2 Corintios 13

1Nu'uri hua'apua jama'uva'amuaaraca'a, nyajtahua'a nu neri tɨn a'atanyejsin muejmi jemi. Ayaa nu rɨni a'ij tɨ te'eyu'usi'i tɨcɨn: “Mej mi tzaahuati'ira'a cɨn seij a'uxɨ́jte'en, ayaa pu ruxe'eve'e mej meyan tyu'utaxaj hua'apua ɨ tyaɨte nusu hueica.” 2Ayaa nu tihua'utanyuuche ɨ mej mejmi'i autyajturaa ɨ Dioj jemi, nyajta naijmi'ica ɨ seica. Ijii, nyaj ya'ɨmɨ huatejvee, nu'uri nyajtahua'a neyan che'eta nyana'a tihuá'anyuuche nyatɨj huarɨj nyatɨ'ɨj hua'apuacajretze amuámuaaraca'a. Tɨ pua'a nyajtahua'a nyaun a'atanyén, canu che'e tihua'utauuni'ira, 3a'ini muan xu seyan raxe'eve'e nyaj ti'itɨ jamuaataseijrate'en ɨ saj cɨn raamua'aree tɨ aɨn Cɨriistu'u ayan ca'anijra'a naata'aca nyej ni neyan tyu'uxáj aɨjna jetze ma'acan. Ajta aɨn Cɨriistu'u, capu ayan een muejmi jemi tɨj seij tɨ cai ru'uca'anisti'i, silu eecan pu huapɨ'ɨ tyu'umuarej muejmi jemi aɨjna cɨme'e ɨ rumuare'eri'ira'a. 4Aɨ pu xaa cɨn ayan áutataihuaca'a ɨ curuu jetze aɨjna cɨme'e tɨ cai ru'uca'anisti'iraca'a ɨ rutevi jetze. Ma ajta ijii, aɨ pu ruuri seijre'e aɨjna cɨme'e ɨ muáre'eri'ira'ara'an ɨ Dioj. Ajta, ityejmi, ayaa pu che'eta na'a cai tu'uca'anisti'i aɨjna cɨme'e tej Cɨriistu'u jetze ajtyama'acan. Me tyajta ityan, ɨ tyaj cɨn ti'ivaɨre'e muejmi jemi, tyan tu ruuri ta'aju'un ɨ jemin tyaɨjna cɨme'e tej jetzen arataca'anye ɨ Dioj. 5Sata'aj seyan huaujmua'atziite'en aisɨ tɨ pua'a seyan ra'astijre'e saɨjna cɨme'e sej tya'atzaahuate'e nusu sacai. Sata'aj huatyaujsei tyamua'a naa ɨ rujetze. ¿Ni qui ayan ari tyajamua'amitejte'e tɨ aɨn Jesús, tɨ ajta Cɨriistu'u pueen, aɨn muejmi jemi huatyajturaa? Na'ari cai, nusu seri huamué'itɨche. 6Ayaa nu ti'ijxe'eve'e tɨ ij ayan tyajamua'amityejtya'a tyaj cai huamue'itɨche ityan. 7Me tyajta ityan, ayaa tu ti'ijhuavii ɨ Dioj sej si cai ti'itɨ cɨn autyaturan. Catu teyan tacɨme'en rahuavii tɨ ij ayan tyajamua'amityejtya'a tej teyan tyaɨjna cɨn tya'ara'asten, silu sej si seyan huarɨni a'ij tɨ tiraavijte'e. Capu amɨn a'ij tɨ pua'a ayan tyajamua'amitejte'e tyaj huamue'itɨche nusu tyacai. 8Ayaa nu een cɨn neyan tyaja'amue'ixaate'e, a'ini catu tyaɨjna cɨn antitamua'aree tej raata'ijmɨ tyaɨjna tɨ tzaahuati'ira'a cɨn seijre'e, silu tyan tu tyaɨjna cɨn antitamua'aree tej ti tyu'utyavaɨre'en tyaɨjna cɨme'e tɨ tzaahuati'ira'a cɨn seijre'e. 9Tyan tu xaa teyan tatyamua'ave'e tyaɨjna cɨme'e tɨ cai tu'uca'anisti'i itejmi, tyajta tyaɨjna cɨme'e saj muan seri huatyaujca'ane ɨ rutzajta'a ɨ tavastara'a jemi. Ayaa tu muejmi cɨme'en ti'ijhuavii tɨ ij Dioj ayan amuaanáijmire'en. 10Ayaa nu ya'ɨmɨ huatyavaa neyan tyaja'amuayu'use'e tɨ ij cai ayan tyu'ujxe'eva'a a'ara'ani nyej ni neyan amuaatamuáre'eriste'en nyaɨjna cɨme'e tɨ nyavastara'a ayan tinyeijca nyej ni rɨ'ɨ amuaaruuren. Capu xaa nya'u aɨjna cɨn ayan tinyeijca nyej ámuaatyáuuna. 11Sata'aj huaujtyamua'ave'en, nye'ihuaamua'a. Sata'aj rɨ'ɨ huaujruuren saɨjna cɨme'e a'ij sej ti'ityujcha'ɨ. Sata'aj sajta seyan ra'astijra'a ɨ nyaj cɨn a'amuahuavii. Sata'aj sajta seyan che'eta sana'a rɨ'ɨ tyu'umua'ati, sata'aj sajta ruxaahua tí'ichajca. Tɨ pua'a seyan huarɨni, aɨ pu muejmi tzajta'a huatyaturaasin aɨjna ɨ Dioj tɨ ayan a'amuaxe'eve'e, tɨ ajta amuaatyápua'arite'en. 12Sata'aj seyan huáujtaujte'en, xu'ityaujvisi'itɨmua'acare'e saɨjna cɨme'e saj naimi'i Cɨriistu'u jetze ajtyama'acan. 13Naimi'i ɨ mej tya'atzaahuate'e, ɨ maj majta iiya tyujsa'ɨri, aɨ mu á'amuataujte'e. 14Che'e ayan muejmi jemi huatyaturan aɨjna ɨ tɨ cɨn rɨ'ɨ tyajamuaata'aca ɨ tavastara'a, aɨjna ɨ Jesús tɨ ajta Cɨriistu'u pueen. Che'e ajta a'amuaxe'eva'a ɨ Dioj. Che'e ajta aɨn xaijnyu'ucara'ara'an ɨ Dioj ayan huatyaturan muejmi jemi naijmi'ica. Che'e ayan tyá'ara'ani.

will be added

X\