Filipenses 4

1Ayee pu'u, ne'ihuaamua'a ɨ́ nej já'amuaxe'eve'e. Jé'ecan nu á'amuaseijramɨ'ɨ, a'iné mú'een xu a'ɨ́ɨn pú'een ɨ́ nej jɨ́n huatántemua'ave'e, ɨ́ nej raamuá'itɨ. Xa'ahuaújca'anen mɨ ru tzajta'a sej si tiu'utévaɨre'en seúche'e ɨ́ tavástara'a jemi, mú'een mɨ nej já'amuaxe'eve'e. 2Nee nu huá'ijee amɨ́ɨmej, ne'ɨ́jna ɨ́ Euodia, neajta ne'ɨ́jna ɨ́ Sintique, mej mi antiújcɨ'ɨpiire'en mej mi ru'ihuaamua'a muá'ara'ani ɨ́ tavástara'a jemi. 3Pajta mú'ee, mɨ pej xaa neetzi jetze ajtévaɨre'e, nee nu muahuavii ɨ́ pej hua'utévaɨre'en amɨ́mej ɨ́ uuca, a'iné a'ɨ́ɨ mú majta najtévaɨre'eca'a ineetzi, tetɨ́'ɨj tihua'utá'ixaate'eca'a ɨ́ niuucari tɨ jɨ́n Dios tu'irájtuaani. Majta jetzen rajtévaɨre'eca'a a'ɨ́jna ɨ́ Clemente, majta huá'a jetze mɨ seica ɨ́ mej neetzi jetze najtévaɨre'eca'a. Ayee pu té'eyu'usi'i ɨ́ yu'uxari jetze a'ij mej ánte'arua mej mi a'uté'uu muá'ara'ani ruurican tɨ́j na'a rusén jɨme'e ɨ́ Dios jemi. 4Ja'anáj tɨ na'a nain xɨcaj tzajta'a, ajta nain tɨ́ca'ari tzajta'a, sehuaújtemua'ave'e mú'een ɨ́ tavástara'a jemi. Neajtahua'a nu tejámuaatá'ixaate'esin yee: Sehuaújtemua'ave'e. 5Setá'aj naími'i siyen tiráamua'aree sej caí ti'itɨ teúura'ate'e, sino será'uviicua'i temua'a naa a'ɨ́mej ɨ́ mej seɨcɨé tí'imua'atze. Pu'uri yé vejli'i huatéjvee ɨ́ tavástara'a. 6Caxu tí'imuajca ti'itɨj jɨme'e, sino nain xu tiraata'ixaate'en ɨ́ Dios jemi a'achú tɨ caj tejamuá'aturaate'e, setá'aj raatáhuavii nain jɨme'e, seajta rɨ́'ɨ tiraatá'an ɨ́ Dios. 7Aj pu xaa Dios amuaatá'asin ɨ́ sej jɨ́n rɨ́'ɨ huárɨni ɨ́ ru tzajta'a. Capu ja'atɨ ramua'aree a'ij tɨ ye'í tí'irɨ'ɨri tɨ ayén rɨ́'ɨ tejaamuaatá'an ɨ́ ru tzajta'a. A'ɨ́j pu xaa Dios amuaatépua'ajte'esin ɨ́ á'amuaxɨejniu'uca, ajta ɨ́ á'amuamua'atziira'a a'ɨ́jna jɨme'e ɨ́ sej jetzen araújca'ane ɨ́ Cɨríistu'u tɨ i'i Jesús. 8Seajta á'iyen, ne'ihuaamua'a, setá'aj siyen tiú'umua'ati se'ɨ́jna jetze ti'itɨ tɨ ayén ti'ayajna, na'ari ti'itɨ tɨ ayén raavíjte'e sej si rɨ́'ɨ tiraatéjtuaani nusu ti'itɨ tɨ ayén raavíjte'e tɨ tiráacɨ'ɨti seɨ́j. Seajta siyen jetzen tiú'umua'ati ti'itɨ tɨ jé'iyecan, ca'ɨ́n ti'itɨ tɨ naa seijre'e. Tɨ pua'a ti'itɨ tí'ixɨ'epɨ'ɨn na'ari ayén tiraavíjte'e sej rɨ́'ɨ tiraata'ixaate'en, setá'aj se'ɨ́jna jetze tiú'umua'ati. 9Ajta, ti'itɨ tɨ na'a nej tejamuaamuá'ate, nusu ti'itɨ sej ra'ancuré'a neetzi jetze, na'ari nej tejámuaatá'ixaa, setá'aj siyen huárɨni. Ajta a'ɨ́ɨn ɨ́ Dios pu amuaatévaɨre'esin sej si naa rɨ́'ɨ titeeté'uuca. 10Jé'ecan nu huatántemua'ave'e ɨ́ nevástara'a jemi, ne'ɨ́jna jɨme'e ɨ́ sej seajtáhua'a sena'a na'utámua'areeri'i. Mú'een xu ramua'areereca'a tzɨ́te'e ti'itɨ tɨ ná'aturaate'eca'a. Ayee pu'u, capu tejamuaatá'a a'ij sej ye'í tinaatévaɨre'en. 11Canu niyen ti'ixa yee canu a'ij tí'ijviicua'i. Canu xaa ne'u. Nu'uri raarɨ́'ɨre a'ij nej tirá'aviicua'iran ne'ɨ́jna jɨme'e a'achú nej caj tí'ituaave. 