɨ pu hua'atatzavi'ira a'ame. Majta aɨme, aɨ mu tie'ijta mua'aju'un tɨj na'a rusen cɨme'e. 6Aj pu'i ayan tinaata'ixaa tɨcɨn: ―Ayaa pu hui ti'ayajna a'ij nyej ti'imue'ixaate'e a'ini tzaahuati'ira'a nu cɨn ti'ixa. Ajta aɨn tavastara'a, aɨjna tɨ u ya'utaityaca'a ɨ ruxaijnyu'uca tɨ'ij hua'a jemi huatyaturan aɨme ɨ mej Dioj jetze ma'acan ti'ixaxa'ata'a, aɨ pu ari naataityaca'a i nyaj tajapua ti'ivaɨre'e nyej ni tihua'utaseijrate'en aɨme ɨ mej ravaɨre'e ɨ Dioj a'ij tɨ tyu'ujxe'eve'e tɨ ca'anacan ayan tyaja'ure'enyen. 7―Ma'acui xaa, nyaa nu hui mu a'uva'ama'a na'ame. Rɨ'ɨ pu tirata'aca aɨjna tɨ ayan aráurasten a'ij tɨ te'eyu'usi'i aijna i yu'uxari jetze. 8Nyajta inyaa, i nyaj i'i Juan, nyaa nu nyaɨn pueen nyaj raanamuajri'i, nyajta nyaj raaseij a'ij tɨ te'eyu'usi'i aijna jetze i yu'uxari. Cɨme'en nu'u neyan tiraanamuajri'i, nyajta tyu'useij, aj nu ni neyan a'icantutzi a'u tɨ a'araɨɨcajme aɨjna ɨ tɨ tajapua ti'ivaɨre'e, tɨ ajta tinaataseijrate nyej ni raatyanajche. Aj nu ni raatyánaacheche'e nicu. 9Ajta aɨn, ayaa pu tinaata'ixaa tɨcɨn: ―Capaj hui peyan nyaruura'a muaa, a'ini ayaa nu che'eta nyana'a ti'ivaɨre'e ɨ Dioj jemi patɨj muaa, ajta matɨj majta aɨme ɨ a'ihuaamua'a ɨ mej Dioj jetze ma'acan ti'ixaxa'ata'a, majta matɨj mana'a pua'amua arauraste a'ij tɨ te'eyu'usi'i eijna jetze ɨ yu'uxari. Pata'aj paɨjna papu'u huatyaanajche ɨ Dioj. 10Aj pu'i ayan tinaata'ixaa tɨcɨn: ―Capaj hui ra'avaata ɨ nyuucari tɨ eijna jetze a'ayu'usi'i i yu'uxari, tɨ ajta Dioj jetze ma'acan ti'ixa, a'ini pu'uri tɨn ajna tyaja'ure'enyejsin ajna xɨcajra'an jetze tɨ'ɨj naijmi'i te'entipua'ari. 11Ajta ɨ tɨ hui a'ij pua'a ti'ityujcha'ɨ, che'e auj ayan a'ij pua'a ti'ityujcha'ɨ. Ajta ɨ tɨ xana'avi'ire'e, che'e auj xana'avisi'i seijra'a. Ajta ɨ tɨ urare'enya'acan cɨn seijre'e ɨ Dioj jemi, che'e auj ayan rɨ'ɨ ti'iseijra'a a'ara'ani. 12―Ma'acui xaa, nyaa nu hui ca'anacan mu a'uve'ema'a na'ame nyej ni hua'uta'an a'ij tɨ tiraamue'itɨn, nyej ni neyan tihua'uta'an matɨj mana'a pua'amua ɨ mej tiraamue'itɨ, saɨj ajta saɨj, a'ij tɨ tiraavijte'e. 13Nyaa nu nyaɨn pueen i ta'anajca, nyajta i nyaj tu'uve'etyajtɨ, nyajta nyaɨn pueen i nyaj jajcua ɨmɨ huataseijre, nyajta nyaɨn pueen i nyej yan seira'a na'ame tɨj na'a rusen cɨme'e. Nyaa nu nyajta nyaɨn pueen i nyej nyejmi'i