Los Hechos 25

1Aj pu i Festo aun a'ará'a aujna tɨ'ij tye'entyarute tajtuhuan cɨme'e. Hueica xɨcaj pu a'atee aujna Cesarea. Aj pu i a'ujnyéj anna Jerusalén. 2Majta maɨn ɨ mej tihue'ijte'e u teyujta'a, majta seica ɨ mej Israel jetze ajtyama'acan ɨ maj va'acan cɨn títyatatí, aɨ mu jemin a'uré'enye maɨjna ɨ Festo. Matɨ'ɨj mi tiraaxajtzi'iri'i maɨjna ɨ Pablo. 3Eihua mu rájhuaviiri'i ti'itɨ tɨ hua'a jetze ruxe'eva'acaa tɨ aɨn Festo raataijta maj ya'uve'evi'itɨn maɨjna ɨ Pablo. Ayaa mu ti'imuajcaa aɨme maj raaje'ica a a'ahua'a, juye jetze. 4Ajta ayaa pu tihua'uta'ixaa aɨjna ɨ Festo tɨcɨn: ―Aityanami'i aɨjna ɨ Pablo aujna Cesarea. Nyajta inyaa, u nu a'uma'aj na'ame ruijmua'a, na'ari aaruijmua'a. 5Miche'e seica u a'uju'un nya jamuan ɨ mej tie'ijta va'acan cɨme'e mej mi raamua'aree tɨ pua'a aɨn Pablo autya'ɨtze ti'itɨj cɨme'e, mej mi maɨn ti'itɨj cɨn jetzen tya'ujpuá'ajte'en.―Ayaa pu tihua'uta'ixaa. 6Ayaa pu u e'etee a'achu cumu arahueica xɨcaj, na'ari tamuaamuata'a xɨcaj anna Jerusalén. Aj pu i a'ucáanye aujna Cesarea. Yaa ruijmua'ate'e yee pu antiyeijxɨ hua'a jamuan ɨ jueesi. Aj pu i raataijtaca'a maj nu'u ya'aráajan maɨjna ɨ Pablo. 7Tɨ'ɨj aɨn Pablo a'utyajrupi aujna, aj mu mi maɨn ɨ mej Israel jetze ajtyama'acan, aɨme ɨ maj maun a'araacɨ u Jerusalén, aɨ mu ajtyáxɨɨraca'a. Matɨ'ɨj mi eihua tiraaxajtzi'iri'i maɨjna cɨme'e tɨ a'ij pua'a een. Aru capu huatarɨ'ɨristaraca'a maj raataxaj tɨ pua'a ayan ti'ayajna nusu cai. 8Aj pu i Pablo tyu'utaxajtaca'a tɨ'ij huatyaujnan. Ayan tɨcɨn: ―Canu hui ti'itɨj cɨn autyajturaa jemin ɨ hua'ayu'uxa ɨ mej Israel jetze ajtyama'acan ni canu nyajta nyaɨjna cɨme'e ɨ hua'ateyuu. Canu nyajta ti'itɨj cɨn autyajturaa aɨjna jemi ɨ tɨ tihue'ijte'e aɨme ɨ romanos.―Ayaa pu tihua'uta'ixaa aɨjna ɨ Pablo. 9Ajta aɨn ɨ Festo, a'ini ayaa pu ti'ijxe'eva'acaa tɨ rɨ'ɨ tyu'utyaturan aɨme jemi ɨ mej Israel jetze ajtyama'acan, tɨ'ɨj i ayan tiraataihua'uri'i tɨcɨn: ―¿Ni mua'araanajchi paj a'ura'ani panna Jerusalén nyata'aj nyanna ya'uxa'apɨ'ɨntare'en mueetzi cɨme'e? 10Pablo pu ayan tyu'utanyúu tɨcɨn: ―Yaa nu huatyejvee hua'a jemi i jueesi i maj hueica i maj ravaɨre'e ɨ tɨ tihue'ijte'e ɨ romanos. Ayaa pu