Hebreos 10

1Ajta aɨn ɨ nyuucari ɨ maj cɨn ti'ijta, ayaa pu'u na'a een tɨj queenima'ara'an tɨj na'a tɨ i'ixa'apɨ'ɨn tɨ ayan tyaja'ure'enyejsin. Capu aɨn pueen aɨjna tɨ tzaahuati'ira'a cɨn seijre'e ɨ Dioj jemi. Ajta, a'ini ayaa pu ruxe'eve'e mej meyan che'eta mana'a tyu'utamuaɨ'ɨvajta tɨj na'a sei ninye'ira'a cɨme'e, aɨj pu cɨn capu a'atzu a'ij ti'irɨ'ɨri tɨ aɨn nyuucari ayan hua'unaijmi'ire'en aɨme ɨ mej jemin ajtyaxɨɨri ɨ Dioj jemi. 2Na'ari cai, tɨ pua'a pɨ na'a, ¿ni qui macai raatapua'ajtanche'e mej meyan tyu'utamuaɨ'ɨvajta? Jee xaa nya'u, a'ini tɨ pua'a meyan tihua'utáuuni'irache'en ɨ maj cɨn autyajturaa ɨ Dioj jemi, camu che'e meyan ra'utamua'aréeranche'e mej ti'itɨ cɨn autyajturaa. 3Ma ajta, ayaa mu maɨjna cɨn ra'utamua'aree tɨj na'a sei ninye'ira'a ɨ maj cɨn Dioj jemi autyajturaa maɨjna cɨme'e mej meyan ti'imuaɨ'ɨvajtaca, 4Ayaa pu'u na'a, a'ini capu rɨ'ɨri tɨ ayan aɨjna cɨn tihua'utauuni'i ɨ maj cɨn autyajturaa ɨ Dioj jemi aɨjna cɨme'e ɨ hua'axuure'e aɨme ɨ tuuru'use, majta aɨme ɨ caurasi. 5Aɨj pu cɨn, tɨ'ɨj aɨn Cɨriistu'u yan huataseijre iiyan chaanaca japua, ayaa pu tyu'utaxajtaca'a tɨcɨn: Capaj peyan raataxe'eve nyaj ti'itɨ tyu'utamuaɨ'ɨvajta na'ari nyaj ti'itɨ tyu'utatuiire'en mueetzi jemi, silu ayaa paj rɨ'ɨ naaruu ɨ nyaj ratyáhue'ira'a. 6Capu a'atzu mua'aránajchaca'a mej meyan tyu'utamuaɨ'ɨvajta mueetzi jemi ɨ maj hua'utyaatai na'ari ɨ maj meyan tyu'utatuiri'i mueetzi jemi aɨjna cɨme'e ɨ maj cɨn autyajturaa mueetzi jemi. 7Nyatɨ'ɨj ni neyan tyu'utanixaa yee: “Ma'acui xaa, ayaa nu een cɨn mu a'uve'eme nyej ni neyan tya'ara'asten a'ij pej ti'ijxe'eve'e, muaa, mɨ paj Dioj pueen, a'ij tɨ nyeetzi cɨme'en te'eyu'usi'i ɨ yu'uxari jetze tɨ íri'i.” 8Anacai pu ayan tyu'utaxajtaca'a yee tɨ Dioj cai ra'aranajchaca'a mej meyan tyu'utamuaɨ'ɨvajta na'ari maj ti'itɨ tyu'utatuiire'en ɨ jemin. Ajta yee tɨ cai raataxe'eve mej meyan tyu'utamuaɨ'ɨvajtaca'a ɨ maj hua'utyaatai nusu maj maɨjna cɨn tyu'utamuaɨ'ɨvajtaca'a maɨjna cɨme'e ɨ maj cɨn autyajturaa ɨ Dioj jemi. Naimi'i tɨj na'a maj meyan ti'imuaɨ'ɨvajta, ayaa pu tihua'utaij mej meyan huarɨni aɨjna ɨ nyuucari ɨ maj cɨn ti'ijta. 9Ajta e'eyan ayan tyu'utaxajtaca'a tɨcɨn: “Ma'acui xaa, ayaa nu een cɨn mu a'uve'eme nyej ni neyan tya'ara'asten a'ij pej ti'ijxe'eve'e muaa, mɨ pej Dioj pueen.” Ayaa pu huataujmua'a aɨjna tɨ raataxajtaca'a tɨ aɨn ari ra'uraúu aɨjna ɨ nyuucari tɨ anacai huatyatuiihuaca'a tɨ ij raatyajtuaani ɨ tu'uve'etyajtɨ. 