12Nee nu ramua'aree a'ij nej ye'í huárɨni tɨ pua'a nej caí a'ij tí'ijviicua'i nusu tɨ pua'a yee netí'ituaave inee. Nee nu neri raarɨ́'ɨre nej nain jɨ́n tiu'utémua'itɨn ne'ɨ́jna jɨme'e ɨ́ nej juxa na'ari tɨ pua'a ne'i'icua. Ajta tɨ pua'a ti'itɨ na'avé'eturaate'en, na'ari tɨ pua'a necaí ti'itɨj tícha'ɨɨ, neajta niyen raarɨ́'ɨre nej tiu'utémua'itɨn. 13Nain nu jɨ́n tiu'utémua'itɨn, ne'ɨ́jna jɨme'e nej Cɨríistu'u jetzen aránca'ane. 14Mɨ seajta mú'een, xɨ́'epɨ'ɨn xu huarɨ́j se'ɨ́jna jɨme'e sej siyen tinaatévaɨ íiye nej a'ɨ́jna jɨ́n tí'itese'eca'a. 15Seajta mú'een, mɨ sej Filipos é'eche, xu'uri ramua'aree a'ij tɨ 'eene'e setɨ́'ɨj xa'ichu'i te'ará'aste amuacaícan ɨ́ sej cɨ́j rá'antzaahua ɨ́ niuucari tɨ jɨ́me'en raxa ɨ́ Dios. Netɨ́'ɨj neri huiiramé'eca ne'újna Macedonia, mú'een xu'u naatévaɨ se'ɨ́jna jɨme'e ɨ́ tej naíjmi'i tiu'umuárɨej. Mú'een xu xaa tínaatapuaíjve ineetzi. Seajta mú'een xu te'encuré'a neetzi jemi. A'u tɨ na'a mú tiújse'ɨrihua'a mɨ seica, camu a'atzu miyen huarɨ́j setɨ́j mú'een. 16Ajta, netɨ́'ɨj ne'uun a'utéveeca'a a'ujna Tesalónica, caxu seɨj sena'a tineja'uta'íti'iri'i a'ɨ́jna jɨme'e ɨ́ tɨ tiná'aturaate'eca'a. 17Canu xaa rahuauca sej seajtáhua'a tinaatá'an, sino a'ij nu'u huauca ɨ́ tɨ tejamuáacɨ'ɨti aúche'e. 18Nain nu neri ancuré'a. Neajta xaa ne'u jaítze'e aúche'e. A'iné Epafrodito ari tinaatá'a a'achú sej caj tineja'uta'íti'iri'i, jeíhua nu tí'ijcha'ɨɨ neri ɨ́ sej tineja'uta'íti'iri'i. Yee pu 'een tɨ́j muaɨ'ɨvéjri tɨ naa teáarɨ́'e, tɨ naa 'een, tɨ ra'aráanajche ɨ́ Dios. 19Ajta a'ɨ́ɨn ɨ́ Dios ɨ́ nej tí'ijvaɨre'e, a'ɨ́ɨ pu nain tejámuaatapuaíjve'esin ruxɨ́'evi'ira'a jɨme'e a'achú tɨ caj tejamuá'aturaate'e. Ayee pu tejámuaatá'asin a'ij tɨ tiraavíjte'e, a'iné a'ɨ́ɨn pu nain tí'ijcha'ɨɨ jamuan a'ɨ́jna ɨ́ Cɨríistu'u, ɨ́ tɨ i'i Jesús. 20Tiché'e jé'ecan tiraatateújtzi'ire ɨ́ Dios, a'ɨ́jna ɨ́ tej rájya'upua. Tiché'e rɨ́'ɨ tiraataxáj tɨ́j na'a rusén jɨme'e. Ché'e ayajna. 21Setá'aj hua'utateújte'en neetzi jetze me'ecan naíjmi'ica ɨ́ mej a'uté'uu ɨ́ Dios jemi a'ɨ́jna jɨme'e tɨ a'ɨ́ɨn Cɨríistu'u huá'a japua huaniú. Majta ɨ́ ne'ihuaamua'a ɨ́ mej ayajna huateí, a'ɨ́ɨ mú majta huá'ateujte'e. 22Naíjmi'i ɨ́ mej yé huateí ayajna, ɨ́ mej yé huaté'uu ɨ́ Dios jemi, a'ɨ́ɨ mú á'amuateujte'e tzɨ́te'e, a'ɨ́ɨme ɨ́ mej huá'a jetze ajtéme'ecan ɨ́ huá'ateɨtestemua'a a'ɨ́jna tɨ i'i César. 23Ché'e a'ɨ́ɨn ɨ́ tavástara'a, a'ɨ́jna ɨ́ Cɨríistu'u tɨ i'i Jesús, ché'e a'ɨ́ɨn rɨ́'ɨ tejá'amuacha'ɨ́ɨ á'ara'ani.

will be added

X\