hui tiraavijte'e saj raaxa'apɨ'ɨntare'en seyajna. A'ini papu'uri tyamua'a ramua'aree, canu ti'itɨj cɨn autyajturaa aɨme jemi ɨ mej Israel jetze ajtyama'acan. 11Tɨ pua'a xaa na'utyáturánche'e ti'itɨj cɨme'e tɨ hua'ata'aca maj naaje'ica, aj nu xaa ánca'anyénche'e nyaj huamɨ'ɨni. Na'ari cai, tɨ pua'a hui cai ayan ti'ayajna a'ij mej meri tinaaxajtzi'iri'i, capu a'atɨ huataujcɨ'ɨpua tɨ nyeetzi tyu'utatuiire'en hua'a jemi. Nyámuahuavii tɨ aɨn raaxa'apɨ'ɨntare'en aɨjna tɨ tihue'ijte'e ɨ romanos. 12Ajta aɨn ɨ Festo, aɨme jamuan pu tyu'uxajtaca'a ɨ maj tira'ixaa. Aj pu i ayan tiraata'ixaa aɨjna ɨ Pablo tɨcɨn: ―Muaa pa hui rájhuau tɨ aɨn raaxa'apɨ'ɨntare'en ɨ tɨ tihue'ijte'e ɨ romanos, aɨjna jemi pa a'uméj. 13Tyauuma'aca a'achu cumu hua'apua xɨcaj, hueica xɨcaj tɨ'ɨj saɨj aun a'ará'a aujna u Cesarea. Ai pu aɨn pueen aijna tɨ rey cɨme'e ti'ityavaaca'a. Aɨ pu tihue'ijte'e aɨme ɨ mej Israel jetze ajtyama'acan. Ayaa pu antyahuaaca'a tɨcɨn Agripa. Ai pu ajta aun a'ará'a aɨjna tɨ yá'uvi'itɨn tɨ ayan antyahuaaca'a tɨcɨn Berenice. Au mu a'uva'aju'un mej mi raatataujte'en maɨjna ɨ Festo. 14- 15A'ini eihua mu u e'eteeri maujna, Festo pu raata'ixaa aɨjna ɨ rey aɨjna cɨme'en ɨ Pablo. Ayaa pu tiraata'ixaa tɨcɨn: ―Ajna tɨ'ɨj hui Félix airajraa ɨ tɨ cɨn ti'ityavaaca'a, nyatɨ'ɨj nyauna a'ucatii u Jerusalén, aɨme ɨ mej tie'ijta hua'a teyujta'a, majta hua'avaujsi ɨ mej Israel jetze ajtyama'acan, aɨ mu ti'itɨj cɨn jetzen tya'ujpuá'ajte maɨjna ɨ Pablo. Majta e'eyan nyajhuaviiri'i nyaj pueijtzi raata'an. 16Ayaa nu tihua'uta'ixaa nyaɨjna cɨme'e tɨ cai taata'aca ɨ hua'aye'ira ɨ romanos tyej teyan pueijtzi raata'an ɨ a'atɨj tɨ aɨn huamɨ'ɨni. Anacai pu ayan tyu'ujxe'eve'e tɨ aɨn a'atɨ tyu'uxáj hua'a jamuan ɨ mej ti'itɨj cɨn jetzen ti'ipua'ajte'e tɨ rusaɨj runyuuca cɨn huatyaujnan. 17’Aɨj nu hui cɨn, matɨ'ɨj mu a'uva'aju'un nyeetzi jemi, canu a'achu a'atee, silu yaa ruijmua'ate'e yee nu antiyeijxɨ hua'a jamuan ɨ jueesi. Nyatɨ'ɨj ni raataijtaca'a mej ra'anvi'itɨn ɨ Pablo. 18Majta maɨn ɨ mej ti'itɨj cɨn jetzen tya'ujpuá'ajte, matɨ'ɨj autyajhuii maj tyu'utaxaj, camu maɨjna cɨn jetzen tya'ujpuá'ajte a'ij nyej ti'imuajcaa. 