10Ajta, a'ini ayan ruxé'evi'ira'a cɨn mu a'uve'eme, aɨ pu ajta ayan tu'iraavi'itɨ tɨj na'a rusen cɨme'e aɨjna cɨme'e tɨ ayan huataujmuaɨ'ɨvajtaca'a ɨ rutevi cɨme'e aɨjna ɨ Jesús tɨ ajta Cɨriistu'u pueen. 11Ajta a'atɨ tɨ na'a tɨ va'acan cɨn ti'itejvee ɨ Dioj jemi, ayaa pu nain tujca'ari tzajta'a ti'ivaɨre'e aɨjna cɨme'e ɨ tɨ cɨn tiraijca. A'anaj tɨ na'a ayan che'eta na'a ti'imuaɨ'ɨvajtaca, aɨjna tɨ cai ti'itɨ vaɨre'e tɨ ij tihua'utauuni'i ɨ maj cɨn autyajturaa ɨ Dioj jemi. 12Ma ajta aɨn Cɨriistu'u, tɨ'ɨj ayan seij na'a tyu'utamuaɨ'ɨvajtaca'a tɨ ij ayan tihua'utauuni'i tɨj na'a rusen cɨme'e ɨ maj cɨn autyajturaa ɨ Dioj jemi, aɨ pu aun a'ujyeijxɨ ɨrɨɨta'an ɨ Dioj. 13- 14Aj pu'i autejchee tɨ raachu'eve'en asta na'a cai tyamua'a naa tihua'utyamue'itɨn naijmi'ica ɨ maj rajchaɨre'e, a'ini seij pu cɨn ɨ muaɨ'ɨvejri, ayan hua'unáijmi'ire tɨj na'a rusen cɨme'e aɨme ɨ tɨ hue'iraavi'itɨ. 15Ajta aɨn xaijnyu'ucara'ara'an ɨ Dioj, ayaa pu che'eta na'a ti'ixaj itejmi jemi. Anacai pu ayan tyu'utaxajtaca'a tɨcɨn: 16Ayaa pu ti'ixa ɨ tavastara'a tɨ cɨme'en yee: Ai pu aɨn pueen ɨ nyuucari ɨ nyaj cɨn tya'atanratziiri'i hua'a jemi tɨ'ɨj te'entipua'are ajna xɨcajra'a jetze. Nyaa nu neyan hua'uta'asin mej mi meyan ra'utamua'aree ɨ rutzajta'a ɨ nyuucari ɨ nyaj cɨn ti'ijta. Nyajta nu neyan raatyajtuaasin nyaɨjna ɨ nyuucari ɨ hua'amua'atziira'a jetze. 17Ajta ayan ti'ixa tɨcɨn: Canu che'e ra'utamua'areera ɨ maj cɨn nyeetzi jemi autyajturaa na'ari ɨ maj cɨn a'ij pua'a ti'ityújchaɨca'a. 18Aɨj pu cɨn, camu che'e meyan ti'imuaɨ'ɨvajtaca maɨjna cɨme'e ɨ maj cɨn autyajturaa ɨ Dioj jemi, a'ini Dioj pu ari tihua'utauuni'iri'i. 19Ajta ijii, nye'ihuaamua'a, ayaa pu ti'ita'aca tej ti tyaxaahua tyaun a'utyarute teyujta'a a'u tɨ Dioj e'irajca aɨjna cɨme'e tɨ aɨn Jesús ra'iraaxɨre ɨ ruxuure'e ta jetze ma'acan. 20Aɨj pu cɨn ayan jajcuacan cɨn taatájuyete ɨ tyaj japuan huaju'un tej ti tyajna e'ita'a a'utyarute a'u tɨ a'acáavɨj aɨjna ɨ cɨɨxuri tej ti tyaun tzajta'an ruurican cɨn huatyaturan tyaɨjna jemi aɨjna cɨme'e tɨ ru cɨme'en huataujmuaɨ'ɨvajtaca'a. Ajta aɨn ɨ cɨɨxuri, yaa pu huataujmua'a ɨ tevijra'an aɨjna ɨ Jesús. 