3 San Juan 1

1Inyaa, i nyaj vasta'a pueen, ya nu muataujte'e, muaa Gayo mɨ nyaj muaxe'eve'e. Ee xaa nya'u, tzaahuati'ira'a nu cɨn muaxe'eve'e. 2Ayaa nu ti'ijhuavii mueetzi cɨme'en, mɨ nyaj muaxe'eve'e, tɨ ij tyamua'a naa timuaavaɨre'en, pej pi pajta cai ti'ijcui'inye. Nyaa nu ramua'aree paj urare'enya'acan cɨn seijre'e mua'a tzajta'a. 3Eihua nu nyaɨjna cɨn huatantyamua'ave nyaɨjna cɨme'e matɨ'ɨj yara'a seica ɨ ta'ihuaamua'a, matɨ'ɨj meyan tinaata'ixaa paj nu'u tzaahuati'ira'a cɨn rɨ'ɨ ti'itiá'acha'ɨ, a'ini muaa paj xaa peyan ra'astijre'e paɨjna tɨ ayan ti'ayajna. 4Ai pu aɨn pueen tɨ huapɨ'ɨ rɨ'ɨ naa tinata'aca nyej ni neyan tiraanamua mej meyan tzaahuati'ira'a cɨn rɨ'ɨ titetyújchaɨ́ mua'aye'i ɨ niyaujmua'a. 5- 6Mɨ nyaj muaxe'eve'e, xa'apɨ'ɨn paj rɨcɨ tɨj na'a paj peyan ti'itɨj cɨn tihua'atyava'ɨri ɨ ta'ihuaamua'a. Ajta eitze'e pu xa'apɨ'ɨn cɨn seijre'e ɨ Dioj jemi tɨ pua'a peyan hua'utyavaɨre'en paɨme ɨ paj cai hua'amuajte a'ini aɨ mu meyan raatyaxajtaca'a hua'a jemi ɨ maj ya tyujsa'ɨri mueetzi cɨme'en paj nu'u peyan hua'axe'eve'e ɨ a'axa'aj tyaɨte. Ayaa nu ti'imuahuavii pata'aj peyan tihua'utyavaɨre'en tyamua'a naa tɨ ij cai ti'itɨj hua'aturaatya'a matɨ'ɨj a'ucɨɨne a'ini ayaa pu tiraavijte'e aɨjna cɨme'e mej meyan ti'ivaɨre'e ɨ Dioj jemi. 7Aɨ mu maɨjna jetze ma'acan u a'araacɨ, majta camu ti'itɨ ancura'a aɨme jemi ɨ mej seij chuejra'a japua e'ema'acan. 8Aɨj pu cɨn ayan tyu'ujxe'eve'e tyej teyan tyamua'a naa tihua'ancure'evi'itɨn, tyajta hua'utyavaɨre'en ti'itɨ cɨme'e ɨ maj meyan rɨcɨ tyej ti hua'a jamuan naijmi'i tyu'umuare'en tyaɨjna jetze ma'acan tɨ ayan ti'ayajna. 9Nu'uri ti'itɨ tihua'utaiti'iri'i aɨme ɨ maj maun e'etyujsa'ɨri. Ma ajta aɨn Diótrefes, tɨ huapɨ'ɨ ra'araanajchi tɨ nain cɨn antyujmua'aréera hua'a jemi, aɨ pu cai ra'ancure'evi'itɨjcɨca'a aɨjna ɨ nyuucari. 10Aɨj nu cɨn, nyatɨ'ɨj nyaun a'atanyén, nyaa nu neyan tyajamuaata'asin saj ra'utamua'aree a'ij tɨ aɨn rɨcɨ, tɨ ayan a'ij tí'inyaxaj aɨjna cɨme'e ɨ nyuucari tɨ hue'itzi pueen. Ajta, capu aɨ na'a ayan tira'araanajchi tɨ ayan nyaruure, silu aɨ pu ajta cai hua'ancure'evi'itɨjcɨca ɨ ta'ihuaamua'a. Ee xaa, aɨ pu ajta ayan hue'ijmɨ, aɨme ɨ mej meyan ti'ijxe'eve'e mej meyan tihua'ancure'evi'itɨn. Ajta, aɨn Diótrefes, aɨ pu ayan tihua'amuarite'e mej mi cai che'e maun e'etyujsa'ɨrihua'an. 11Mɨ nyaj muaxe'eve'e, capej peyan che'eta pana'a rɨjca tɨj aɨjna tɨ a'ij pua'a ti'ityujcha'ɨ, silu pata'aj peyan che'eta pana'a rɨjca tɨj ajta aɨn tɨ xa'apɨ'ɨn ti'ityujcha'ɨ. A'atɨ tɨ na'a tɨ xa'apɨ'ɨn rɨcɨ, aɨ pu Dioj jetze ajtyama'acan. Ma ajta, a'atɨ tɨ na'a tɨ a'ij pua'a rɨcɨ, aɨ pu cai a'anaj raamuá'a ɨ Dioj. 12Ma ajta, cɨme'en aɨjna ɨ Demetrio, naimi'i mu meyan rɨ'ɨ ti'ijxa. Ee xaa nya'u, ayaa pu ti'ayajna tɨ aɨn ayan tzaahuati'ira'a cɨn ti'ityujcha'ɨ. Nyaa nu nyajta neyan tiraatyáxajta nyaɨjna ɨ Demetrio. Sajta muan, ayaa xu seyan ti'ijmua'aree nyeetzi cɨme'e nyaj huataujnyátacan cɨn neyan tiraatyáxajta. 13Nyatɨ'ɨj ti'imuayu'usa'acaa, ayaa pu ca'anijra'a tinata'acara'a nyej eihua timuaata'ixaate'en. Nyajta inyaa, canu neyan tiraataxe'eve nyej neyan timuaatayu'use'en ɨ yu'uxari jetze. 14Me nyajta inyaa, ayaa nu ti'ijxe'eve'e nyej ca'anacan muejmi jemi a'atanyén tyej ti naijmi'i tyu'utaxaj tyamua'a naa. 15Che'e Dioj muaatyapua'arite'en. Aɨ mu ɨ ta'amincustyamua'a ya muataujte'e. Pata'aj muaa peyan nyeetzi jetze ma'acan hua'utataujte'en naijmi'ica ɨ nya'amincustyamua'a ɨ maj maun a'utyáuu. Ayaa pu'u xaa, nu'uri ra'antipua'ari.

will be added

X\