1 San Pedro 5

1Ayee nu ca'aníjra'a hua'atá'aca, ne'ɨ́mej ɨ́ mej vaujsi pú'een, ɨ́ mej mú'ejmi jetze ajtéme'ecan. Nee nu neajta vásta'a pú'een. Neajta nu niyen tiu'uséij a'ɨ́jna tɨ jɨ́n rajpuaíjtzica'a a'ɨ́jna ɨ́ Cɨríistu'u. Ayee pu che'atá na'a tí'inecɨ'ɨti ineetzi tɨ́j ajta tihuá'acɨ'ɨti a'ɨ́mej ɨ́ mej majta Jesús jamuan á'ujujhua'ane'en a'ájna xɨcáara'an jetze tɨ jetzen huataseíjre'esin a'ɨ́jna tɨ huápɨ'ɨ naa ti'iseíire'e a'ame ɨ́ Dios jemi. 2Ayee nu tejá'amua'íjcate'e sej rɨ́'ɨ tihuá'ucha'ɨn a'ɨ́mej ɨ́ mej teɨtestemua'ame'en pú'een ɨ́ Dios a'ij tɨ a'ɨ́ɨn ari a'ɨ́jna jɨ́n tejámuaa'íjca. Caxu ca'anéeri jɨ́n siyen rɨjca sino ruxɨ́'evi'ira'a jɨme'e xu'u, a'ij tɨ Dios tí'ijxe'eve'e. Caxu seajta se'ɨ́jna jɨ́n siyen rɨjca sej si ti'itɨ́j jɨ́n huamuá'itɨn, sino ayée xu'u a'ujca'anéecan jɨ́n tiu'utévaɨre'en. Na'ari caí, ayée xu tiu'utatévi'ira'ata se'ɨ́jna jɨme'e sej ti'itɨ́j huamuá'itɨ. 3Setá'aj caí á'ujtzaahuate'e sej ve'ecán jɨ́n antiújmua'aree sej siyen tíhua'uta'aíjte'en mej mi ca'anéeri jɨ́n miyen ti'itɨ́j jɨ́n huárɨni a'ɨ́ɨme ɨ́ sej huá'acha'ɨɨ. Mɨ́ seajta mú'een, setá'aj siyen rɨ́'ɨ titeetiújcha'ɨɨca huá'a jemi a'ij tɨ tiraavíjte'e. 4Tɨ́ pua'a siyen huárɨni, ayée pu tejá'amuacɨ'ɨti a'ájna xɨcáara'an jetze tɨ jetzen huataseíjre'esin a'ɨ́jna tɨ nain jɨ́n antiújmua'aree tɨ ayén che'atá na'a rɨ́'ɨ tí'itacha'ɨɨca tɨ́j ajta ayén rɨcɨ a'ɨ́jna tɨ rɨ́'ɨ tihuá'acha'ɨɨ ɨ́ rucáne'axɨstemua'a. A'ɨ́ɨ pu ayén amuaatátɨstejsin a'ɨ́jna ɨ́ curuun tɨ caí ja'anáj a'upuá'arixɨ'ɨsin, tɨ ajta rɨ́'ɨ ti'iseíire'e a'ame ɨ́ Dios jemi tɨ́j na'a rusén jɨme'e. single line composer 5Seajta mú'een, mɨ sej seuj teemua, setá'aj siyen huá'astijre'e se'ɨ́mej ɨ́ vaujsi. Setá'aj naíjmi'i siyen huárɨni, sej si siyen huárɨni secaí á'ujtzaahuate'e seɨj seajta seɨj, a'iné ayée pu té'eyu'usi'i tɨjɨ́n: Dios pu muárɨ'eri hua'atá'aca a'ɨ́mej ɨ́ mej á'ujtzaahuate'e. Mɨ́ ajta, a'ɨ́ɨ pu ayén rɨ́'ɨ tihua'atá'aca a'ɨ́mej ɨ́ mej caí miyen á'ujtzaahuate'e. 6Setá'aj siyen huataúra'an sej cɨ́lieene'ecan jɨ́n tiu'utévaɨre'en ɨ́ Dios jemi, a'ɨ́jna tɨ nain jɨ́n antiújmua'aree, tɨ ij a'ɨ́ɨn ayén ve'ecán jɨ́n tejámuaa'íjcate'en ja'anáj tɨ ayén tejámuaaxɨ́'epɨ'ɨntari'iri'i. 7Setá'aj siyen se'ɨ́jna jemi ɨ́ Dios raateájtuaani tɨ́j na'a ɨ́ sej jɨ́n a'ij té'ujmua'ate a'iné jeíhua pu tí'imua'atze mú'ejmi jɨme'e a'ij tɨ tejá'amuaruuren. 