21Ajta, ijii pu ayan va'acan cɨn ti'ivaɨre'e ɨ jemin ta jetze ma'acan ɨ tyaj tyaɨtestyamua'ame'en pueen ɨ Dioj. 22Aɨj pu cɨn, tiche'e teyan vejli'i ajtyaxɨɨre ɨ jemin tyatɨj tyaɨte ɨ tyaj tzaahuati'ira'a cɨn uraré'en seijre'e ɨ ta tzajta'a. Tiche'e tyaxaahua jemin ajtyaxɨɨre tyaɨjna cɨme'e tej teyan ra'atzaahuate'e tɨ ayan ti'ayajna tɨ aɨn Dioj rɨ'ɨ titaata'asin aɨjna cɨme'e tɨ aɨn Cɨriistu'u ari taatyaɨɨraxɨ ɨ taxaijnyu'uca jetze tej ti cai che'e ra'utamua'aree ɨ tamua'atziira'a jetze aɨjna tɨ a'ij pua'a een. Nain pu cɨn icu, taatyaɨɨraxɨ ɨ ta jetze. 23Tiche'e teyan tyaɨjna cɨn tya'utaviicue'i tej tyauj teyan tya'atzaahuatya'a a'ij tej teri tihua'uta'ixaa ɨ tyaɨte aɨjna cɨme'en ɨ tyaj rachu'eve'e. Che'e cai ti'itɨ ayan ca'anijra'a tata'acare'en tej ti cai che'e tya'atzaahuatya'a ɨ Cɨriistu'u, a'ini aɨ pu cai a'anaj ti'itɨj cɨn atya'ɨtza'ara tɨ runyuuca cɨn tya'ataujratziiri'i itejmi jemi. 24Tiche'e teyan huarɨni tej ti ca'anijra'a huatáta'an seij tyajta seij tej ti huátaxe'eve'en, tyajta teyan huarɨni tɨ xa'apɨ'ɨn cɨme'e. 25Tiche'e cai raxaahuata tej teyan cai che'e e'etitasa'ɨrihua'an a'ij mej ti'ijrɨ'ɨre ɨ seica, silu tiche'e eitze'e ca'anijra'a huatáta'an tej ti teyan rɨ'ɨ ti'ihuataxe'eve'en tyatɨj ta'ihuaamua'a tyaɨjna cɨme'e tɨ ayan tita'amitejte'e tɨ ajna xɨcajra'an jetze ari tyaja'ure'enyejsin. 26- 27Ma ajta, tɨ pua'a teyan taxe'evi'ira'a cɨn tyauj teyan a'ij pua'a ti'ititacha'ɨ tyatɨ'ɨj teri raamua'areeri'i a'ij tɨ tira'axaj aɨjna jetze ɨ yu'uxari tɨ tzaahuati'ira'a cɨn tya'axa, capu che'e titáacɨ'ɨti saɨj ɨ muaɨ'ɨvejri tɨ cɨn Dioj titaatauuni'i, silu aɨ pu'u xaa ayan titáacɨ'ɨti aɨjna tɨ tzɨɨni'ire'e, tɨ aɨn Dioj pueijtzi cɨn taata'asin. Huapɨ'ɨ pu pueijtzi cɨn hua'uta'asin aɨme ɨ maj rajchaɨre'e. Ayaa pu aɨjna cɨn hua'aruuren tɨj taij tɨ nain cɨn ti'ita'iraca aɨjna cɨme'e tɨ huapɨ'ɨ nyu'ucamɨ'ɨ. 28Cɨme'en aɨjna ɨ nyuucari tɨ ra'uteyu'uxaca'a aɨjna ɨ Moisés tyaacan, tɨ pua'a hua'apua, na'ari hueica meti'iseiraca tɨ a'atɨ ayan ti'itɨ cɨn autyajturaa aɨjna jemi ɨ nyuucari ɨ maj cɨn ti'ijta, tɨ pua'a meyan raataxaj yee aɨ pu ti'itɨj cɨn autyajturaa, camu che'e rá'ancu'uvajxɨ'ɨsin, silu méjje'icatan. 