Hebreos 5

1Ayaa pu een aɨjna cɨme'en a'atɨ tɨ na'a tɨ ayan va'acan cɨn ti'ivaɨre'e ɨ Dioj jemi. Anacai mu meyan ra'ava'ahuausin hua'a tzajta'a ɨ tyaɨte. Matɨ'ɨj mi meyan tí'iraijcate'en tɨ ij aɨn hua'a japua huanyuuni ɨ Dioj jemi. Aɨ pu ajta tyu'utamuaɨ'ɨvajta aɨjna ɨ maj raatapueijve'esin ɨ Dioj, ajta aɨjna ɨ ya'amuaate ɨ maj hua'utamuaɨ'ɨvajta maɨjna cɨme'e ɨ maj cɨn autyajturaa ɨ Dioj jemi. 2A'ini aɨjna ɨ a'atɨ ajta ramua'aree tɨ cai rusaɨj te'eviicue'i, aɨ pu ajta raayɨ'ɨtɨ tɨ hua'ancu'uvajxɨ'ɨn aɨme ɨ maj cai a'ij tiru'umua'aree, ajta aɨme ɨ maj ti'itɨj cɨn atya'ɨtza'ara ɨ Dioj jemi. 3Aɨj pu cɨn ruxe'eve'e tɨ aɨn anacaiican ayan tyu'utamuaɨ'ɨvajta aɨjna cɨme'e tɨ aɨn rusaɨj ti'itɨ cɨn autyajturaa ɨ Dioj jemi. Ajta je'iyan, ayaa pu ruxe'eve'e tɨ ayan che'eta na'a huarɨni hua'a cɨme'en ɨ tyaɨte ɨ maj meyan che'eta mana'a ti'itɨ cɨn titya'utyajturaa ɨ Dioj jemi. 4Ajta, capu a'atɨ ayan rusaɨj te'entyaruti aɨjna cɨme'e tɨ ayan tyu'utyavaɨre'en ɨ Dioj jemi, silu tɨ pua'a Dioj ayan aɨjna cɨn tiraijcate'en a'ij tɨ ayan tiraijca aɨjna ɨ Aarón tyaacan. 5Aɨj pu cɨn, capu ayan rusaɨj huataujtuaa aɨjna ɨ Jesús tɨ ayan va'acan cɨn te'entyarute tɨ ij ayan tyu'utyavaɨre'en ɨ Dioj jemi. Capu xaa nya'u, silu Dioj pu ayan tiraata'ixaa tɨcɨn: Muaa paj niyauj pɨrɨcɨ. Ijii nu neyan muaatéya'upuataca'a. 6Ajta pua'amuaque pu ayan ti'ixa tɨcɨn: Muaa paj peyan paɨjna cɨn ti'ivaɨre'e ɨ Dioj jemi tɨj ajta va'acan cɨn ti'ivaɨre'e aɨjna ɨ Melquisedequi tɨj na'a rusen cɨme'e. 7Tɨ'ɨj auj yan seijra'acaa iiyan chaanaca japua, Jesús pu ayan huatyenyuu, ajta raatyahuau aɨjna jemi tɨ raayɨ'ɨtɨhua'a tɨ ru'irajtuaani. Eihua pu ayan huaujyeinyaca'a aɨjna jemi tɨ'ij aɨn cai raata'acare'en tɨ huamɨ'ɨni. Ajta aɨn Dioj ayan raanamuajri'i aɨjna cɨme'e tɨ ayan huataura'a tɨ ayan aráurasten a'ij tɨ ti'ijxe'eva'acaa ɨ Dioj. 8Ayaa pu i yaujra'an pueenya'a, auche'e pu ayan rɨ'ɨ raaruu tɨ ayan ra'ara'astijre'en aɨjna cɨme'e ɨ tɨ cɨn rajpueijtzica'a. 9Ajta, tɨ'ɨj Dioj ayan raanaijmi'ire, Jesús pu aɨjna cɨn te'entyajrupi aɨjna cɨme'e tɨ aɨn ayan hue'irajtuaani tɨj na'a rusen cɨme'e naijmi'ica aɨme ɨ mej ra'astijre'e. 10Ajta Dioj ayan aɨjna cɨn tiraijca tɨ ij ayan che'eta na'a va'acan cɨn tyu'utyavaɨre'en ɨ Dioj jemi tɨj ajta tyu'utyavaɨ aɨjna ɨ Melquisedequi. 11Eihua tu tyaja'amue'ixaatya'acu tyaɨjna cɨme'e. Ma ajta, eecan pu muare'eri tej teyan tyamua'a naa tyajamuaata'ixaate'en a'ini caxu ca'anacan yau'eitaa xa'aju'un. 12Ee xaa nya'u, ijii tej teyan tyaja'amue'ixaate'e, ayaa pu tiraavijtya'acache'en sej seyan rujɨɨmua'a sana'a tihua'umua'aten ɨ seica. Ma ajta cai caxu, silu ayaa pu ruxe'eve'e tɨ a'atɨ ayan ajtahua'a tyajamuáamua'aten ɨ maj cɨn autyajhuiica mej tihua'amua'aten maɨjna cɨme'e ɨ nyuucari tɨ Dioj jetze a'uve'eye'i. Ayaa xu e'en matɨj aɨme ɨ tɨ'ɨrii maj rumua'atɨ leechi ya'aca, maj cai xɨ yá'ujapɨ'ɨre'e ɨ cue'ira. 13A'atɨ tɨ na'a tɨ ayan een tɨj pa'arɨ'ɨ tɨ leechi cɨn ruuri, capu xɨ yau'eite aɨjna ɨ nyuucari ɨ maj cɨn tihua'umua'aten a'ij tɨ ye'i saɨj rɨ'ɨ ti'ityujcha'ɨ ɨ Dioj jemi. 14Ma ajta, aɨjna ɨ nyuucari tɨ ayan ti'ivaɨre'e tɨj ɨ cue'ira ɨ maj racua'aca ɨ maj vaujsi, ayaa pu tihua'acɨ'ɨti mej mi maɨjna cɨn tihua'amua'aten aɨme ɨ maj meri vaujsi, ɨ maj majta meri raayɨ'ɨtɨ tɨ ayan tihua'amityejtya'a tɨ pua'a ti'itɨ ayan ti'ixa'apɨ'ɨn nusu cai. Ayaa pu een cɨn meyan raayɨ'ɨtɨ maɨjna cɨme'e mej meyan rɨ'ɨ ti'ityujcha'ɨ ɨ Dioj jemi.

will be added

X\