2 Timuteeyu 2

1Pajta muaa, pej ni'iyauj, pata'aj huata'aca'anyen ɨ a'atzajta'a paɨjna cɨme'e tɨ Dioj rɨ'ɨ timuaata'a a'ini muaa pa ra'astijre'e ɨ Cɨriistu'u tɨ ajta i'i Jesús. 2Ayaa papu'u huarɨni. Aɨjna pej peri nyeetzi huanamuajri'i a'ij nyej tihua'uta'ixaa ɨ tyaɨte, seica mej ti'iseiraca, patɨj pana'a tinaanamuajri'i, aɨj papu'u cɨn tihua'utaijte'en seica ɨ tyetyaca ɨ maj rɨ'ɨ titetyújcha'ɨ, mej mi raayɨ'ɨtɨhua'an mej tihua'umua'aten ɨ tyaɨte. Pata'aj tya'utaviicue'i tajamuan. 3Pata'aj rɨ'ɨ tiraatyavaɨre'en ɨ Cɨriistu'u tɨ ajta i'i Jesús. Pata'aj peyan che'eta pana'a ta'utaviicue'i tajamuan aɨjna cɨme'e ɨ paj rajpueijtzi tɨj ajta xantaaru'u tɨ ti'ivaɨre'e ta'utaviicue'i aɨjna cɨme'e tɨ rajpueijtzi. 4Ajta, a'atɨ tɨ na'a tɨ ti'ivaɨre'e tɨj xantaaru'u, tɨ'ij aɨn rɨ'ɨ raata'an aɨjna tɨ ta'uyu'uxaca'a, aɨ pu'u na'a jetzen ruxe'eve'e a'ij mej rɨcɨ ɨ mej i'i xantaaru'u. 5Ayaa pu che'eta na'a een aɨme ɨ mej maun a'utyarute mej mi tyu'utatyese'en hua'a jamuan ɨ maj huatyaruaache. Tɨ ij seij raamue'itɨn aɨjna ɨ curuun, ayaa pu tyu'ujxe'eve'e tɨ aɨn ayan tyu'utatyese'en a'ij mej tiraaxa'apɨ'ɨntare aɨme ɨ mej ti'ijta. 6Ajta aɨjna tɨ eihua ti'imɨjhuaca japuan ɨ ruchuej, ayaa pu tiraavijte'e tɨ anacaican tiraacɨ'ɨti aɨjna tɨ tyu'ucɨɨraca'a. Aj pu tihua'acɨ'ɨti ɨ seica. 7Pata'aj peijna jetzen peyan ti'imua'atzaa a'ij nyej ti'imue'ixaate'e, a'ini tavastara'a pu muaata'asin pej yau'eitaa pua'ara'ani nain cɨme'e a'ij tɨ huataujmua'a. 8Pata'aj ra'utamua'aree peijna cɨme'en ɨ Jesús, tɨ ajta i'i Cɨriistu'u. Aɨ pu ajtahua'a huatarú hua'a tzajta'a ɨ mɨ'ɨchite. Aɨ pu ajta huaacɨxa'ara'an pueen aɨjna ɨ David tyaacan. Ai pu aɨn pueen ɨ nyuucari ɨ nyej tihue'ixaate'en ɨ tyaɨte. 9Aɨj nu cɨn neyan rajpueijtzi, mej meyan na'anaajɨ'ɨquen a'ij mej tihua'anajɨ'ɨqui ɨ mej a'ij pua'a titetyujcha'ɨ. Aru nyauche'e nu tihua'uta'ixaate'esin a'ini capu ti'irɨ'ɨri mej ratya'avaa aɨjna ɨ nyuucari tɨ Dioj jetze raxa a'u nyaj aiityanami'i. 10Aɨj nu cɨn nain cɨn ta'utaviicue'ira nyaɨme jemi ɨ tɨ Dioj hua'antihuau, tɨ ij ajta Cɨriistu'u tɨ ajta i'i Jesús hue'irajtuaani mej mi jemin huatyaturan rusen cɨme'e a'u tɨ á'unyeeri'i tyamua'a naa. 11Ayaa nu ti'imue'ixaate'e tzaahuati'ira'a cɨme'e seij nyuucari tɨ ayan tɨcɨn: Tɨ pua'a tyej teyan jamuan huacuii, tyan tu tyajta jamuan ruuri ta'ara'ani. 12Tɨ pua'a tej teyan ta'utaviicue'i ɨ tyaj rajpueijtzi, tyan tu tyajta jamuan tie'ijta ta'aju'un. Na'ari cai, tɨ pua'a teyan ma ruurai, aɨ pu ajta ma tuurai itejmi. 13Tɨ pua'a teyan titya'utá'ɨtza'ara'an ɨ Dioj jemi, aɨ pu cai a'anaj a'uta'ɨtzeesin itejmi jemi a'ini capu rɨ'ɨri tɨ aɨn rusaɨj rutíte. 14Pata'aj pauj paɨjna cɨn tihua'uta'ixaate'en mej mi maɨjna cɨn ra'utamua'aree a'ij nyej neri timue'ixaa. Pata'aj rɨ'ɨ tihua'uta'ixaate'en ɨ Dioj jemi mej mi cai tyú'ujtyesi'ira'a rujɨɨmua'a nyuucari cɨme'e a'ini capu ti'itɨj vaɨre'e silu a'ij pu pua'a na'a hua'aruure aɨme ɨ maj ranamua. 15Pata'aj peyan paɨjna cɨn ti'ityesa'a nain cɨn a'achu paj caj tiru'umua'aree pej pi huata'aseijrata ɨ Dioj jemi, patɨj seij ɨ tɨ Dioj raataxajtaca'a tɨcɨn xa'apɨ'ɨn paj huarɨj. Ayaa paj peyan eenya'a pua'ame tɨj seij tɨ ti'imɨjhuaca tɨ cai a'anaj autyajturaa ti'itɨj cɨme'e tɨ raatatyevi'iraste'en. Ayaa pu'u na'a, a'ini aɨ pu xa'apɨ'ɨn rɨjca aɨjna cɨme'e tɨ ti'imua'ata a'ij tɨ tiraavijte'e aɨjna ɨ nyuucari tɨ ayan ti'ayajna. 16Capej hua'ajaahuate'e aɨme ɨ mej eihua tyu'ujxajtave'e, a'ini aɨme ɨ maj meyan tyu'ujxajtave'e, eitze'e mu maruujɨpua ɨ ye'ira tɨ ayan ti'ayajna asta mana'a cai che'e ti'itɨ xajta tɨ xa'apɨ'ɨn een. 17Eihua mu a'ij pua'a tyu'uruure aɨme ɨ mej meyan tyu'ujxajtave'e, tɨj na'a tɨ tyu'ume a'ij mej ti'ixa, eitze'e pu a'ij pua'a hua'aruuren ɨ tyaɨte. Ayaa pu ti'irɨnyaca aɨme jemi ɨ maj hua'apua, aɨjna ɨ Himeneo, ajta aɨjna ɨ Fileto. 18Aɨ mu meri ma ruuhua'axɨ ɨ nyuucari tɨ ayan ti'ayajna a'ini ayaa mu ti'ixaxa'a maj nu'u meri majtahua'a huatarú ɨ mɨ'ɨchite. Mu'uri seica huatyaamue'itɨ a'ij mej tya'antzaahuate'en. 19Ma ajta, Dioj ayan tyu'uruu tɨ ij cai ti'itɨ ta'antipua'arite'en itejmi. Cu xuee tɨj chi'i ájtaahuaca'a tɨ cimieentu japua ru'ujche tɨ cai rɨ'ɨri tɨ a'atɨ ra'anján, ajta, tɨ a'ayu'usi'i tɨ ayan tɨcɨn: “Tavastara'a pu hua'amuajte aɨme ɨ rutyaɨtestyamua'a”; ajta tɨ ayan tɨcɨn: “Naimi'i matɨj mana'a