huataseijre tɨ'ɨj cai xɨ ti'itɨ me'eseijra'acaa, nyajta nu nyaɨn pueen i nyaj nain ancura'asin tɨ'ɨj te'entipua'ari tɨj na'a tɨ ijii ti'iseijre'e. 14Rɨ'ɨ pu tihua'uta'aca aɨme ɨ maj ti'ija'usica ɨ rucɨɨxu tɨ'ij ayan tihua'ucɨ'ɨti maj maɨjna jetze raacua'ani ɨ cɨye ɨ maj cɨn ruuri huatyaturan, mej mi majta maun a'utyarute maujna chajta'a maɨjna jetze a'u tɨ a'apueerta. 15Ajta a pua'aque, au mu a'utyáuu mua'aju'un aɨme ɨ maj a'ij pua'a titetyújcha'ɨ, majta aɨme ɨ mej ti'ichyahuaara, majta aɨme ɨ maj ruxana'acɨre'e. Aɨ mu majta a pua'aque a'utyáuu mua'aju'un aɨme ɨ mej ti'ityacui'ica, majta ɨ maj rana'amiche ɨ tɨ cai Dioj pueen, majta matɨj mana'a pua'amua ɨ tɨ ayan tihua'araanajchi tɨ hue'itzi pueen, majta ɨ maj ti'ihue'itaca. 16―Inyaa, i nyaj Jesús pueen, nyaa nu u ya'utaityaca'a muejmi jemi nyaɨjna tɨ nyavaɨre'e tɨ'ij aɨn tya'anxájta hua'a jemi aɨme ɨ maj maun e'etyujsa'ɨri mej mi raatyaanajche ɨ Dioj. Nyaa nu nyaɨjna jetze huanyej ɨ David tyaacan. Nyaa nu huaacɨxa'ara'an pueen aɨjna ɨ David. 17Ajta aɨn xaijnyu'ucara'ara'an ɨ Dioj, ajta aɨn tɨ auchan huateeviche, ayaa mu ti'ixa tɨcɨn: ―Che'e mu a'uve'eme'en. Ajta ɨ tɨ ranamua, che'e ajta aɨn ayan tyu'utaxaj yee: ―Che'e aɨn mu a'uve'eme'en. Ajta ɨ tɨ jetzen á'ujca'anye tɨ ayan tira'ara'astijre'en, che'e a'atɨ tɨ na'a ayan mu a'uve'eme'en, che'e ajta huaapua'a ra'ancura'an ɨ jaj tɨ cɨn ruuri huatyaturan. 18Ayaa nu neyan tihue'ijcate'e a'atɨ tɨ na'a tɨ ranamua a'ij tɨ te'eyu'usi'i aijna i yu'uxari jetze tɨ Dioj jetze ma'acan ti'ixa, tɨ pua'a a'atɨ ayan saɨque tyu'utaxaj, Dioj pu pueijtzi raata'asin a'ij tɨ te'eyu'usi'i aijna jetze i yu'uxari. 19Ajta tɨ pua'a a'atɨ ra'urauuna ɨ ti'itɨ tɨ aijna jetze te'eyu'usi'i tɨ Dioj jetze ma'acan ti'ixa, Dioj pu ajta rá'ari'ira aɨjna tɨ'ij cai che'e raacɨ'ɨti tɨ aɨn aɨjna jetze raacua'ani aɨjna ɨ cɨye tɨ cɨn ruuri a'ara'ani. Capu ajta che'e ayan ti'ijcɨ'ɨti tɨ aɨn aun a'utyarute ɨ chajta'ana jetze a'u tɨ Dioj hautaura'ate. Ayej te'eyu'usi'i aijna i yu'uxari jetze. 20Nyajta inyaa, i nyaj tya'anxájta nyaɨjna cɨme'e, ayaa nu ti'ixa nyeijna cɨme'e tɨ ayan ti'ayajna nyaj ca'anacan mu a'uve'ema'a na'ame. Che'e ayan tyaja'ure'enyen, pata'aj ya uvé'enyen, tavastara'a, mɨ paj Jesús pueen. 21Che'e aɨn tavastara'a tɨ ajta Jesús pueen,

will be added

X\