1 San Juan 5

1A'atɨ tɨ na'a tɨ ayan tya'atzaahuate'e tɨ Jesús aɨn pueen aɨjna ɨ Cɨriistu'u tɨ Dioj ra'antihuau, aɨjna ɨ a'atɨ, aɨ pu ajta Dioj jetze huanyej. Ajta aɨn tɨ ayan ti'ijxe'eve'e aɨjna tɨ ya'upuaara'an pueen, aɨ pu ajta ayan hua'axe'eve'e aɨme ɨ tɨ ayan hua'uteya'upuataca'a. 2Ayaa tu een cɨn teyan ti'ijmua'aree tyej tzaahuati'ira'a cɨn hua'axe'eve'e tyaɨme ɨ maj yaujmua'ame'en pueen ɨ Dioj tyaɨjna cɨme'e tej teyan ti'ijxe'eve'e ɨ Dioj, tyajta teyan tira'astijre'e a'ij tɨ aɨn ti'itaijte'e. 3Ajta, ayaa pu huataujmua'a aɨjna ɨ tyaj nu'u raxe'eve'e ɨ Dioj tyej ti teyan tyaɨjna cɨn ra'ara'astijre'en tyaɨjna ɨ tɨ cɨn ti'itaijte'e. Ajta, capu muare'eri tyej teyan tyaɨjna cɨn ra'ara'astijre'en tyaɨjna tɨ cɨn Dioj ayan ti'itaijte'e. 4Ayaa pu aɨjna cɨn ayan ti'en a'ini a'atɨ tɨ na'a tɨ ayan Dioj jetze airaanye, aɨ pu hua'antimue'itɨcɨ aɨme ɨ maj yan seijre'e iiyan chaanaca japua. Ajta, ayaa tu tyaɨjna cɨn hua'antimue'itɨcɨ tyaɨjna cɨme'e tyej tya'atzaahuate'e. 5Ai pu aɨn pueen tɨ hua'antimue'itɨcɨ aɨme ɨ maj yan seijre'e iiyan chaanaca japua. Aɨ pu aɨn pueen tɨ ayan tya'atzaahuate'e tɨ Jesús aɨn pɨrɨcɨ tɨ yaujra'an pueen ɨ Dioj. 6Ajta aɨjna ɨ Jesús, tɨ Cɨriistu'u pueen, ai pu aɨn pueen tɨ ayan huataseijre itejmi jemi. Ayaa tu tyaɨjna cɨn ti'ijmua'aree tɨ aɨ pu tzaahuati'ira'a cɨn tejmi jemi jemi huataseijre tɨ'ɨj aɨn ayan huamuaɨ'ɨvijhuaca'a, ajta tɨ'ɨj ayan tira'iraaxɨre ɨ ruxuure'e tɨ'ɨj huamɨ'ɨ. Dioj pu ayan cɨme'en tiraatyáxajtaca'a aɨjna cɨme'e ɨ Jesús tɨ'ɨj aɨn huamuaɨ'ɨvijhuaca'a. Ajta ayan che'eta na'a cɨme'en tiraatyáxajtaca'a tɨ'ɨj Jesús huamɨ'ɨ, majta raseiraca ɨ tyaɨte. 7Ajta aɨn xaijnyu'ucara'ara'an ɨ Dioj, aɨ pu ayan tiraatyáxajta aɨjna cɨme'e a'ini aɨ pu tzaahuati'ira'a cɨn ti'ixaxa'a. 8Ee xaa nya'u, mahueica ɨ mej meyan tiraatyáxajta. Ai pu aɨn pueen ɨ xaijnyu'ucara'ara'an ɨ Dioj tɨ tejmi jemi raatyajtuaa. Ai pu ajta aɨn pueen ɨ nyuucari ɨ tyaj raanamuajri'i tɨ'ɨj Jesús ayan huamuaɨ'ɨvijhuaca'a. Ai pu ajta aɨn pueen ɨ tyaj cɨn ra'utamua'aree tɨ Cɨriistu'u ayan tyu'umɨ'ɨ ɨ curuu jetze. Majta maɨjna ɨ maj hueica, naijmi'i mu meyan che'eta mana'a tiraatyáxajta. 9Ajta, tɨ pua'a teyan tira'ancura'an a'ij mej ti'ixa ɨ tyaɨte, ayaa pu eitze'e ayan tiraavijte'e tyej teyan tira'ancura'an a'ij tɨ ajta ti'ixa ɨ Dioj a'ini eitze'e pu ruxe'eve'e a'ij tɨ ti'ixa. Ai pu aɨn pueen tɨ cɨme'en Dioj raatyaxajtaca'a, aɨjna tɨ tiraatyáxajtaca'a cɨme'en ɨ ruyauj. 10A'atɨ tɨ na'a tɨ ra'atzaahuate'e aɨjna tɨ yaujra'an pueen ɨ Dioj, aɨjna ɨ a'atɨ, aɨ pu jemin seijre'e aɨjna tɨ cɨme'en huataujxajtaca'a. Ajta a'atɨ tɨ na'a tɨ cai ra'atzaahuate'e ɨ Dioj, aɨ pu ayan ti'ixa tɨ nu'u ti'ihue'itaca ɨ Dioj aɨjna cɨme'e tɨ cai rá'antzaahua aɨjna tɨ cɨn Dioj raatyaxajtaca'a ɨ ruyauj cɨme'en. 11Ajta, ai pu aɨn pueen tɨ cɨme'en tiraatyáxajtaca'a tɨcɨn Dioj ayan taata'a tyej ti teyan ruuri huatyaturan ɨ jemin tɨj na'a rusen cɨme'e. Ajta, ayaa tu een cɨn ruuri ta'aju'un tyaɨjna cɨme'e tɨ aɨjna jetze tɨ yaujra'an pueen, aɨj pu jetze airáninyei ɨ tyaj cɨn ruuri ta'ara'ani. 12A'atɨ tɨ na'a tɨ jemin seijre'e aɨjna tɨ yaujra'an pueen ɨ Dioj, aɨ pu ajta jemin ruuri huatyaturaasin tɨj na'a rusen cɨme'e. Ma ajta a'atɨ tɨ na'a tɨ cai jemin seijre'e aɨjna tɨ yaujra'an pueen ɨ Dioj, capu ajta ruuri huatyaturaasin ɨ jemin tɨj na'a rusen cɨme'e. 13Ayaa nu een cɨn neyan tyajamuaatayu'use sej si seyan tiraamua'aree sej seyan jemin ruuri huatyaturaasin tɨj na'a rusen cɨme'e mɨ sej seyan tya'atzaahuate'e saɨjna jemi tɨ yaujra'an pueen ɨ Dioj. 14Ajta, ai pu aɨn pueen tɨ ca'anijra'a tata'aca tyej ti teyan tyaxaahua ajtyaxɨɨre ɨ jemin. Tɨ pua'a teyan ti'itɨj tiraatahuavii a'ij tɨ tiraavijte'e ɨ jemin, ayaa tu tiraamua'aree tɨ aɨn ayan ti'itanamua. 15Ajta tɨ pua'a teyan tiraamua'aree tɨ aɨn ayan ti'itanamua tɨj na'a a'ij tyej ti'itɨ tiraatahuaviira, aɨj tu cɨn teyan tyajta tiraamua'aree tɨ ayan titaata'asin a'ij tɨ tiraavijte'e ɨ tyaj cɨme'en raatahuaviiri'i. 16Tɨ pua'a a'atɨ ayan ti'ijseijra tɨ aɨn ihuaara'ara'an ayan ti'itɨ cɨn tye'etya'ɨtza'ara'an ti'itɨ cɨme'e tɨ cai ayan tiraavijte'e tɨ huamɨ'ɨni, che'e aɨn a'atɨ ayan aɨjna cɨn tiraatahuavii ɨ Dioj. Tɨ pua'a ayan aɨjna cɨn huarɨni, Dioj pu ajta ayan tiraata'asin tɨ aɨn ruuri huatyaturan ɨ jemin aɨjna ɨ ihuaara'ara'an tɨ ayan ti'itɨj cɨn tye'etya'ɨtza'ara tɨ cai ayan aɨjna cɨn tiraacɨ'ɨti tɨ huamɨ'ɨni. Ma ajta, ayaa pu ajta seijre'e ɨ maj cɨn atya'ɨtza'ara'a tɨ aɨjna cɨn ayan tiraacɨ'ɨti tɨ a'atɨ huamɨ'ɨni. Canu neyan tyaja'amueijcate'e sej si saɨjna cɨn seyan tiraatahuavii. 17Matɨj mana'a meyan maɨjna cɨn a'ij pua'a tí'ityarɨcɨ, ai pu ajta aɨn pueen ɨ maj cɨn atya'ɨtza'ara ɨ Dioj jemi. Ajta, auche'e pu tejmi jemi seijre'e ɨ maj cɨn atya'ɨtza'ara tɨ ajta aɨjna cɨn cai ayan tiraacɨ'ɨti tɨ a'atɨ aɨjna cɨn cai huamɨ'ɨni. 18Tyan tu teyan ti'ijmua'aree tɨ cai ti'itɨ cɨn atya'ɨtza'ara ɨ a'atɨ tɨ ayan Dioj jetze airaanye, silu aɨjna ɨ a'atɨ tɨ Dioj jetze airaanye, aɨ pu ayan tya'ujcu'uve, ajta cai ɨ xaijnyu'ucari ra'ajtamɨjhua aɨjna tɨ a'ij pua'a een. 19Tyan tu tyajta teyan ti'ijmua'aree tyaj Dioj jetze ajtyama'acan. Majta aɨme ɨ seica ɨ maj yan huachaatɨme iiyan chaanaca, naijmi'i mu ra'astijre'e maɨjna ɨ xaijnyu'ucari tɨ a'ij pua'a een. 20Tyajta tu teyan tiraamua'aree tɨ aɨn tɨ yaujra'an pueen ɨ Dioj yan huataseijre. Aɨ pu ajta ayan taata'a tyej ti teyan tiyau'eitaa ta'ara'ani ti'itɨ tɨ ayan ti'ayajna. Tyan tu tyajta teyan ti'ijmua'ate tyaɨjna tɨ tzaahuati'ira'a cɨn ti'ixaxa'a. Tyan tu tyajta jemin seijre'e tyaɨjna jemi tɨ ayan che'eta na'a tzaahuati'ira'a cɨn ti'ixaxa'a, tyajta tyaɨjna jemi seijre'e tɨ yaujra'an pueen ɨ Dioj, aɨjna ɨ Jesús tɨ ajta Cɨriistu'u pueen. Ai pu aɨn pueen ɨ Dioj tɨ nain cɨn ajta tzaahuati'ira'a cɨn seijre'e, tɨ ajta ayan titata'aca tyej teyan ruuri huatyaturan ɨ jemin tɨj na'a rusen cɨme'e. 21Mɨ sej yaujmua'ame'en pueen, rɨ'ɨ xu'u saɨjna cɨme'e, sej si cai rana'amiche'en ti'itɨ tɨ na'a tɨ cai Dioj pueen.

will be added

X\