2 Corintios 9

1Jɨ́me'en a'ɨ́jna ɨ́ tej jɨ́n huá'avaɨre'e a'ɨ́mej ɨ́ tɨ Dios rɨ́'ɨ tihuá'ajcha'ɨɨ, capu a'atzu ruxe'eve'e tej tiyen tejamuaatayú'use. 2A'iné nu'uri ramua'aree sej seri á'ujca'ane sej si siyen huárɨni ruxɨ́'evi'ira'a jɨme'e. A'ɨ́j nu jɨ́n niyen á'antzaahuate'e huá'a jemi ɨ́ mej me'uun a'uchéjme tɨ́j na'a a'uun tɨ huatacá'a u Macedonia. Ayee nu tihuá'ixaate'e yee pu'uri ayén á'atee seɨ́j nine'ira'a ɨ́ sej seri rɨ́'ɨ huaújruu. Ajta, xu'uri ca'aníjra'a hua'atá'aca a'ɨ́jna jɨme'e sej siyen a'ujca'anéecan jɨ́n tiu'utévaɨre'en. 3Mɨ neajta inee, ayée nu 'een jɨ́n ta'ihuaamua'a huata'íti mú'ejmi jemi tɨ ij caí ayén te'irájra'ani tej huáapua'a tena'a ahuátatzaahuate'en a'ɨ́jna jɨme'e sej caí xɨ rɨ́'ɨ huaújruu, a'ij nej neri tihua'utá'ixaa mú'ejmi jɨme'e. 4Na'ari caí, tɨ pua'a seica ɨ́ mej me'uun Macedonia é'eme'ecan miyen me'uun ne jamuan á'uju'un, teajta tiyen amuáateuni sej caí xɨ rɨ́'ɨ huaújruuren, aj pu xaa taatatévi'iraste'esin itejmi. Capu amuaatatévi'iraste'esin mú'ejmi, sino itejmi pu xaa a'ɨ́jna jɨme'e tej mú'ejmi jɨ́n ahuátatzaahuate. 5A'ɨ́j pu jɨ́n ayée pu tinaatámitɨejte tɨ ayén tiú'ujxe'eve'e nej niyen ca'aníjra'a hua'utá'an ɨ́ ne'ihuaamua'a mej mi me'uun á'uju'un mú'ejmi jemi, mej mi amuacaí rɨ́'ɨ amuáaruuren me'ɨ́jna jɨme'e ɨ́ sej jɨ́n te'ataújratziiri'i sej tiu'utapuaíjve'en. Ayee pu'u, a'iné canu raxɨ́'eve'eca'a nej ca'anéeri jɨ́n amuaata'aíjte'en sej si tiu'utapuaíjve'en sino sej si ruxɨ́'evi'ira'a jɨ́n tiu'utá'an. 6Caxu yá'uhua'anan. Tɨ pua'a cɨ́j sena'a tiu'utá'an, cɨ́j xu'u seajta te'ancuré'asin. Ajta, tɨ pua'a jeíhua setiu'utá'an, jeíhua xu seajta te'ancuré'asin. 7Ayee pu tiú'ujxe'eve'e sej siyen huárɨni, seɨj seajta seɨj. Ché'e ja'atɨ tɨ na'a ayén tiu'utá'an a'ij tɨ ari tiraaxɨ́'epɨ'ɨntare ɨ́ ru tzajta'a. Ché'e caí ayén ramuájche'e, a'iné jé'ecan pu ra'aráanajche ɨ́ Dios tɨ ja'atɨ rutémua'ave'e tiu'utapuaíjve'en. 8Ajta a'ɨ́ɨn ɨ́ Dios, a'ɨ́ɨ pu raayɨ́'ɨtɨ tɨ ayén raatámu'iiren nain jɨme'e ɨ́ tɨ jɨ́n rɨ́'ɨ tejamuaatá'an sej si siyen ja'anáj tɨ na'a te'encuré'a'ave'en tɨ́j na'a tɨ tiú'ujxe'eve'e. A'ɨ́ɨ pu ajta ayén raatámu'iirejsin tɨ ij ayén ti'icɨ'ɨpée a'ɨ́jna jetze setɨ́j sena'a sej jɨ́n tiu'umuárɨ'en tɨ xɨ́'epɨ'ɨn 'een. 9Ayee pu té'eyu'usi'i tɨjɨ́n: A'ɨ́ɨ pu a'ɨmuá tihua'urá'ate. A'ɨ́ɨ pu ajta tihuá'apuaijve'e a'ɨ́mej ɨ́ mej caí a'ij tí'ijviicua'i. Ajta, tɨ́j na'a tɨ ayén rɨcɨ tɨ xɨ́'epɨ'ɨn 'een, a'ɨ́ɨ pu ayén huateáturaasin ɨ́ Dios jemi tɨ́j na'a rusén jɨme'e. 10Ajta a'ɨ́ɨn tɨ ti'itá'aca ɨ́ imue'eri tɨ jɨ́n ja'atɨ ayén tiu'uhuáste'en, a'ɨ́ɨ pu ajta ayén tiu'utá'asin, ajta raatámu'iiren ɨ́ sej jɨ́n huateújvaɨre'en sej si jaítze'e siyen tiu'umuárɨ'en a'ɨ́jna jɨme'e tɨ xɨ́'epɨ'ɨn 'een. 11Jéihua pu huápɨ'ɨ raatámu'iirejsin nain jɨme'e tɨ tejamuá'aturaate'e sej si ruxɨ́'evi'ira'a jɨ́n tihua'utá'an temua'a naa. 12A'iné tɨ́j na'a sej siyen se'ɨ́jna jɨ́n tí'ivaɨre'e, mú'een xu siyen hua'atéva'ɨri a'ɨ́mej ɨ́ mej Dios jemi seijre'e, se'ɨ́jna jɨme'e ɨ́ tɨ tihuá'aturaate'e. Ajta, caxu a'ɨ́ɨ sena'a jɨ́n tí'ivaɨre'e, sino ajta mú jeíhua rɨ́'ɨ tiraatá'aca ɨ́ Dios jemi me'ɨ́jna jɨme'e a'ij sej huarɨ́j. 13Ayee pu'u, a'iné ayée xu se'ɨ́jna jɨ́n tihuá'avaɨre'e, a'ɨ́ɨ mú me'ɨ́jna jɨ́n ramua'aréeren a'ij sej tirá'aste ɨ́ tavástara'a. Seajta mú'een, ayée xu se'ɨ́jna jɨ́n rɨ́'ɨ tiraatá'asin ɨ́ Dios sej rá'astijre'e, seajta ra'ancuré'a'aca ɨ́ niuucari tɨ jɨ́n Dios amua'irátuaasin. Ayee xu seajta rɨ́'ɨ tiraatá'asin ɨ́ Dios se'ɨ́jna jɨme'e ɨ́ sej temua'a naa tíhua'utapuaíjve a'ɨ́mej ɨ́ mej Jerusalén a'uchéjme, seajta naíjmi'ica. 14Majta a'ɨ́ɨme, ayée mú á'ujca'ane mú'ejmi jemi, majta miyen rahuauhuau ɨ́ Dios jemi mú'ejmi jɨme'e, me'ɨ́jna jɨme'e tɨ Dios jeíhua huápɨ'ɨ rɨ́'ɨ tihua'utá'a a'ij sej ti'itɨ jɨ́n huarɨ́j. 15Tiché'e tiyen rɨ́'ɨ tiraatá'an ɨ́ Dios temua'a naa te'ɨ́jna jɨme'e tɨ a'ɨ́ɨn ayén taatapuaíjve a'ɨ́jna tɨ ayén huápɨ'ɨ tiú'ujxe'eve'e ɨ́ tɨ jɨ́me'en caí rɨ'ɨrí tej tiyen rɨ́'ɨ tiraatá'an a'ij tɨ tiraavíjte'e.

will be added

X\