Efesios 6

1Seajta mú'een, mɨ sej i'i tɨ'ɨríi, setá'aj hua'ará'astijre'en ɨ́ ruvaújsimua'a a'iné ayée pu tiraavíjte'e ɨ́ tavástara'a jemi. 2Ayen tɨjɨ́n: “Patá'aj nu'u rɨ́'ɨ tihua'utá'an ɨ́ a'atáàta, ajta a'anáàna.” A'ii pu a'ɨ́ɨn pú'een ɨ́ niuucari tɨ jɨ́n Dios te'ataújratziiri'i ti'itɨ́j jɨme'e tɨ pua'a ja'atɨ́ ayén ra'ará'astijre'en. 3Ajta ayén tɨjɨ́n: “Tɨ́ ij temua'a naa timuáavaɨre'en, pej pi pajta nu'u á'ateevi'in pej ruuri puá'ara'ani íiyen chaanaca japua.” 4Seajta mú'een, mɨ sej huá'aya'upua pú'een, caxu muárɨ'eristan ɨ́ ruyaujmua'a jemi mej mi caí huataniú'ucan, sino rɨ́'ɨ xu tihuá'ucha'ɨn. Sej si tihuá'umua'aten, seajta tihua'utá'ixaate'en temua'a naa a'ij tɨ tí'ijxe'eve'e ɨ́ tavástara'a. 5Seajta mú'een, mɨ sej ca'anéeri jɨ́n tí'ivaɨre'e seɨ́j jemi, setá'aj hua'ará'astijre'en a'ɨ́mej ɨ́ mej íiyen chaanaca japua tejá'amua'ijte'e. Setá'aj siyen che'atá sena'a hua'ará'astijre'en setɨ́j seajta tirá'astijre'e tzáahuati'ira'a jɨme'e se'ɨ́jna ɨ́ Cɨríistu'u, a'ɨ́jna jɨme'e sej rɨ́'ɨ huataújseijrata, seajta siyen tí'itziɨɨne'e tɨ pua'a secaí nain jɨ́n te'ará'asten. 6Setá'aj siyen a'ujca'anéecan jɨ́n tihua'utévaɨre'en a'ɨ́mej ɨ́ mej tejá'amua'aijte'e tɨ pua'a miyen tejá'amuaseij nusu mecaí. Setá'aj siyen che'atá sena'a tihua'utévaɨre'en setɨ́j seajta tiraatévaɨre'en se'ɨ́jna ɨ́ Cɨríistu'u. Setá'aj siyen se'ɨ́jna jɨ́n araúrasten a'ij tɨ tí'ijxe'eve'e ɨ́ Dios nain jɨme'e a'achú sej ú'ucaca'ane ɨ́ ru tzajta'a. 7- 8Setá'aj siyen che'atá sena'a ruxɨ́'evi'ira'a jɨme'e tihua'utévaɨre'en yee cumu tavástara'a jemi xu tí'ivaɨre'e. Jee xaa ne'u, caxu teteca sena'a jemin tí'ivaɨre'e a'iné ayée xu ramua'aree tɨ a'ɨ́ɨn tavástara'a ayén tiraatapuaíjve'esin naíjmi'ica a'ij tɨ ti'itɨ́ huáruu tɨ i'i xɨ́'epɨ'ɨn. Capu amɨ́n a'ij tɨ pua'a a'ɨ́ɨn ja'atɨ́ ca'anéeri jɨ́n tí'imuarɨ'e nusu ayén ruxɨ́'evi'ira'a jɨ́n tí'ivaɨre'e. 9Seajta mú'een, mɨ sej tihuá'aijte'e, ayée xu che'atá sena'a rɨ́'ɨ tihuá'ajcha'ɨɨ a'ɨ́mej ɨ́ mej mú'ejmi jemi tí'ivaɨre'e. Caxu huá'aneeche a'iné xu'uri ramua'aree tɨ a'ɨ́ɨn tɨ a'uun é'eseijre'e u ta japua, a'ɨ́j pu tihuá'aijte'e a'ɨ́mej ɨ́ mej mú'ejmi jemi tí'ivaɨre'e. A'ɨ́ɨ pu ajta tejá'amua'aijte'e mú'ejmi. Ajta ɨ́ jemin, naími'i xu ruxɨ́'ej 'een, mɨ sej tihuá'aijte'e, seajta mɨ sej ca'anéeri jɨ́n tí'imɨjhuaca. 10Tɨ́j íjii, setá'aj siyen huateújca'anen a'ɨ́jna jɨme'e sej jetzen araújca'anen ɨ́ tavástara'a sej nain jɨ́n tiu'utémua'itɨn ɨ́ muárɨ'eri'ire'ara'an jɨme'e. 11Setá'aj rɨ́'ɨ titecaujnan nain jɨme'e ɨ́ tɨ Dios raateájtuaa mú'ejmi jemi ɨ́ sej jɨ́n tí'itese'e tɨ́j ajta xantaaru'u tɨ nainjapua caujnan, sej si te'utáviicua'i nain jɨme'e tɨ tiyaaru'u avíitzi jɨ́n tiraaxɨ́'epɨ'ɨntare a'ij tɨ huárɨni tɨ amuaatémua'itɨn. 12Ayee xu huárɨni a'iné catu xaa ne'u a'ɨ́mej jamuan tí'itese'eca'a ɨ́ teteca sino huá'a jamuan a'ɨ́mej ɨ́ mej ti'itɨ́j jɨ́n antiújmua'aree, majta a'ɨ́mej ɨ́ mej tí'aijta, a'ɨ́me ɨ́ xɨéjniu'ucari ɨ́ mej a'ij pua'a 'een, ɨ́ mej majta títetateí ti'itɨ́j jɨme'e tɨ tɨ́ca'amiste'e seijre'e íiyen chaanaca japua, ajta ɨ́ mej é'eseijre'e u ta japua. 13A'ɨ́j xu jɨ́n nainjapua caujnan se'ɨ́jna jɨme'e tɨ Dios raateájtuaa mú'ejmi jemi sej si jɨ́n tí'itese'e tɨ́'ɨj a'ájna teja'uré'enen ɨ́ xɨcaj tɨ jetzen huataseíjre'en a'ɨ́jna tɨ a'ij pua'a een. Ayee xu huárɨni tɨ ij caí a'ɨ́ɨn mé jamaúutaxɨn a'u sej a'uté'uuca'a. Seajta mú'een, setɨ́'ɨj seri raatéemua'itɨ, ayée xu huárɨni, setá'aj se'uun a'uté'uu pua'acɨé xá'ara'ani. 14Ayee xu seíire'e xá'aju'un, nain ɨ́ sej siyen tiu'utaxáj, jé'iyecan xu jɨ́n siyen raataxáj. Ajta nain a'ij sej rɨcɨ, ayée xu siyen raruuren a'ij tɨ tiraavíjte'e ɨ́ Dios jemi. A'ɨ́j pu xaa ayén tejámuaatévaɨre'esin tɨ́j ajta tí'ivaɨre'e a'ɨ́jna ɨ́ puaasi tɨ jɨ́n avá'ujjɨ'ɨcɨe ɨ́ xantaaru'u, ajta a'ɨ́jna tɨ jɨ́n antaújnaamua ɨ́ rútaviitze'e. 15Setá'aj siyen che'atá sena'a rɨ́'ɨ huaújruuren tɨ́j ajta seɨ́j tɨ rɨ'éene'e jɨ́n ajtaújca'acaite'e tɨ i a'uun japuan é'eye'ive a'u tɨ a'ij pua'a jau'én. Setá'aj siyen huateújca'anen sej si siyen te'utáviicua'i sej tihua'utá'ixaate'en ɨ́ teɨte se'ɨ́jna jɨme'e ɨ́ niuucari tɨ jɨ́n Dios hua'anpuá'ajte'esin. 16Seajta se'ɨ́jna jɨme'e, setá'aj siyen huárɨni, setá'aj nain jɨ́n rá'antzaahuate'en ɨ́ tavástara'a. Ayee xu een jɨ́n huarɨ́n, mú'een xu raayɨ́'ɨtɨhua'an sej huateújnan tɨ́'ij caí ti'itɨ́j jɨ́n amua'antipuá'ajte'en a'ɨ́jna ɨ́ tiyaaru'u. 17Setá'aj