8Setá'aj temua'a naa tité'ujcu'uvee, seajta rɨ́'ɨ tí'ite'ixɨ'ere'e, mú'een, se'ɨ́jna jɨme'e tɨ a'ɨ́ɨn tiyaaru'u, ɨ́ tɨ amuájcha'ɨɨre'e, ayén éeni'icɨ'e á'uche'ecan tɨ́j muajye tɨ á'ujijhuan a'ɨ́jna jɨme'e tɨ ayén rahuauhuau a'ɨ́jna tɨ raatécɨ'ɨme. 9Setá'aj siyen huateújca'anen se'ɨ́jna jɨme'e sej té'atzaahuate'e sej si caí ratá'acare'en tɨ a'ɨ́jna ɨ́ tiyaaru'u amua'antimuá'itɨn. Ayee xu seajta ramua'aree tɨ ayén huá'aruure a'ɨ́mej ɨ́ á'amua'ihuaamua'a ɨ́ mej miyen huacaíjme a'u tɨ na'a ɨ́ chaanaca japua. Ayee pu éeni'icɨ'e seijre'e tɨ ayén huá'anaijmire'en mej mi miyen che'atá mena'a a'ɨ́jna jɨ́n á'aviicua'ire'e ɨ́ mej jɨ́n rajpuaíjtzi setɨ́j seajta mú'een. 10Ajta a'ɨ́ɨn ɨ́ Dios tɨ nain jɨ́n rɨ́'ɨ ti'itá'aca, a'ɨ́jna tɨ ayén amuaatajé tɨ ij ayén tejamuáacɨ'ɨti a'ɨ́jna ɨ́ sej jɨ́n naa rɨ́'ɨ tiyé'useijra ɨ́ Cɨríistu'u jemi tɨ́j na'a rusén jɨme'e, ayée pu á'amuaruuren. Setɨ́'ɨj a'atzu á'ateevi'in sej ti'itɨ́j jɨ́n á'aviicua'ire'e ɨ́ sej jɨ́n rajpuaíjtzi, a'ɨ́ɨ pu ruseɨ́j ayén amuaanaíjmire'en, ajta ayén ca'aníjra'a amuaatá'asin sej si te'utáviicua'i. A'ɨ́ɨ pu ajta ayén amuaatá'asin sej siyen huateújca'anen temua'a naa. 11Ché'e a'ɨ́ɨn ayén a'ɨ́jna jɨ́n ti'itéveeca'a tɨ ayén nain jɨ́n antiújmua'areere tɨ́j na'a tɨ yú auca'itɨ́ a'ame, tɨ́j na'a rusén jɨme'e. 12Ayee nu cɨ́j caj tejá'amuayu'use'e ne'ɨ́jna jamuan ɨ́ Silvano tɨ ayén tiná'amitɨejte'e tɨ a'ɨ́ɨn pú'een seɨ́j ɨ́ ne'ihuaara'a tɨ caí ti'itɨ́j jɨ́n até'ɨtzeaara. Ayee nu ne'íjna jetze tejá'amua'ixaate'e tɨ a'ii pu a'ɨ́ɨn pú'een ɨ́ tɨ tzáahuati'ira'a jɨ́n Dios ayén rɨ́'ɨ titatá'aca. Neajta ne'íjna jetze niyen ca'aníjra'a amuatá'aca sej si caí ja'anáj yá'uhua'anan a'ij nej tejá'amua'ixaate'e. 13A'ɨ́ɨme ɨ́ mej yé huaté'uu íiye Babilonia, ɨ́ tɨ Dios ajta hua'antíhuau, yé mú á'amuateujte'e. A'ɨ́ɨ pu ajta yé á'amuateujte'e ɨ́ niyauj, a'ɨ́jna ɨ́ Marcos. 14Setá'aj huaújteujte'en xu'iteújpɨ'ɨtze'axɨ'ɨn se'ɨ́jna jɨme'e sej huaújxe'eve'e, seɨj seajta seɨj. Ché'e a'ɨ́ɨn Dios rɨ́'ɨ amua'anpuá'ajte'en naíjmi'ica mú'ejmi mɨ sej Cɨríistu'u jetze ajtéme'ecan. Ayee pu'u xaa. Antipuá'areca'a.

will be added

X\