29Ajta eitze'e pu a'ij pua'a tiraacɨ'ɨti aɨjna ɨ a'atɨ tɨ ma ruuraini aɨjna tɨ yaujra'an pueen ɨ Dioj. Eihua pu huapɨ'ɨ eitze'e pueijtzi cɨn tiraata'asin aɨjna cɨme'e tɨ aɨjna ɨ ja'atɨ ayan raatyaxaahuataca'a aɨjna ɨ xuure'e tɨ cɨn raaxa'apɨ'ɨntare aɨjna ɨ nyuucari tɨ cɨn Dioj tya'ataujratziiri'i, tɨ ajta cɨn Dioj ru'iraavi'itɨ. Aɨj pu ajta cɨn raatanyu'ucaste aɨjna ɨ xaijnyu'ucara'ara'an ɨ Dioj. 30Ayaa pu te'eme, a'ini tu'uri ramua'ate aɨjna tɨ ayan raataxajtaca'a tɨcɨn: “Ayaa pu ti'inyecɨ'ɨcɨpua inyeetzi nyej ni pueijtzi raata'an nyaɨjna ɨ a'atɨ.” Ajta ayan tyu'utaxajtaca'a tɨcɨn: “Tavastara'a pu hua'axɨjte'en ɨ rutyaɨtestyamua'a.” 31Ee xaa nya'u, eihua pu huapɨ'ɨ tzɨɨni'ire'e tɨ Dioj ayan ra'uxɨ́jte'en saɨj tɨ a'ij pua'a ti'ityujcha'ɨ ɨ Dioj jemi tɨ i'iruuri. 32Sata'aj ra'utamua'aree a'ij tɨ eenye'eque'e seijra'acaa ajna'ɨmɨ, satɨ'ɨj anacai ra'ancura'a saɨjna ɨ tavastara'a. Aj xu si tya'utaviicue'iri'i saɨjna ɨ saj cɨn tyu'utése. Eihua xu rajpueijtzica'a. 33Ajna'ɨmɨ nya'u mu meyan amá'uxaahuari'iri'i, meti'iseiraca ɨ tyaɨte. Majta, a'ij mu pua'a amuaaruu. Ajna'ɨmɨ nya'u, muan xu sajta ca'anijra'a hua'uta'a aɨme ɨ seica, ɨ mej meyan che'eta mana'a rajpueijtzica'a, a'ini naimi'i xu ru'ihuaamua'a pueen. 34Muan xu hua'ancu'uvajxɨ aɨme ɨ mej aityanami'ihuaca'a. Sajta seyan saɨjna cɨn huataujtyamua'ave tyamua'a naa matɨ'ɨj meyan tyajamuá'ari'iri'i ɨ saj tí'ijchaɨca'a. Ayaa xu een cɨn seyan huataujtyamua'ave, a'ini xu'uri ramua'areeraca'a rujɨɨmua'a sej seyan tí'ijcha'ɨ ɨ Dioj jemi saɨjna tɨ tyajá'amua'a tɨ eitze'e re'en, tɨ ajta ayan seira'a a'ame tɨj na'a rusen cɨme'e. 35Aɨj pu cɨn, caxu yá'ujɨpuan ɨ saj a'ujca'anyaacan cɨn rachu'eve'e, a'ini eihua pu huapɨ'ɨ tyajamuaacɨ'ɨti aɨjna cɨme'e sej seyan tya'utaviicue'iri'i. 36Ee xaa nya'u, ayaa pu ruxe'eve'e sej seyan tya'utaviicue'i, sej si sajta seyan huarɨni a'ij tɨ aɨn ti'ijxe'eve'e tɨ i ayan tyajamuaacɨ'ɨti aɨjna ɨ tɨ cɨn Dioj tya'ataujratziiri'i muejmi jemi. 37Ayaa pu'u na'a, a'ini capu a'atzu a'ateeri a'ij tɨ te'eyu'usi'i tɨcɨn: Aɨjna tɨ ya uve'enyejsin, aɨ pu xaa huataseijre'esin. Capu che'e a'ateeri. 38Ajta aɨn tɨ urare'enya'acan cɨn huatyajturaa inyeetzi jemi, aɨ pu aɨjna cɨn ruuri a'ame aɨjna cɨme'e tɨ tya'atzaahuate'e. Ma ajta, tɨ pua'a aɨn caujxaahuata, capu a'atzu na'aranáajchi a'ame yu nyatzajta'a. 39Me tyajta ityan, catu hua'a jetze ajtyama'acan ɨ mej meyan caujxaahuataca, aɨme ɨ tɨ Dioj hua'antipua'arite'esin. Catu xaa nya'u, silu tyan tu hua'a jetze ajtyama'acan ɨ mej tya'atzaahuate'e, aɨme ɨ tɨ Dioj hue'iratuaasin tɨj na'a rusen cɨme'e.

will be added

X\