19Ai mu'u cɨn tiraaxajtzi'iri'i maɨjna cɨme'e ɨ ruye'ira, ajta aɨjna ɨ a'atɨ tyaacan tɨ ayan antyahuaaca'a tɨcɨn Jesús. Ma ajta aɨn Pablo ayan ti'ixa tɨcɨn: “Auche'e pu nu'u ruuri aɨjna ɨ Jesús.” 20’A'ini canu a'atzu rajtyau a'ij nyej ye'i huarɨni nyeijna cɨme'e, nyetiraihua'uri'i nyaɨjna ɨ Pablo tɨ pua'a u a'uye'imɨ'ɨ anna Jerusalén mej mi ya'uxa'apɨ'ɨntare'en maɨjna cɨme'e. 21Tɨ'ɨqui aɨn naatahuaviiri'i tɨ aɨn hui raaxa'apɨ'ɨntare'en ɨ tɨ ti'itaijte'e ityejmi ɨ tyaj romanos pueen. Nyatɨ'ɨj ni raataityaca'a tɨ aityanami'ihua, ajta cai capu rɨ'ɨri nyaj raatáite nyaɨjna jemi ɨ tɨ ti'itaijte'e. 22Aj pu i aɨn Agripa ayan tiraata'ixaa tɨcɨn: ―Na'araanajchi hui nyaj raanamua inyaa rusentacan. Aj pu i ayan tyu'utanyúu aɨjna ɨ Festo tɨcɨn: ―Ruijmua'a paj hui ranamuajran. 23Yaa ruijmua'ate'e yee pu aun a'ará'a aɨjna ɨ Agripa, ajta aujna ɨ Berenice, ajta aɨjna ɨ Festo. Eihua mu a'ujtzaahuatya'acaa. Matɨ'ɨj mi maun a'utyajrupi hua'a jamuan ɨ mej vivejme'en cɨn títyatatí ɨ xantaaru'u, majta ɨ maj ya'aráaja maɨjna ɨ Pablo. 24Yaa pu tyu'utaxajtaca'a aɨjna ɨ Festo tɨcɨn: ―Agripa mɨ paj i'i rey, sajta mɨ sej yaa huatyáuu tajamuan, xaaseij hui samɨjna mɨ tevi. Aɨme ɨ mej Israel jetze ajtyama'acan ɨ maj aun e'eche anna Jerusalén, majta ɨ mej iiyan huachaatɨme ayujna Cesarea, naijmi'i mu naatahuaviiri'i amɨjna cɨme'e i tevi. Ayaa mu títyetyéjijhuajma'a tɨcɨn: “Capu nu'u che'e ayan tiraavijte'e tɨ ruuri.” 25’Ayaa pu hui tina'amitejte'e ineetzi tɨ cai ti'itɨj cɨn autya'ɨtze tɨ hua'ata'aca maj raaje'ica. Ajta amɨjna, ayaa pu tinaatahuaviiri'i tɨ aɨn nu'u raaxa'apɨ'ɨntare'en aujna ɨ tɨ ti'itaijte'e. Nyatɨ'ɨj ni neyan tyu'umuá'a tɨcɨn niche'e raatáite nyaujna u Roma. 26’A'ini capu hui a'ij tina'amitejte'e a'ij nyej ye'i tiraataite ɨ nyavastara'a, aɨjna tɨ ti'itaijte'e aijna cɨme'e i tevi, nyaa nu yaa rave'evi'itɨ muejmi jemi, ne'ihuaamua'a, nyajta mueetzi jemi, Agripa, mɨ paj i'i rey, pata'aj tiráihua'u tɨ'ij huámua'areeri'ihua a'ij nyej ye'i tiraataite. 27Ayaa pu'u, a'ini ayej nya'ase capu ti'itɨj vaɨre'e tɨ pua'a nyaj cai ra'uyu'uxan a'ij mej ti'itɨj cɨn jetzen ti'ipua'ajte'e nyej ni raatáite.―Ayaa pu tiraata'ixaa aɨjna ɨ Festo.

will be added

X\