pua'amua ɨ maj meyan raataxaj yee tɨ ra'astijre'e ɨ tavastara'a, miche'e maɨn ma rúuhua'axɨn ɨ maj a'ij pua'a cɨn titetyujcha'ɨ.” 20Eihua pu ti'itɨ aun tya'useijre'e chi'i tzajta'a tɨ ve'e. Capu aɨ na'a seijre'e ti'itɨ tɨ taavijhua ɨ ooro cɨme'e na'ari plaata cɨme'e silu ajta pu aɨn tya'useijre'e tɨ cɨye cɨn ti'itaavijhua, ajta xarij cɨme'e. Seica tɨ aun tye'irá'a, ayaa pu ti'ivaɨɨre'e matɨ'ɨj ti'iyeste, ajta seica tɨ ajta aun tye'irá'a, cha'a na'a pu cɨn ti'ivaɨre'e. 21Ayaa pu tí'en. Tɨ pua'a a'atɨ ayan raxe'eve'e tɨ ti'ivaɨre'e ɨ Dioj jemi tɨj aɨjna ɨ ti'itɨ tɨ ayan ti'ivaɨre'e matɨ'ɨj ti'iyeste, ayaa pu ruxe'eve'e tɨ ma ruuraini naijmi'i tɨj na'a tɨ a'ij pua'a een, aj pu xaa ayan tiraaviitya'a a'ame tɨ ij tiraatyavaɨre'en ɨ tavastara'a, tɨ ij tavastara'a ayan ratya'avaa tɨ ij tiraatyava'ɨrihua'an ti'itɨj cɨme'e tɨ xa'apɨ'ɨn een. 22Pata'aj pauj ma rúuhua'axɨn ɨ maj cɨn a'ij pua'a titetyujcha'ɨ ɨ mej tyaamua. Pata'aj peyan huarɨni hua'a jamuan ɨ mej meyan ti'ixa yee mej ra'astijre'e ɨ tavastara'a maɨjna cɨme'e ɨ mej uraré'en ɨ rutzajta'a. Pata'aj peyan rɨjca a'ij tɨ ti'ijxe'eve'e ɨ Dioj. Pata'aj pajta hua'axe'eve'e ɨ tyaɨte. Pajta peyan hua'utyapua'arite'en ɨ hua'a tzajta'a ɨ a'ihuaamua'a. 23Capej hua'astijre'e aɨme ɨ mej eihua tyú'uxajtave'e a'ini papu'uri ramua'aree tɨ ayaa na'a ti'ivaɨre'e mej mi tyu'ujaaxaijte'en ɨ tyaɨte ɨ maj rɨ'ɨ me tityaumuámua'aree. 24Ajta, capu ayan tiraavijte'e seij tɨ tavastara'a vaɨre'e tɨ ayan eenya'a aucha'acanya'a tɨ seica jamuan ti'ijaaxaijta. Capu a'atzu, silu che'e aɨn rɨ'ɨ tihua'umua'aten. Che'e ajta cai nyu'ucamɨ'ɨ tya'utaviicue'i. 25- 26Ajta aɨn tɨ ravaɨre'e ɨ tavastara'a, ayaa pu ruxe'eve'e tɨ ruxaahua rɨ'ɨ hua'uruuren aɨme ɨ maj rajchaɨre'e a'ij tɨ aɨn ti'imua'ataca. Ruxe'eve'e tɨ aɨn ra'utamua'aree yee rɨ'ɨri tɨ Dioj hua'uta'an mej mi saɨque tyu'umua'ati mej mi raamua'ati ɨ nyuucari tɨ ayan ti'ayajna, mej mi majtahua'a rɨ'ɨ me títya'umuámua'araa mua'ara'ani. Matɨ'ɨj meyan huarɨni, rɨ'ɨriista pu a'ame maj huiracɨɨnye a'u tɨ tiyaaru'u huáje'ityáana a'u tɨ ayan hua'uruu a'ij tɨ aɨn ti'ijxe'eva'acaa maj ra'ara'astijre'en.

will be added

X\