seajta ra'ancuré'an a'ɨ́jna tɨ jɨ́n Dios amua'irátuaasin. Ayee pu tejámuaatéva'ɨri tɨ́j ajta tiraatéva'ɨre ɨ́ xantaaru'u a'ɨ́jna tɨ jɨ́n utemúucu'utzi. Ajta i'i, setá'aj siyen ru'itéchueeca a'ɨ́jna ɨ́ chuun tɨ ruxɨ́'ejta'a ajcamɨ́ɨmɨjmee tɨ amuaatáchuiite'esin a'ɨ́jna ɨ́ xɨéjniu'ucare'ara'an ɨ́ Dios. A'ɨ́jna tɨ ruxɨ́'ejta'a ajcamɨ́ɨmɨjmee, a'ii pu a'ɨ́ɨn pú'een ɨ́ niuucari tɨ jetzen raxa ɨ́ Dios. 18Setá'aj siyen araújca'anen se'ɨ́jna jetze ɨ́ xɨéjniu'ucare'ara'an ɨ́ Dios sej si rahuauca ɨ́ Dios jemi tɨ́'ɨj pɨ́ na'a se'ɨ́jna jɨme'e nain ti'itɨ́ tɨ a'ij tejamuá'aturaate'e. A'ɨ́j xu jɨ́n, seúche'e xu atanéjne'ere. Caxu raxɨéehuata sej siyen huá'a jɨme'e rahuauca ɨ́ Dios jemi naíjmi'ica a'ɨ́mej ɨ́ mej huaté'uu ɨ́ Dios jemi. 19Setá'aj siyen rahuauca ɨ́ Dios jemi neetzi jɨme'e tɨ ij a'ɨ́ɨn Dios ayén naatá'an a'ij nej niyen tiu'utaxáj ja'anáj tɨ na'a, nej ni niyen tihua'utá'ixaate'en ɨ́ teɨte, nej ni niyen caí tí'itziɨɨne'e ti'itɨ́ jɨme'e nej niyen tihua'utá'ixaate'en ne'ɨ́jna jɨme'e tɨ é'aviitzi'i a'ɨ́jna jɨme'e a'ij tɨ Cɨríistu'u ta japua huaniú. 20A'ɨ́j nu jɨ́n neri aiteánami'i ne'ɨ́jna jɨme'e nej tihuá'ixaate'e ɨ́ teɨte ɨ́ Jesús jetze me'ecan. Setá'aj siyen tí'ijhuaviira ɨ́ Dios jemi nej ni caí tí'itziɨɨne'e ti'itɨ́j jɨme'e nej tihua'utá'ixaate'en a'ij tɨ ayén tínaavíjte'e ineetzi nej niyen huárɨni. 21Ajta a'ɨ́ɨn Tíquico, ɨ́ ne'ihuaara'a ɨ́ nej raxɨ́'eve'e tɨ ayén che'atá na'a té'atzaahuate'e ɨ́ tavástara'a jemi netɨ́j inee, a'ɨ́ɨ pu caí ti'itɨ́j jɨ́n até'ɨtzea'ara ɨ́ Dios jemi. A'ɨ́ɨ pu nain tejámuaatá'ixaate'esin sej si ráamua'aree a'ij tɨ tí'inevaɨre'e, sej si seajta ráamua'aree a'ij nej rɨcɨ. 22Ayee nu een jɨ́n mú'ejmi jemi raata'íti sej si ráamua'aree a'ij tɨ tí'itavaɨre'e, tɨ ij ajta a'ɨ́ɨn rɨ́'ɨ tejamuaatá'an. 23Ché'e Dios hua'utéjpua'ajte'en naíjmi'ica ɨ́ sej ru'ihuaamua'a. Ajta a'ɨ́ɨn ɨ́ Dios ɨ́ tej rájya'upua, ajta a'ɨ́ɨn ɨ́ tavástara'a, a'ɨ́jna ɨ́ Jesús tɨ ajta i'i Cɨríistu'u, miché'e me'ɨ́n amuaataxe'eve'en a'iné mú'een xu té'atzaahuate'e. 24Ché'e a'ij tihuá'avaɨre'e naíjmi'ica ɨ́ mej rusén jɨ́n raxɨ́'eve'e me'ɨ́jna ɨ́ tavástara'a, a'ɨ́jna ɨ́ Jesús tɨ ajta i'i Cɨríistu'u.

will be added

X\